Nahum 3:5 - Bible Ni Thothup

⁵ I SOMOL ni Gubin ma Rayag Rok e be ga’ar, “Nineveh i gur e bay gu gechig nigem! Bay gu chuweg gubin ban’en rom ngam par u tamilang mug pag e pi nam ngar guyed gur, u fithik’ gubin e tamra’ rom.

Nahum 3:5 Referans Kwoze

Jeremiah 13:26

I SOMOL e bayi chuweg e upong u dakenmed ngam m’ug gad ngam tamra’gad.

Nahum 2:13

I SOMOL ni Gubin ma Rayag Rok e be ga’ar, “I Gag e to’ogor romed! Bay gu urfiy e pi chariot romed. Ma pi salthaw romed e bay ram’ad u fithik’ e mael, ma bay gu fek u pa’med urngin e tin mu feked rok e girdi’. Ma tin nge yog e pi tamal’og romed ni ngan rin’ e dab kun rung’ag.”

Ezekiel 23:29

Ma bochan e yad be fananikayem, ma aram e bay ra feked urngin ban’en ni thay parwom riy ngar paged gur ni dakriy e upong u dakenam. Mag par ni kam tamra’ ko tin ni um rin’. Darngal rom nge falchuway’ ni um tay ngom

Jeremiah 13:22

Fa’an gimed ra fith ko mang urngin e tiney nike buch romed — nge mang ni ka ni guchthuy e mad romed ka ni molegmed u gelngiy — ma fan e gafarig romed nib kireb.

Habakkuk 2:16

Bay mu tamra’gad ma dab kun tay famed. Gimed e bay mu unumed ngu’um thigthiggad. I SOMOL e bayi pi’ ngomed e kap ko gechig ngam unumed e n’en ni ba’ riy, ma tayfan ni yibe tay ngomed e bayi thil ngan darifan nagmed.

Ezekiel 16:37

Bochan e ran’ey ma bay gu kunuy gubin pi ilingem kafram — ni pi’in ga ba’adag dakenrad nge pi’in ni gab fananikay. Bay gu fekrad ngar cholngabiyed gur, ma aram mu gu luf e mad u dakenam ngar guyed downgim u tamilang.

Mikah 1:11

Gimed e girdi’ nu Shafir, mmarod nga reb e nam ngam pired riy ni gimed e kalbus, ni ngam marod ndariy e mad u dakenmed ma kam tamra’gad. Pi’in yad be par u lan yu Zaanan e dariy bagayad nra thay. Nap’an ni gimed ra rung’ag laman e girdi’ nu Bethezel ni yad be dololoy’, ma aram e kam nanged ndariy bang u rom ni yira mith ngay.

Ezekiel 23:25

Bochan e kug damumuw ngom, ere bay gu pag ngar rin’ed e tin yad be finey ngom u fithik’ e damumuw rorad. Yad ra th’ab p’ethingum nge telim miyad thang e pogofan rok pifakam. Arrogon, bay ra feked rom pifakam ni pumo’on nge ppin ngar urfiyedrad ni kayad bfos.

Jeremiah 50:31

“Gimed yu Babylon, ke puw ufmed, ere Gag SOMOL ni Th’abi Tolang ma Gubin ma Rayag Rok e nggu togopluw ngomed! Ke taw nga nap’an rog ni nggu gechig nagmed.

Ezekiel 21:3

ni Gag SOMOL, e gu be ga’ar: I gag e to’ogor romed. Bay gu girengiy e saydon rog nggu thang e pogofan romed ngay ni gimed gubin, ni pi’in ni bfel’ nge pi’in kireb ni ta’reb rogon.

Ezekiel 26:3

“Ere chiney, e ba’aray e n’en ni Gag SOMOL ni Th’abi Tolang e gu be yog: I gag e to’ogor rom, gur fare binaw nu Tyre. Bay gu fek bo’or e nam i yib nge cham ngom, ni bay rabad ni bod e n’ew u maday.