Nehemiah 10:34 - Bible Ni Thothup

³⁴ Gamad e girdi’ ni prist nge Levite e gubin e duw ni bay gu yon’ed yochi malang nga but’ ni nge duwgil e re ke girdi’ ni nge pi’ e l’ud ni ngan urufiy fapi maligach ngay ni yibe pi’ ngak SOMOL ni Got rodad, ni rogon ni bay ko Motochiyel nthingar nrin’.

Nehemiah 10:34 Referans Kwoze

Nehemiah 13:31

Mu gog ngal’an ni ngu’un fek i yib e l’ud ni fen e maligach ni mo’oruf, nge girdi’ ni ngi i fek e tin nga’on e grain rorad ni maligach nge tin som’on nike lol u wom’ngin e gek’iy rorad. A Got, dab mu pagtalin gubin e pin’ey, ma ga tow’ath nigeg riy.

Isaiah 40:16

Urngin e gamanman ni bay u fithik’ e garger nu Lebanon e fa’anra ngani pi’ ni maligach ngak Got ma dabi gaman, ma gek’iy riy e de gaman ni nge mang ma’af ko nifiy.

Proverbs 18:18

Fa’anra malu’ag thin l’agruw ni’ ni yow ba yargal u tafen e puf oloboch, ma ngan girengiy e pow nge puf fare pa’ i oloboch.

Nehemiah 11:1

Pi tayugang’ e ra pired u Jerusalem, ma tin kabay e girdi’ e ra girngiyed e pow ni nge duwgil reb e tabnaw u fithik’ yu ragag e tabnaw ni nge yan i par ngalan fare binaw nib thothup nu Jerusalem, me par e tin kabay u lan e yug binaw nge yochi binaw.

1 Kronicles 24:7

Ba’aray yarmen fa rliw’ nge aningeg i ulung ko tabnaw nni pi’ e maruwel nga pa’rad: 1) Jehoyarib; 2) Jedayah; 3) Harim; 4) Seorim; 5) Malkijah; 6) Mijamin; 7) Hakkoz; 8) Abijah; 9) Jeshua; 10) Shekaniah; 11) Eliashib; 12) Jakim; 13) Huppah; 14) Jeshebeab; 15) Bilgah; 16) Immer; 17) Hezir; 18) Happizzez; 19) Pethahiah; 20) Jehezkel; 21) Jakin; 22) Gamul; 23) Delayah; 24) Maaziah.

1 Kronicles 24:5

Ma bochan ni bay e pi tolang u Tempel nge prist u fithik’ e pi’in owchen Eleazar nge Ithamar, min yarmiy ni nge fel’ rogon e maruwel ni rogon ni duwgil ko pow nni girengiy.

Joshua 9:27

Machane ku be tayrad ni yad e sib, ni ngu’ur th’ebad e l’ud ma yad be mat’eg e ran ni fan ko girdi’ nu Israel nge ran ko altar rok SOMOL. Ke mada ko daba’ ma ku yad ma rin’ ere maruwel ney ko gin’en ke duwgiliy SOMOL ni ngu’un liyor ngak riy.

Acts 1:26

Tomuren e biney miyad girengiy nochi yang i ban’en ni bay e pow riy ni ir e nge duwgiliy bagayow fa gali ngachal. Ma re ngachal ni yan i muturug e Matthias, ma aram min uneg ko fare ragag nge ta’reb i apostel.

Levitikus 24:5

Mu feked rliw’ nge aningeg e pawn e flour ngam lithed ragag nge l’agruw e flowa ni lof riy.

Levitikus 24:6

Mi gimed yarmiy fapi lof nga daken e tebel ni l’agruw thal u but’ nra ba thal ma nel’ e lof ngay, re tebel nem e kan ing daken ko gol.

Numbers 28:2

ni nge gafaliy yu Israel ngar pi’ed ngak Got e ggan ni maligach ni kan duwgiliy nib magan’ ngay ko re ngiyal’ i n’en ni kan turguy ni ngan pi’ riy.

2 Kronicles 2:3

Me pi’ Solomon e thin e yan ngak Hiram ni Pilung nu Tyre ni be ga’ar: “Ngad maruwelgow ni bod ni um maruwelgow e chitamag i David ni Pilung, nnap’an ni um pi’ e ren ni cedar ngak nchuway’ ni fan ko fare naun rok ntafen e pilung.

Ezra 3:5

Ma ku yad be pi’ e pi gamanman ni maligach ni ngan urfiy ni yu reb, nge gamanman ni ngan pi’ ni maligach ko Madnom ko M’ug e Pul, nge urngin e pi mu’ulung ni yima tay ngu’un tayfan SOMOL ma yibe meybil ngak, nge pin’en ni yad ma pi’ ngak SOMOL ni yad e leam rorad.