Nehemiah 12:43 - Bible Ni Thothup

⁴³ Rofen nem e bo’or e maligach nni pi’, ma kesugnag e felfelan’ e girdi’ ni Got e kepi’ ngorad kar felfelan’gad. Me un e pi’in ppin nge bitir ko fare madnom, ma lamrad ni yad gubin e yira rung’ag nga palog.

Nehemiah 12:43 Referans Kwoze

Ezra 3:13

Ra motoyil be’ nga lamay ni ba ga’ ni be yan ma de nang ko yibe felfelan’ fa yibe yor, ya girdi’ e yad be tolul, ni yira par u orel ma yira rung’ag lamrad.

Psalms 92:4

A SOMOL pi maruwel rom nib thum’ ngaru’ e gu ba felan’ ngay; ma bochan e n’en ni ka mu rin’, mu gu tangnag e felfelan’.

Jeremiah 31:13

Ma pi’in nrugod e bay ur churu’ gad ni kar felfelan’ gad, ma pumo’on, ni tin nib pagel nge tin ke pilibthir, e bay ra felfelan’ gad. Bay gu fal’eg lanin’rad mu gu pingeg e meyor ni yad be tay nge ngal’ ni felfelan’, ma kireban’ ni yad be tay e bay gu pingeg ko felfelan’.

James 5:13

Bay bigimed nike gafgow e chiney? Ere nge meybil. Bay bigimed nike felfelan’? Ere susun e nge yin’ e tang ni be pining e sorok ngak Got riy.

Efesus 5:19

Ra bigimed ma ngi i welthin ngak bigimed u fithik’ e tang ni thin rok Got ni bay ko Psalm, nge tang ni machib, nge tang ni murung’agen Got; um tang niged Somol ni gimed be yin’ e tang ni machib, nge tang ni thin rok Got ni bay ko Psalm, ni gimed be pining e sorok ngak u fithik’ i lanin’med.

John 16:22

Ere ku ireray e n’en ni bay mu rin’ed: chiney e ke kireban’med, machane bay kug guymed bayay, ma bay mfelfelan’gad, ni fa mit nem e felfelan’ ndariy be’ nrayag ni nge fek romed.

Matthew 21:15

Ma fa’ani guy e pi tolang ko prist nge pi tamchib ko Motochiyel e pin’em nrib fel’ ni be rin’ Jesus nge bitir ni yad be tolul ma yad be yog ni ba ga’ lamrad u lan e Tempel ni be lungurad, “Ke sorok Fak David!” miyad damumuw.

Matthew 21:9

Ma fapi girdi’ ni pire’ ni pire’ ni yad bay ngam’on rok Jesus nge fapi girdi’ ni pire’ ni pire’ ni yad be lay u keru’ Jesus e ra tababgad ko tolul ni be lungurad, “Ke sorok Fak David! I Got e nge ayuweg e en ni ir e ke yib ni owchen Somol! Ke sorok Got!”

Jeremiah 33:11

laman e felfelan’ nge garus nge laman e felfelan’ ko madnom ko m’agpa’. Ga ra rung’ag laman e girdi’ ni yad be tang ko ngiyal’ ni yad be fek e maligach ko ogmagaer ngalan e Tempel rog; bayi lungrad, ‘Ngan pining e magaer ngak SOMOL ni Gubin ma Rayag Rok, ni bochan e ba gol ma t’ufeg rok e dabimus.’ Bay gu fal’eg rogon e re nam ney ni bod rogon ko som’on. I Gag SOMOL e kugog e pi thin ney.”

Isaiah 61:3

Mu gu pi’ e felfelan’, ngak e pi’in ni kar pired u Zion nike kireban’rad, nge yan nga luwan e kireban’ rorad. Ba tang ko ogmagaer e nge yan nga luwan e gafgowan’. Bay ra boded yuke gek’iy ni SOMOL e yung. Yad gubin ni bay rin’ed e n’en ni bfel’, mi ni pining e sorok ngak Got ko n’en ke rin’.

Psalms 28:7

SOMOL e ayuw rog ma yoror rog; ma ir e ba pagan’ug ngak. Ma pi’ e ayuw nge felfelan’ ngog; gu ma pining e sorok ngak ko tang ni felfelan’.

Psalms 27:6

Pi to’ogor rog ni karon’edgag nga longob e bay gu uf ni kug gel ngorad. Bay ug pi’ e maligach ngak SOMOL u lan e Tempel rok ni kug pi’ lamag ngalang u fithik’ e felfelan’; bay gu tang, bay gu pining e sorok ngak SOMOL!

BABYOR NI JOB 34:29

Fa’anra turguy Got ndariy ban’en ni nge rin’, ma dariy be’ nrayag rok ni nge thibthibnag. Ma fa’anra mithag owchen, mra par e girdi’ ni dariy ban’en nrayag rorad.

2 Kronicles 20:27

Me pow’iy Jehoshafat fapi salthaw ngar sulod nga Jerusalem ni ka ra gelgad, ni bochan e ke gel SOMOL ngak fapi to’ogor.

2 Kronicles 20:13

Gubin e pumo’on nu Judah, nge pi le’engirad nge pifakrad, ni yad be sak’iy u rom ko fare Tempel.

2 Kronicles 7:10

me yan ni reb e rran riy, ni aram e rofen ni rliw’ nge dalip e rran ko fare pul ni medlip, me l’oeg Solomon fapi girdi’ ngar sulod nga taferad. Yad ba felfelan’ nga urngin e tow’ath nike pi’ SOMOL ngak e tirok e girdi’ nu Israel, nge David, nge Solomon.

1 Samuel 4:5

Fa’ani taw fare Kahol ko M’ag, me tolul piyu Israel ni ba ga’ lamrad ni rur e but’ riy.

Numbers 10:10

Ma ku er rogon e pi madnom ko felfelan’ — u ngilan’ e Madnom ko M’ug e Pul nge ku boch e madnom romed ko liyor — ma ngam thoyed fa gali yabul ko ngiyal’ ni ngam pi’ed e maligach romed ni mo’oruf nge maligach nma gapaseg thilin Got nge girdi’. Ma aram e gu ra ayuwegmed. I Gag SOMOL ni Got romed.”

Nehemiah 12:42

ma be lay i Maaseyah, Shemayah, Eleazar, Uzzi, Jehohanan, Malkijah, Elam, nge Ezer. Pi girdi’en e tang ni i gafaliyrad i Jezrahiah e ur tanggad ni kari musmus ga’ngin i lungurad.

Psalms 9:2

Bay gu tang ni kug uf ni bocham. Bay gu tang ni gu be pining e sorok ngom, i gur Got ni Gubin ma Rayag Rok.

Nehemiah 12:27

Nap’an nni yibley fare yoror ko binaw nu Jerusalem, min fek e pi Levite ko yungi n’en ni urpired riy ngalan fare binaw, ni bochan e nge yag nra uned i madnomnag fare yoror ni yibe yon’ tangin e ogmagaer ma yibe musiknag ko cymbal nge harp.