Nehemiah 12:27 - Bible Ni Thothup

²⁷ Nap’an nni yibley fare yoror ko binaw nu Jerusalem, min fek e pi Levite ko yungi n’en ni urpired riy ngalan fare binaw, ni bochan e nge yag nra uned i madnomnag fare yoror ni yibe yon’ tangin e ogmagaer ma yibe musiknag ko cymbal nge harp.

Nehemiah 12:27 Referans Kwoze

1 Kronicles 15:16

Me yog David ngak fapi ga’ ko Levi ni ngrogned ngak boch e Levite ni ngar tanggad ma yad be chubeg e musik nib felfelan’ lingan ko harp nge cymbal.

2 Kronicles 29:30

En ni pilung nge pi’in yad ma yog e thin ko fare nam e rogned ngak e pi Levite ni ngar tang niged SOMOL ni yad be yin’ tangin e sorok ni yoloy David nge Asaf ni profet. Ma aram me tang gubin e girdi’ nri yad ba felfelan’ ni karragbuggad nga but’ ni yad be liyor ngak.

1 Kronicles 15:28

Ma aram e urngin e girdi’ nu Israel ma ra’uned ko fare Kahol ko M’ag nga talang u Jerusalem ni yad be tolulnag e felfelan’, ma be yan lingan e rappa’, yabul, nge cymbal, nge harp.

Deuteronomy 20:5

“Ma aram e pi tolang ko salthaw e nge lungurad ngak fapi salthaw, ‘Bay bigmed u roy ni kaf ni mu’ i toy e naun, ma dawori ognag ngak Got? Fa’anra bay, ma nge sul nga tabnaw rok. Ya ra dangay, ma fa’anra yim’ ko mael, ma yug be’ e ra ognag e naun rok ngak Got.

1 Kronicles 15:12

Me ga’ar ngorad, “Gimed e pi tayugang’ ko Levi. Mu machalbog niged gimed nge pi’in gimed ni pi Levite, ya nge yag nim feked fare Kahol ko M’ag rok SOMOL ni Got nu Israel i yan ko gin ku gu ngongliy ntagil’.

1 Kronicles 15:4

Me migid me mol’og nge yan ngak e pi’in owchen Aron nge pi Levite.

Revelation 5:8

Ma fa’ani yodorom me paraw fa aningeg i n’em ni yad ba fos nge fa rliw’ nge aningeg i pi’ilal nga but’ u p’eowchen fare Fak e Saf. Ma ra bagayad ma bay reb e tatelin e musik u pa’ ni harp, nge baraba’ i ban’en nib gol nib sug nga bogi ban’en ni bfel’ bon ni yima urfiy, ni ireram e meybil rok girdi’en Got.

Filippi 4:4

Gubin ngiyal’ ni ngu’um felfelan’gad ko ta’ab girdi’ ni kam ted Somol. Ere ngku gog bayay ni nge lungug: mu felfelan’gad!

Psalms 149:3

Mu churu’gad ni gimed be pining e sorok nga fithingan; mi gimed chubeg e drum nge harp ni gimed be pining e sorok ngak.

Psalms 30:1

Gu be pining e sorok ngom, SOMOL, ya kam ayuwegneg ma da mu pag e to’ogor rog ngar giriggad ngog.

Nehemiah 11:20

Ma tin kabay ko pi girdi’ nu Israel nge tin kabay ko prist nge pi Levite e ur pired u daken taferad u lan e binaw nge yochi binaw nu Judah.

Nehemiah 8:17

Urngin fapi girdi’ ni ur kalbusgad u Babylon nra sulod nga Jerusalem e ra ngongliyed nochi naun ngar pired ngalan. Irera’ e yay nsom’on ni ku ni ngongliy bayay e ren’ey ni ka nap’an Joshua nib mo’on ni fak Nun ke yib i mada’ ko ngiyal’nem. Ma urngin e girdi’ ni kar felfelan’gad.

Ezra 6:16

Me pi’ piyu Israel, ni pi prist, nge pi Levi nge urngin piyu Israel nra sulod u Babylon ngaram e re Tempel nem nga pa’ Got u fithik’ e felfelan’.

