Nehemiah 2:19 - Bible Ni Thothup

¹⁹ Ma fa’ani rung’ag Sanballat nge Tobiah, nge be’ u Arabia ni Geshem fithingan murung’agen e maruwel ni gamad be tay mu ur minmingad ma yad be moning ngomad. I lungurad, “Be mang e binir e maruwel ni gimed be ngongliy? Mogned, gimed be finey ni ngam togopluwgad ngak e en pilung?”

Nehemiah 2:19 Referans Kwoze

Nehemiah 6:6

Ma thin ko fare gi babyor e ga’ar: “Keyog Geshem ngog ni be yan ba thin rok e pi nam ni yad ba chuchugur ni gur nge pi Jew e kam leam niged ni ngam togopluwgad ere aramfan ni gimed be ngongliy bayay fare yoror. Ma ku be yog ni ga be leamnag ni ngam pilung

Mark 5:40

Ma aram miyad moningnag ni yad gubin, me yog Jesus ngorad ni ngranod nga wean ni yad urngin, me fek e chitamngin nge chitiningin fachi pin, nge fa dalip i cha’ ni gachalpen ngranod ngalan fare senggil ni kan moleg fachi pin riy nga but’.

Hebrews 11:36

Ma boch i yad e un moningnag ma yibe toy, ma boch i yad e ni m’ag nga nin’ nga kalbus.

Acts 24:5

Kug pir’eged e re mo’on ney ni be magawonnag e girdi’; ke k’aring e wagey u fithik’ piyu Israel i yan u gubin yang u fayleng, me ir e be yog e thin ko fare raba’ i girdi’ ni Nazarene.

John 19:12

Ma fa’ani rung’ag Pilate e re bugithin ney ma aram me ri finey ni nge pag Jesus nge yan. Machane me tolul piyu Israel ngak ni be lungurad, “Fa’an ga ra pag Jesus nge yan ma aram e gathi ka gur e fager rok fare Emperor nu Roma! En nra yog ni ir reb e pilung e ir e to’ogor rok e Emperor nu Roma!”

Luke 23:2

ni aram e gin nra tababgad i togopluwnag e thin ngak ni be lungurad, “Kug pir’eged e re mo’on ney ni be yog e tin ni gathi ir ngak e girdi’ romad, be yog ngorad ni dab ra pi’ed e tax ngak e Emperor nu Roma ma be yog ni ir Kristus, ni ir ba pilung.”

Jeremiah 20:8

Ra gu welthin ma gu be non ni ba ga’ lamag ni gu be tolul ni gu be ga’ar, “Modyargal! Riya!” SOMOL, yibe minmin ngog ma yibe moning ngog ni gubin ngiyal’, ni bochan e gu be yog e thin rom.

Psalms 80:6

Kam pag e pi nam nib liyegmad ni yad be chamnag e binaw romad; ma be yog e to’ogor romad e thin ni kireb ngomad.

Psalms 79:4

Pi nam nib liyegmad e yad be yog e thin ni kireb ngomad; yad be garus ma yad be moning nagmad.

BABYOR NI JOB 30:1

Ma chiney e pi’in pagel nib bitir ngog e yad ma gosgos nigeg! Ni pi chitamangirad e bogni’ nib m’ayfan ni ku dabi pagan’ug ni ngar ayweged e pilis rog i matanagiy e saf.

Nehemiah 6:9

Yad be guy rogon ni nggu rusgad nggu talgad ko maruwel. Mu gu meybil ni lungug, “Got mu gel nigeg e chiney!”

Nehemiah 4:1

Fa’ani rung’ag Sanballat ni gamad e Jew e kug ubungyed fare yoror, me ri damumuw ngi i moning nagmad.

Nehemiah 2:10

Sanballat e be’ ko binaw nu Beth Horon, nge Tobiah, ni reb e ga’ ko nug nu Ammon, e fa’an rrung’agew nike yib be’ ni nge maruwel ni fan ngak yu Israel, mi yow dabuy.

Matthew 9:24

me ga’ar Jesus ngorad, “Marod nga wean ni gimed gubin! Ya chi pin nir e gathi ke yim’ — ya be mol!” Ma aram miyad moningnag ni yad gubin.

Nehemiah 13:28

I Joyada e be’ nib mo’on ni fak Eliashib ni ir fare Prist ni Th’abi Ga’, machane reb e mo’on ni fak Joyada e le’engiy be’ nib bpin ni fak Sanballat ni be’ ko fare binaw nu Beth Horon, ma aram mu gog ngak Joyada nge chuw u Jerusalem.

Psalms 123:4

Kay gi n’uw nap’an nike moning nagmad e pi’in bo’or ban’en rorad nge pi’in yad be changar ngomad nga but’ ni bogi kireb nib tolangan’rad.

Jeremiah 41:10

Ma aram me kalbusnag e ppin ni pifak fare pilung nge gubin e tin ni magach e girdi’ u Mizpah, ni pi’in ni tayrad Nebuzaradan ni ir e tolang ko salthaw nga tan pa’ Gedaliah. I fekrad Ishmael ni kalbus ngar sorgad i yan ko gin tafen yu Ammon.

Psalms 80:7

Got ni Gubin ma Rayag Rok, mu fulwegmad! Mu dag e runguy rom ngomad, ya nge dabi buch ban’en romad!

Isaiah 36:5

Ni ga’ar, “Gimed be leamnag ni thin e rayag ni nge yan nga lon e salap ko salthaw nge gelnginrad? Mini’ e gimid be ta’ ngak nra aywegmed ngam togopluwgad nga Assyria?