Nehemiah 5:11 - Bible Ni Thothup

¹¹ Mu thanged u babyor urngin e malfith rorad ni bay romed — ni salpiy nge grain nge wayin nge gapgep ko olive. Mi gimed sulweg ngorad e chiney e yungi flang rorad nge woldug ni grape, nge taf’i’rad ni gek’iy ni olive, nge naun rorad!”

Nehemiah 5:11 Referans Kwoze

Isaiah 58:6

“Mit i pag abich ni gu ba’adag e ba’aray: Mu chuweged e chen ni gafgow ni gimed be tay ko girdi’, mu lufed e mat’ nib tomal ni ka mu ted nga porad ni er e ngongol nde yal’uw ni gimed be rin’ ngorad, mi gimed pag e girdi’ ni gimed be gafgow nagrad nga ranod nike puf rogorad.

Luke 3:8

Mu rin’ed e ngongol ni nge dag ni kam pi’ed keru’med ko denen ni gimed be rin’. Ma dab umogned romed ni be lungumed, ‘I Abraham e ir e chitamangidad.’ Ya nggog ngomed ni Got e rayag rok ni nge fek e pi malang ney nge ngongliy ngar manged e pi’in owchen Abraham!

2 Samuel 12:6

Thangri fulweg labgen e n’en kefek ni aningeg yay nap’an, ni bochan e rib kireb e binir e ngongol nike rin’.”

1 Samuel 12:3

Ere gub aray. Fa’anra kug ngongliy ban’en nib kireb, me ere mogned e chiney u p’eowchen SOMOL nge fare pilung ni ir e ke duwgiliy. Mogned, kug fek e garbaw ara dongki rok be’? Ka’a gu bannag be’ ara kug gafgownag be’? Ka’a gu fek puluwon e sasaliyab? Fa’anra kug rin’ reb e pin’ey ma nggu pi’ puluwon e tin kug fek.”

Deuteronomy 6:11

Pi naun ni bay riy e ke suguy urngin mit e falel’ ni gathi gimed e mu ted, ma bay bogi luwed riy ni gathi gimed e mu kired, ma bay yungi woldug riy ni grapes, nge gek’iy ni olive nike m’ay i yung. Nap’an nra fekmed SOMOL ngalan e re nam nem, me yag ngomed urngin e tin gimed ba’adag ni ngam koyed,

Nehemiah 5:10

Kugpag e girdi’ kar feked e salpiy nge grain rog ni kuyad ra sulweg puluwon, ma ku aray e n’en nike rin’ e pi’in ni gamad ma maruwel u ta’bang nge pi pumo’on ni yad ma maruwel rog. Machane chiney e go’ ngad paged ni dab kud feked puluwon e pin’ey rorad.

Nehemiah 5:12

Me fulweg e pi tayugang’ ni lungurad, “Bay gu rin’ed ni bod ni kamog. Bay gu fulweged e n’en ni ferad ma dab ku gogned ngorad ni ngar pi’ed e malfith rorad ni bay romad.” Mug pining e pi prist nge mu’ulung mu gog ngak e pi tayugang’ ni ngar micheged u fithingan SOMOL u p’eowcherad ni ngar ted nga tagil’ e tin ka fin ra micheged ni ngar rin’ed.