Nehemiah 2:10 - Bible Ni Thothup

¹⁰ Sanballat e be’ ko binaw nu Beth Horon, nge Tobiah, ni reb e ga’ ko nug nu Ammon, e fa’an rrung’agew nike yib be’ ni nge maruwel ni fan ngak yu Israel, mi yow dabuy.

Nehemiah 2:10 Referans Kwoze

Nehemiah 4:7

Ma faani rung’ag Sanballat nge Tobiah, nge girdi’ nu Arabia, nge yu Ammon, nge yu Ashdod nike yan e maruwel romad ni bfel’ rogon ma yu yang ndawori peth e yoror riy e yibe muruwliy ni nge peth, me ri gel e damumuw rorad.

Nehemiah 2:19

Ma fa’ani rung’ag Sanballat nge Tobiah, nge be’ u Arabia ni Geshem fithingan murung’agen e maruwel ni gamad be tay mu ur minmingad ma yad be moning ngomad. I lungurad, “Be mang e binir e maruwel ni gimed be ngongliy? Mogned, gimed be finey ni ngam togopluwgad ngak e en pilung?”

Proverbs 27:4

Damumuw e bbuchan’ ma ba magothgoth, machane talyag e ba thum’ ngaru’.

Nehemiah 13:4

I Eliashib ni prist ni ir e ba milfan fapi senggil ni yima cha’ar ngay u Tempel, e ke n’uw nap’an ni kar pirew Tobiah ni bfel’ e puruy’ rorow.

Nehemiah 6:1

I Sanballat, Tobiah, Geshem, nge tin kabay e to’ogor romad e ra nanged ni ku gu mu’gad i ubung bayay fare yoror. Ni go’ mab ko pi garog e dawor ni suweg nga langan e garog.

Acts 5:24

Ma fa’ani rung’ag e en ni ir e mmil fan e pi’in nmatnagen e Tempel ngak nge pi tolang ko prist, mu ur fithed yad ko n’en nike rin’ fapi apostel.

Acts 4:2

Kar malalngan’gad ni bochan e fa gali apostel e yow be machibnag ngak e girdi’ ni Jesus e kan faseg ko yam’, ni aram e mich riy ni yira faseg e yam’.

Jeremiah 48:34

“Girdi’ nu Heshbon ngu Elealeh e be yor ngalang, ni yira rung’ag lamrad nga Jahaz; ma ku ra rung’ag e girdi’ nu Zoar, ma ku aram rogon nga Horonaim ngu Eglath Shelishiyah. Mus ko lul’ nu Nimrim ma ke mlik.

Jeremiah 48:5

Yi be rung’ag lamrad ni yad be yor u kanawo’ i yan nga talang nga Luhith, ma lungun e yor ko ngochngochan’ i yan nga p’ening nga Horonaim.

Isaiah 15:5

Lanin’ug e be yornag yu Moab! Girdi’ e ke mil nga nochi binaw ni Zoar, ngu Eglath Shelishiyah. Ma bochi yad e farthog ko kanawo’ nga Luhith, ni yad be yan ni yad be yor; ma boch e ke mil nga Horonaim, nib ga’ lamrad ni yad be yornag e gafgow rorad.

Eklesiastes 10:7

Kug guy e sib ni be yan u os ma be yan e pilung u but’ ni bod e sib.

Proverbs 30:22

ba sib ni mang pilung, be’ nib balyang ma bay rok urngin ni ba’adag ni nge kay,

Psalms 112:10

Pi’in kireb e ra guy ni aray rogon miyad damumuw; yad ra gat’fiy owcharad u fithik’ e fanenikan miyad chuw; tin ur athpeged e ke ma’ ngabang ni manemus.

Nehemiah 13:1

Nap’an nni be’eg fare Motochiyel rok Moses nib ga’ lamay ngak e girdi’, min pir’eg ba yil’ riy ni be yog ni dariy reb e Ammonite fa Moabite nra ma’athuk nga fithik’ e girdi’ rok Got.

Nehemiah 6:16

Nap’an ni rung’ag e to’ogor romad nu lan e pi nam nib liyegmad nike m’ay fare maruwel, me m’ay e liyab rorad, ya go’ kan nang ni Got e ke ayuweg fare maruwel ke m’ay.

Nehemiah 13:28

I Joyada e be’ nib mo’on ni fak Eliashib ni ir fare Prist ni Th’abi Ga’, machane reb e mo’on ni fak Joyada e le’engiy be’ nib bpin ni fak Sanballat ni be’ ko fare binaw nu Beth Horon, ma aram mu gog ngak Joyada nge chuw u Jerusalem.

Ester 10:3

I Mordekai ni fare Jew e ir e migid tolangin ngak Xerxes ni Pilung. Mordekai e ma tay e Jew fan ma go’ yad ba’adag daken. I maruwel ni nge fel’ ngak e girdi’ rok nge ngak gubin e pi’in owchen ni nge dabi buch ban’en rorad.

Jeremiah 41:10

Ma aram me kalbusnag e ppin ni pifak fare pilung nge gubin e tin ni magach e girdi’ u Mizpah, ni pi’in ni tayrad Nebuzaradan ni ir e tolang ko salthaw nga tan pa’ Gedaliah. I fekrad Ishmael ni kalbus ngar sorgad i yan ko gin tafen yu Ammon.