Nehemiah 6:11 - Bible Ni Thothup

¹¹ Mu gu fulweg ni lungug, “Gathigag fa miti girdi’ ni gu ma mil ngu’ug mith. Ga be leamnag ma gu ra yan gu mith ngalan e Tempel ni bochan e nggu ayuweg e pogofan rog? Dab gu rin’.”

Nehemiah 6:11 Referans Kwoze

Acts 21:13

Machane me fulweg ni ga’ar, “Mang e kam rin’ed ni gimed be yor gimed be kirebnag an’ug? Kug fal’eg rogog ni gathi kemus ni ngan m’ageg u Jerusalem machane mus ni nggum’ ni fan ngak Somol Jesus.”

Proverbs 28:1

Pi’in kireb e yad ma mil ko ngiyal’ ndariy be’ ni be lol’oegrad, ma be’ nib mat’aw e bod feni m’uthan ba layon.

Filippi 2:17

Racha’eg e sana bay ni pu’og nga daken e maligach ni be pi’ e michan’ romed ngak Got ni ngan pu’og nga daken ni bod ban’en ni kan pi’ ngak Got. Fa’anra nge yan i yodorom, me ere kug felan’, ma ngam uned ngog ni gimed gubin ko felfelan’.

Acts 20:24

Machane kug finey ni pogofan rog e dariy rogon ngog, ni fan e nge yag ni gu mu’nag e maruwel ni kan pag fan ngog mu gu mu’nag e maruwel ni Somol Jesus e ke pi’ ngog ni nggu rin’, ni aram e nggu weliy ngan nang fare Thin Ni Bfel’ ni murung’agen feni t’uf e girdi’ rok Got.

Psalms 112:8

Der ma magfan ma der ma rus; ya ri manang ni bayi guy e pi to’ogor rok ni kar waergad.

Psalms 112:6

Be’ ni bfel’ e dariy bi’id nra magawon; ma dab ni pag tilin bingyal’.

Hebrews 11:27

Michan’ rok Moses ngak Got e ir e pow’iy Moses nge yan nge chuw u Egypt nde tamdag ngak e pilung nu Egypt nike damumuw; ma de sul nga Egypt, ni bochan e gowa ke guy fare Got ndab ni guy nga owchey.

Filippi 2:30

yi pag fan e pogofan rok nge chugur ni ngem’ ni fan ko maruwel rok Kristus, ni bochan e nge ayuwegneg ko n’en ndabiyag ni ngam ayuweged gag riy.

Eklesiastes 10:1

Lal nike yim’ e rayag ni nge kirebnag bon ba melor i florida, ma bochi ngongol ni pinat e rayag ni thang e bin th’abi ga’ e gonop.

Nehemiah 6:9

Yad be guy rogon ni nggu rusgad nggu talgad ko maruwel. Mu gu meybil ni lungug, “Got mu gel nigeg e chiney!”

Nehemiah 6:3

Mu gu l’oeg e pi tamal’og ni nganog ngorow ni ngan ga’ar, “Gu be rin’ ba maruwel nib ga’ fan, ere dabiyag ni nggub. Dab gu taleg e maruwel ni bochan e nggub gguymew.”

1 Samuel 19:5

I dow ko pogofan rok ko fa ngiyal’nem ni li’ Goliath, ni aram e ke gagiyegnag SOMOL piyu Israel kar gelgad ko mael. Mu guy faram ma ga felfelan’ ngay. Ere mang ni nge chiney ma ngam finey ni ngam rin’ ban’en nib kireb ngak be’ ni bfel’ e rok ni ngam thang e fan rok David ni dariy tapgin?”

Acts 8:1

Me fel’ u wan’ Saul ni kan li’ Stefen kem’. Ka chirofen nem min tabab i gafgownag girdi’en fare galesiya u lan yu Jerusalem nrib gel e kireb ni un tay ngorad. Ma urngin e pi’in ke mich Jesus u wun’rad e ra weargad u lan yu Judea i yan ngu Samaria, ma kemus ni fapi apostel e dar uned ko mil.

Isaiah 10:18

Pi loway nib chap ko gek’iy nge yungi milay’ nib yong’ol e bayi mogothgoth, nib ta’reb rogon ko m’ar ni ubchiya’ nma thangey.

Nehemiah 6:12

Mu gu par ngu’ug leamnag mu gunang ni gathi Got e ke non ngak Shemaiah, ya Tobiah nge Sanballat e kar pi’ew talin ni nge yibi ginangeg.

Numbers 3:10

Thingar mmel’eg Aron nge pifak ni pumo’on ni ngu’ur rin’ed e maruwel ko prist; ma yug be’ ni nge guy rogon ngki rin’ e pi maruwel ney e yira thang e fan rok.”