Nehemiah 3:25 - Bible Ni Thothup

^25-26 Palal nib mo’on ni fak Uzai e ubung e gin migid, i tabab u tabthungen fare yoror nge fare wulyang ko thal ni ngalang ko tafen e pilung u to’oben e yoror ko matnag; Pedayah nib mo’on ni fak Parosh e ubung e gin migid, i yan ko ngek u to’o ben fare Garog ni Ran nge fare wulyang ni be matnagiy fare Tempel. (Re ngin’ey e bay u to’oben e gin ko fare binaw ni yima yog yu Ofel ngay, ni aram e gin nma par girdi’en e maruwel u Tempel riy.)

Nehemiah 3:25 Referans Kwoze

Jeremiah 32:2

Ma aram e ngiyal’ ni be cham e pilung nu Babylon nga Jerusalem, ma gu bay ni kan kalbus nigeg u lan e yoror u tafen e pilung.

Jeremiah 37:21

Me yog Zedekiah ni Pilung ni nga ni loknag e garog ngog u lan e yoror u tafen e pilung, ra reb e rran ma ba yael’ e flowa ni ka ni pi’ ngog ni kan fek u tafen e lum flowa, nge mada’ ko ngiyal’ nike m’ay urngin e flowa u lan fare binaw.

Jeremiah 33:1

Nap’an ni ku gu ba kalbus ni gu bay u lan e yoror, miki taw e thin rok SOMOL ngog e yay ni l’agruw ngay.

Nehemiah 12:39

mag mad yan u rom nggu paged e Garog ni Efraim, nge Garog ni Jeshanah, nge Garog ni Nig, nge Wulyang nu Hananel, nge fare Wulyang ko Raay, min taw ko Garog ni Saf. Mugwan gu taleged e ay i salthaw romad nga charen fare garog ko Tempel.

Ezra 2:3

Parosh — 2,172 Shefatiah — 372 Arah — 775 Pahath Moab (pi’in owchen Jeshua nge Joab) — 2,812 Elam — 1,254 Zattu — 945 Zakkai — 760 Bani — 642 Bebai — 623 Azgad — 1,222 Adonikam — 666 Bigvai — 2,056 Adin — 454 Ater (ni ku yima yog Hezekiah ngak) — 98 Bezai — 323 Jorah — 112 Hashum — 223 Gibbar — 95

Jeremiah 39:8

Ngiyal’ i nem, ma ke urfiy piyu Babylon tafen e pilung nge naun ko girdi’ ma kar buthged nga but’ e pi yoror nu Jerusalem.

Jeremiah 22:14

Gafgow e cha’ ni ga’ar, “Bay gu toy ba naun ngog nib ga’ ni thal ni lang riy e gagang’ e singgil riy.” Ma aram me fal’eg rogon e winda ko naun rok, ni plang ni cedar e fanay ngay, me achey ko row.

Nehemiah 8:4

I be’eg Ezra nib sak’iy u daken bangi ban’en ni ka ni ubung ngalang ni fan ko re mu’ulung nem, ni ren e ni fal’eg ngay. Ma ba sak’iy e pi pumo’on ni ba’aray nga ba’ ni mat’aw rok, ni aram Mattithiah, Shema, Anayah, Uriah, Hilkiah, nge Maaseyah; ma ba sak’iy e tin ni ba’aray e pumo’on nga ba’ ni gilay’ rok, ni aram Pedayah, Mishael, Malkijah, Hashum, Hashbaddanah, Zekariah, nge Meshullam.

Nehemiah 7:8

Irera’ babyoren e yuke girdi’ nu Israel nge urngin e girdi’ u bakan e girdi’ nge baken nra sulod u bang nga taferad: Parosh — 2,172 Shefatiah — 372 Arah — 652 Pahath Moab (pi’in owchen Jeshua nge Joab) — 2,818 Elam — 1,254 Zattu — 845 Zakkai — 760 Binnui — 648 Bebai — 628 Azgad — 2,322 Adonikam — 667 Bigvai — 2,067 Adin — 655 Ater (ni ku yima yog Hezekiah ngak) — 98 Hashum — 328 Bezai — 324 Harif — 112 Gibeon — 95

Jeremiah 38:13

miyad girngiyeg ngalang ngar chuweged gag u lan fare luwed. Tomuren e biney mi ni pageg nggu par u lan e yoror.

Mikah 4:8

Me gur, Jerusalem, ni gur tagil’ Got ni mapar riy, ni bod ba tagafaliy e saf u lan tafen e damit rok, ngi i changar nga daken e girdi’ rok, e bay kum mang bayay lolgen fare lung ni immoy ni fanam.