Nehemiah 13:28 - Bible Ni Thothup

²⁸ I Joyada e be’ nib mo’on ni fak Eliashib ni ir fare Prist ni Th’abi Ga’, machane reb e mo’on ni fak Joyada e le’engiy be’ nib bpin ni fak Sanballat ni be’ ko fare binaw nu Beth Horon, ma aram mu gog ngak Joyada nge chuw u Jerusalem.

Nehemiah 13:28 Referans Kwoze

Nehemiah 2:19

Ma fa’ani rung’ag Sanballat nge Tobiah, nge be’ u Arabia ni Geshem fithingan murung’agen e maruwel ni gamad be tay mu ur minmingad ma yad be moning ngomad. I lungurad, “Be mang e binir e maruwel ni gimed be ngongliy? Mogned, gimed be finey ni ngam togopluwgad ngak e en pilung?”

Nehemiah 12:22

Un tay babyor e pi’in tolang ko pi tabnaw ko Levite nge pi tabnaw ko prist u nap’an ni kabfos e pi Prist ni Th’abi Ga’ ni ba’aray fithingrad: Eliashib, Joyada, Johanan, nge Jaddua. Re babyor ney e nib ni lebuguy ko ngiyal’ ni Darius e pilung nu Persia.

Nehemiah 12:10

I Joshua e chitamngin Joyakim; me Joyakim e chitamngin Eliashib; me Eliashib e chitamngin Joyada;

Nehemiah 3:1

Ba’aray rogon nni ubung bayay e yoror ko fare binaw. I Eliashib ni fare Prist ni Th’abi Ga’ nge gachalpen ni prist e yad e ra ngongliyed fare Garog ni Saf, miyad yibilay ni aram e kar og niged, miyad ayliy fare garog ngagil’. Gin nra og niged ngak SOMOL ko fare yoror e yan nge mada’ ko fare Wulyang ko Ra’ay nge fare Wulyang rok Hananel.

Nehemiah 2:10

Sanballat e be’ ko binaw nu Beth Horon, nge Tobiah, ni reb e ga’ ko nug nu Ammon, e fa’an rrung’agew nike yib be’ ni nge maruwel ni fan ngak yu Israel, mi yow dabuy.

Proverbs 20:26

Pilung nib gonop e ra pir’eg ko mini e be rin’ e kireb, mra gechignag ndabi kireban’ ngak.

Proverbs 20:8

Ra par e pilung nga tagil’ ni nge pufthin, mra guy e kireb ma manang.

Psalms 101:8

Gubin e rran ni bay gu thirif u but’ e pi’in kireb u daken e but’ rodad; bay gu thurbeg urngin e pi’in kireb e leam rorad ngar chuwgad ko fare binaw rok SOMOL.

Nehemiah 13:25

Mu gu thin ngak fapi pumo’on, mu gu pining e buch wa’athan nga dakenrad, gu toyrad, mu gu bu’oy piyan lolugrad. Ma aram mu gog ngorad ngar micheged u fithingan Got ni dakuriy bi’id ni yad ra le’engiy pifakrad e ppin nu bang.

Nehemiah 4:1

Fa’ani rung’ag Sanballat ni gamad e Jew e kug ubungyed fare yoror, me ri damumuw ngi i moning nagmad.

Ezra 10:8

nike yog e tayugang’ rok e pi girdi’ nem. Fa’anra yan dalip e rran ndawori m’ug be’, ma gubin e pin’en nib milfan ngak e go’ yira fek rok, ma yira fek rok mat’wun ni be par ni ir reb i girdi’en fare ulung.