Nehemiah 10:37 - Bible Ni Thothup

³⁷ Gamad ra fek i yan ko prist nga Tempel e flowa nni ngongliy ko tin nga’on e grain nt’ar u reb e duw nge ku tin e maligach ni wayin, gapgep ni olive, nge gubin mit e wom’ngin e gek’iy. Magmad fek ragag e pasent ko grain romad i yan ko Levite ni yad e maruwel rorad ni yad ma kunuy ragag e pasent u lan e pi binaw romad.

Nehemiah 10:37 Referans Kwoze

Levitikus 23:17

Ra reb e tabinaw ma nge fek l’agruw e flowa i yib nge pi’ ngak SOMOL nib tow’ath nib mal’eag. Ra reb e flowa ma aningeg e pawn e flour nni fanay ngay, nni athkuy e is ngay, ma ngan pi’ ngak SOMOL ni ba maligach ko tin som’on e grain.

Numbers 18:21

I ga’ar SOMOL, “Kug pi’ ngak e Levi urngin e ragag e pasent nike pi’ e girdi’ nu Israel ngog. Irara’ pulworad ko pigpig ni yad be ayweg fare Tent u p’eowcheg.

Nehemiah 13:9

Mu gog ni ngan bangbengnag ni nge machalbog fapi senggil ma ngan fulweg talin e maruwel ko tempel, nge maligach ni grain, nge incense.

Nehemiah 13:5

Me pag Tobiah ni nge par nga reb e senggil nib ga’ ni aram e gin ni un chariy e maligach ni grain riy nge incense, nge talin e maruwel ni yima maruwel ngay u Tempel, nge maligach ni fan ko prist, nge ragag e pasent ko grain, wayin, nge gapgep ko olive ni kan pi’ ko Levite, nge girdi’en e musik u Tempel nge pi matnag.

Deuteronomy 26:2

mra bigimed ma thangri dugnag e tin som’on nike yib u bmit e woldug nge bmit ngam feked i yib ko ta’gin’en tagil’ e liyor.

Deuteronomy 18:4

Ma yad e ngan pi’ ngorad e tin ba nga’an ko grain, wayin, nge gapgep ni olive, nge tin nsom’on u bunu’en e saf.

Malaki 3:10

Mu feked i yib nga Tempel, ni urngin u gubin, ragag e pasent ko tin ba’ romed, ya nge yib e ggan nga naun rog. Mu sikeng niged gag, mi gimed guy ni bay gu bing mban e tharmiy mu gu pu’og nga dakenmed e pin’en ni bfel’ nge pag e fol riy.

Malaki 3:8

Nggu fithmed, gur bmat’aw ni nge mororo’ be’ ngak Got? Dangay, machane gimed be mororo’ ngog. Ma gimed be fith ni be lungumed, ‘Uw rogon ni kug mororo’ gad?’ Ko ragag e pasent ko tin bay romed nge tin ngam ognaged.

2 Kronicles 31:6

Gubin e pi girdi’ ni yad ma par u lan fapi binaw nu Judah nra feked e ragag e pasent u gubin e garbaw nge saf rorad, mu ku yad fek i yib e tow’ath ni bo’or ngar pi’ed ngak SOMOL ni Got rorad.

Roma 11:16

Fa’anra ni pi’ e gin som’on u ba yal’ i flowa ngak Got, ma aram e fare yal’ i flowa ni polo’ e ke milfan ngak; ma fa’anra ni pi’ lik’ngin ba ke gek’iy ngak Got, ma ku errogon papa’ngin nike milfan ngak.

Deuteronomy 14:22

“Mu faeled nga bang ragag e pasent ko urngin i wom’ngin e woldug u milay’ romed u reb e duw.

Nehemiah 13:10

Kug pir’eg ni bin f’oth rok e pi Levite e da kunir pi’ ngorad; ma aram e fapi Levite nge girdi’en e tang ni bay e maruwel rorad, e ka ra milgad ni ra bagyad me yan ngi i ngongliy e flang rok.

Nehemiah 13:12

Ma aram e gubin e girdi’ nu Israel nra tababgad bayay i fek iyan ko fapi senggil u Tempel ni tafen e cha’ar ragag e pasent ko grain, wayin nge gapgep ni olive.

Exodus 13:2

“Ngan pi’ ngog urngin e tin ba nganni’ u fakay ni pumo’on, gubin e pagel ni nganni’ u fak yu Israel, nge gubin e tin pumo’on nib nganni’ u pifak e gamanman e go’ bmil suwrad ngog.”

Exodus 13:12

ma thingar mu pi’ed ngak SOMOL e bin nganni’ u fakmed ni pumo’on. Gubin e tin ba nganni’ u fak e gamanman romed ni pumo’on e bmil suwon ngak SOMOL,

Numbers 18:15

“Gubin e tin nganni’ e bitir ara gamanman ni kan pi’rad ngog e nge milfan ngom. Machane thingar mu fek puluwon ni ngan chuw’iy ngan sulweg e tin nganni’ u fakay, ma ngkum fek puluwon gubin e tin nganni’ u fak e gamanman nib alit.

Numbers 18:18

Ma ufin ko fapi gamanman e bmilfan ngom, ni bod e ufin u ngorngoren nge ufin u ba’ ni mat’aw i ay nib tow’ath nib mal’eag.