2 Kronicles 7:6

Me sak’iy e pi prist ko yungi n’en ni kani tay ni tagil’rad, ni yad ba changar ko gin nib sak’iy e pi Levite riy, yad be pining e sorok ngak SOMOL ko pi talin e musik ni ka David ni Pilung e yagnag ma yad be yin’ fare tang ni ga’ar, “T’ufeg rok e dabimus!” ni bod nike yog David ngorad ni ngar rin’ed. I thoy fapi prist e rappa nnap’an nib sak’iy gubin e girdi’.

1 Kronicles 26:31

Jeriah e ir e i yog e thin rok e pi’in owchen Hebron. U lan aningeg i ragag e duw ni i gagiyeg David ni Pilung, min tay ba mogow girdi’ u fithik’ pi girdi’en e pi’in owchen Hebron, min pir’eg bogi salthaw nriyad ba cheag ni yad e girdi’ ko re tabnaw ney ni yad ma par u Jazer u lan e gin nib milfan nga Gilead.

1 Kronicles 23:5

ma aningeg bbiyu’ e ba milfan e matnag ngorad, ma aningeg bbiyu’ e ngu’ur pininged e sorok ngak SOMOL ni yad be chubeg e pi talin e musik ni thagnag fare pilung ni fan ko biney e gam’ing.

1 Kronicles 16:42

Heman nge Jeduthun e ku yow e ba mifan ngorow fapi rappa’ nge pi cymbal nge tin kabay e talin e musik ni yima chubeg u nap’an ni yibe yin’ fapi tangin e sorok. Chonggin fare ke girdi’ rok Jeduthun e yad e ba milfan fapi garog ngorad ni ngu’ur matnagiyed.

1 Kronicles 16:5

Min duwgiliy Asaf ni ir e ngi i gagiyeg me Zekariah e ta’ayuw rok. Me Jeyel, Shemiramoth, Jehiel, Mattithiah, Eliab, Benayah, Obed Edom, nge Jeyel e ngar musikgad ko harp. Asaf e nge musik ko cymbal,

1 Kronicles 13:8

nnap’an ni be churu’ David nge urngin fapi girdi’ ni karimus rograd ko liyor ni yad be tay ngak Got. Yad be tang ma yad be chubeg talin e musik ni harp, drum, cymbal, nge rappa’.

2 Samuel 6:12

Me rung’ag David ni Pilung nike fal’eg Got rogon girdi’en e tabinaw rok Obed Edom nge urngin e tin bay rok ni bochan fare Kahol ko M’ag; ma aram me yan i fek u na’un rok Obed nge fek i yan nga Jerusalem, ni ba ga’ e madnom ntay ni fan ngay.

Deuteronomy 16:11

Mu felfelan’ gad u p’eowchen SOMOL ni Got romed, ni gimed nge pifakmed, nge pi tapigpig, nge pi Levite, nge milekag, nge pi’in kanim’ rorad, nge pi’in ke yim’ figirngirad ni yad ma par u lan fa yoch i binaw romed. Mu rin’ed ni aray rogon ko fa ta’gin’en ni tagil’ e liyor.

1 Kings 8:63

I pi’ Solomon e maligach ni nge gapaseg thilin Got nge girdi’ ni 22,000 e garbaw, nge 120,000 e saf. Aram rogon fare Tempel rok SOMOL ni ognag fare pilung nge urngin e girdi’.

2 Kronicles 29:25

Fare pilung e fol u gubin e tin keyog SOMOL ngak David ni Pilung, ni non u l’ugun Gad ni profet rok David, ngu l’ugun Nathan ni profet; i tay fare pilung e pi Levite u lan fare Tempel ni bay e rappa nge cymbal rorad,

Nehemiah 12:43

Rofen nem e bo’or e maligach nni pi’, ma kesugnag e felfelan’ e girdi’ ni Got e kepi’ ngorad kar felfelan’gad. Me un e pi’in ppin nge bitir ko fare madnom, ma lamrad ni yad gubin e yira rung’ag nga palog.