Nahum 3:14 - Bible Ni Thothup

¹⁴ Mu l’ing e ran ngam fel’eg rogom, mag gelnag e pi yoror rom ni fan ko mael! Mu athkuy e but’ ngan ngongliy e rengnga riy, mag fal’eg rogon e rengnga nge par!

Nahum 3:14 Referans Kwoze

Nahum 2:1

Nineveh, kan mael ngom! Fare gelngin ni nge biligem e ke yib. Mu fal’eg rogon e talin e cham rom! Mu matanagiy e kanawo’! Mu fal’eg rogom ko mael! (

Jeremiah 46:9

Mu non ko pi’ os rom ni ngranod nge pi chariot ngar mithmithgad! Mu pi’ e salthaw rom ngranod: ni pumo’on nu Ethiopia ngu Libya, ni ngar feked e shield rorad nge pumo’on nu Lydia ni cheag ko mun gat’ing.’”

Isaiah 37:25

Kam th’um ngay ga be yog ni kam ker e pi luwed ma ga be unum e ran u lan e yug boch e nam, ma rifrifen ay e salthaw rom e ke yotyot e lul’ ni Nile ke mlik.

Isaiah 8:9

Gimed e pi nam, mu’ulunggad nga ta’bang u fithik’ e marus! Gimed e pi nam nu fayleng ni gimed ba orel, mu telmed! Mu fal’eged rogomed ni ngam marod ko mael, machane ngam rusgad! Mu fal’eged rogomed, machane ngam rusgad!

2 Kronicles 32:11

Be yog Hezekiah ngomed ni bayi ayuwegmed SOMOL ni Got romed u pa’mad, machane be ban nagmed i Hezekiah ma bayi pagmed ngamm’ad ko bilig nge balel.

Nahum 2:2

I SOMOL e nge fulweg e fla’ab rok yu Israel nga rogon, ni immoy u m’on ndawor i giliw nagrad e pi to’ogor rorad.)