Nehemiah 10:32 - Bible Ni Thothup

³² Gubin e duw ma ra bagmad me pi’ in e silber nib ayuw nga puluwon e tin nib t’uf ko maruwel u Tempel.

Nehemiah 10:32 Referans Kwoze

Genesis 28:22

Re malang ney ni kug suwonnag ni nge par nib malang ko puguran e bayi mang naun rom ni ngu’un meybil ngom riy, mu gu pi’ ngom ragag e pasent ko pin’en ni ga be yagnag ngog.”

2 Korinth 8:12

Ya fa’anra ba pasigan’med ngay ni ngam pi’ed ban’en, mra fek Got e tin ni kam pi’ed nib tow’ath nrogon e tin nrayag ni ngam pi’ed, ma gathi tin ndariy romed.

Proverbs 3:9

Tin be yib ko woldug rom e ngam fek e tin th’abi fel’ riy ngam pi’ ngak SOMOL, ni aram e ga be tay fan.

Exodus 23:11

Machane bin medlip e duw ngay e ngam paged e but’ nge toffan, ma dab kum t’ared wom’ngin e woldug ni kabay riy, ya nge kay e pi’in gafgow u fithik’med. Ma tin yad ra pag riy e nge kay e gamanman ni malboch. Ku aray rogon ni ngam rin’ed ko yungi milay’ romed ni grape nge gek’iy ni olive.

1 Kronicles 26:27

Ra feked boch fa pin’en nlaged u fithik’ e mael ngar pi’ed ni ngan fanay u lan fare Tempel.

Nehemiah 5:10

Kugpag e girdi’ kar feked e salpiy nge grain rog ni kuyad ra sulweg puluwon, ma ku aray e n’en nike rin’ e pi’in ni gamad ma maruwel u ta’bang nge pi pumo’on ni yad ma maruwel rog. Machane chiney e go’ ngad paged ni dab kud feked puluwon e pin’ey rorad.

Nehemiah 9:14

Mmachibnag ngorad rogon ni ngar ayuweged e pi sabbath rom nib thothup, u pa’ Moses ni tapigpig rom e mu pi’ fapi motochiyel rom riy ngorad.

Nehemiah 13:15

Ngiyal’ nem e ug guy e girdi’ u Judah ni yad be uduy logowen e grape ko rofen ni Sabbath. Ma boch i yad e be af e grain, nge wayin, grape, fig, nge ku boch ban’en nga daken e dongki ngar feked ngalan yu Jerusalem; mug ginangrad ni dab ra pi’ed ban’en ni chuway’ e rofen ni Sabbath.

Nehemiah 13:18

Ri irera’ fan ni gechignag Got e pi ga’ romed kakrom nnap’an nni fek e riya’ i yib ngalan e re binaw ney. Ma ke chiney maki gimed be suruy nangki fek Got boch e damumuw rok nga daken yu Israel ni bochane gimed be alitnag e Sabbath.”

Nehemiah 13:21

Mug ginangrad ni lungug ngorad, “Dariy rogon ni ngam son gad u wur nge kadbul. Fa’anra kigmed ra yodor bayay, ma bay gu ma’ngach ngomed.” Ma ka aram e dakurbad ko rofen ni Sabbath.