Nehemiah 11:1 - Bible Ni Thothup

¹ Pi tayugang’ e ra pired u Jerusalem, ma tin kabay e girdi’ e ra girngiyed e pow ni nge duwgil reb e tabnaw u fithik’ yu ragag e tabnaw ni nge yan i par ngalan fare binaw nib thothup nu Jerusalem, me par e tin kabay u lan e yug binaw nge yochi binaw.

Nehemiah 11:1 Referans Kwoze

Isaiah 48:2

Ma kam ufgad ngay gimed be yog ni gimed girdi’en fare binaw nib thothup ni fare Got rok yu Israel e gimed be toer ngak, ni fithingan e SOMOL ni Gubin ma Rayag Rok.

Isaiah 52:1

Jerusalem, mu gel me gilbuguwam bayay! Binaw rok Got ni gab thothup, mon’ nga dakenam e mad rom nib gamog! Pi’in gathi yad e girdi’ rog e dab kurbad ngalan e yoror rom bayay.

Nehemiah 11:18

284 oren e Levite u gubin ni ur pired u lan fare binaw nib thothup u Jerusalem.

Nehemiah 10:34

Gamad e girdi’ ni prist nge Levite e gubin e duw ni bay gu yon’ed yochi malang nga but’ ni nge duwgil e re ke girdi’ ni nge pi’ e l’ud ni ngan urufiy fapi maligach ngay ni yibe pi’ ngak SOMOL ni Got rodad, ni rogon ni bay ko Motochiyel nthingar nrin’.

Matthew 4:5

Me fek fare mo’onyan’ Jesus ngalan fare binaw nib thothup, nge yan i tay nga daken e gin’en nth’abi tolang ko fare Tempel,

Acts 1:24

Miyad meybil ni lungurad, “Somol, ga manang laniyan’ urngin e girdi’. Ere mu dag ngomad, Somol, ko mini’ rok e gali cha’ney e kam duwgiliy

Matthew 27:53

Miyad chuw u lan e low rorad; ma nga tomuren nike fos Jesus ko yam’ miyad yan ngalan fare Binaw nib Thothup, ni aram e gin ni guyrad e girdi’ riy ni pire’.

Proverbs 16:33

Girdi’ e yad ma girengiy e pow ni ngar nanged ko mang e bm’agan’ Got ngay, machane Got e ir e ma duwgiliy e fulweg riy.

Psalms 122:5

Irera’ e gin bay tagil’ e puf oloboch riy, ni en ni pilung e ma pufthinnag e girdi’ rok riy.

1 Kronicles 26:13

Ra reb e tabnew ni demturug ga’ngin miyad girengiy e pow nge m’ug ko bin bu uw e garog e ngar matanagiyed.

Joshua 18:10

I Joshua e girengiy e pow ni fan ngorad u lan yu Shiloh u p’eowchen SOMOL, ma tin kabay e ganong nu Israel e ra reb me pi’ bang e binaw u lan fare nam ngak.

Acts 1:26

Tomuren e biney miyad girengiy nochi yang i ban’en ni bay e pow riy ni ir e nge duwgiliy bagayow fa gali ngachal. Ma re ngachal ni yan i muturug e Matthias, ma aram min uneg ko fare ragag nge ta’reb i apostel.

1 Kronicles 9:3

Girdi’ ko ganong nu Judah, Benjamin, Efraim, nge Manasseh e ranod ni ngar pired u lan yu Jerusalem.

1 Kronicles 8:28

Irera’ e pi ga’ rorad ni lolgen e pi tabnaw rorad ni kakrom nge pi’in owcherad nib ga’ ni ur pired u Jerusalem.

1 Kronicles 9:1

Urngin e girdi’ nu Israel e nni yoloy fithingrad nga babiyoren e pi tabnaw nrabad riy, ma pi chep ney e kan yoloy ngalan Fare Babyor Ni Chepin E Pi Pilung Nu Israel. Ma girdi’ nu Judah e npi’rad nga Babylon ni ngar kalbusgad ni bochan e denen rorad.

1 Kronicles 9:2

Pi’in nsom’on nra sulod ngalan e pi binaw ni taferad e bmu’un e girdi’ nu Israel ngay, nge prist, nge pi Levite, nge girdi’en e maruwel u Tempel.

Nehemiah 4:22

Ngiyal’ nem e gog ngak urngin e pi’in yad be tay murung’agen e maruwel nge urngin e girdi’ ni yad be ayuwegrad ko maruwel ni dabisiy ni ngar pired u Jerusalem nnep’, ni fan e nge yag ni gu matanagiyed e binaw nu Jerusalem ko nep’, ma gamad maruwel ko rran.

Psalms 122:6

Mu meybilgad ni nge aw e gapas u Jerusalem ni lungumed, “Manga yigi fel’ rogon e pi’in ga ba t’uf rorad!