Nehemiah 3:13 - Bible Ni Thothup

¹³ Hanun nge pi’in yad ma par u lan fare binaw nu Zanoah e ku ra ngongliyed fare Garog ni Loway. Miyad tay e pi man’ riy ngay nge fa yuley i dubchey ni fen e lok ko garog, miyad fal’eg e gin ke kireb ko rungrung ni 1500 e fit n’umngin yang, ni yan nge mada’ ko Garog ni Dow.

Nehemiah 3:13 Referans Kwoze

Nehemiah 2:13

Kab nep’ mu gu chuw u lan binaw ni gu wan u langan fare garog ni Garog ni Loway fithingan, ni bay ko ba’ ni ngal e yoror ko binaw, mu gu sor riy ngalan e yimuch nggu wan u to’oben fare athang’el ni Dragon fithingan mu gu wan u rom ko fa binem e Garog ni Dow fithingan. Gu be yan ma gu be lekag e yu yang nike puth ko yoror ko binaw nge pi garog nike gathay e nifiy.

Joshua 15:34

Zanoah, Engannim, Tappuah, Enam,

Nehemiah 11:30

ngu Zanoah, ngu Adullam, ngu lan e yuchi binaw ni bay u charen e pi binaw ney. Ur pired u lan yu Lakish ngu daken e yungi milay’ nib chugur e ngaram, ngu lan yu Azekah nge yuchi binaw riy. Ere aram e pi girdi’en Judah ni urpired u lan e nug u thilin yu Beersheba u lan e yimuch nge fare Loway ni Hinnom u lan e lel’och.

2 Kronicles 26:9

Me gelnag Uzziah e yoror ni fan ko mael u Jerusalem ni ubung e pi wulyang ni tafen e damit ko bin Tabthung e Garog, nge bin Loway e Garog, nge gin ni chiygog e rungrung riy.

Joshua 15:56

ngu Jezreel, ngu Jokdeam, ngu Zanoah,

Nehemiah 2:15

Ma aram e guwan e re nep nem u charen e loway ni gu be lekag fare yoror; mu gu cheal nggu sul u langan fa binem e Garog ni Loway, nggu wan ngalan binaw.