Nehemiah 12:45 - Bible Ni Thothup

⁴⁵ ni bochan e yad ma ngongliy e pi madnom ni fan ko machalbog nge ku boch e gaming ni tay Got chiylen. Ma girdi’en e musik nu Tempel nge matnag e ku yad be rin’ e maruwel rorad nrogon ko motochiyel ni ngongliy David ni Pilung nge Solomon nib mo’on ni fak.

Nehemiah 12:45 Referans Kwoze

2 Kronicles 23:6

Dariy be’ nra yib ngalan e Tempel ya kemus ni prist nge pi Levite ni yad be maruwel. Rayag ni ngarbad nga naun ni bochan e ka ni tabgul nagrad, machane tin kabay e girdi’ e thingar rafolgad ko n’en keyog SOMOL ngar pired u wean.

1 Kronicles 23:28

min pi’ e tin ni ba’aray e maruwel ngorad: ni ngar ayuweged e fapi prist ni pi’in owchen Aron ko liyor u Tempel, ma ngu’ur ayuweged lan fapi yoror nge pi senggil riy, ma ngu’ur ted gubin e tin nde ta’ay ngi i par nib tabgul,

2 Kings 7:10

Miyad pag fapi tent ko salthaw nu Syria ngranod ko garog ko binaw miyad pining fapi matanagen e garog me lungurad, “Kug warod ko gin ni bay e tent ko salthaw nu Syria riy ma dariy be’; ma pi os nge dongki e ka rogon ni kani m’ag gafan, ma pi tent e kayug rogon ni pag e salthaw nu Syria.”

1 Kronicles 26:26

I Shelomith nge chon e tabnaw rok e yad ba ga’ ko gubin e tow’ath nike ognag David ni Pilung ngak Got, nge pi lolgen e tabnaw, nge pi’in yad ma yog e thin ko fa yuke girdi’, nge pi tolang ko salthaw.