Nahum 2:13 - Bible Ni Thothup

¹³ I SOMOL ni Gubin ma Rayag Rok e be ga’ar, “I Gag e to’ogor romed! Bay gu urfiy e pi chariot romed. Ma pi salthaw romed e bay ram’ad u fithik’ e mael, ma bay gu fek u pa’med urngin e tin mu feked rok e girdi’. Ma tin nge yog e pi tamal’og romed ni ngan rin’ e dab kun rung’ag.”

Nahum 2:13 Referans Kwoze

Nahum 3:5

I SOMOL ni Gubin ma Rayag Rok e be ga’ar, “Nineveh i gur e bay gu gechig nigem! Bay gu chuweg gubin ban’en rom ngam par u tamilang mug pag e pi nam ngar guyed gur, u fithik’ gubin e tamra’ rom.

Jeremiah 21:13

Jerusalem i gur e kam par ngalang ko pi loway, ni bod ba war nib tolang ngalang u lan bangi tafel’fel’. Machane bay gu cham nib togopluw ngom. Ga be yog ndariy be’ nrayag ni cham ngom fa yag ni thumur rok e pi tamatnag rom nga barba’.

Psalms 46:9

Be taleg e pi mael ni yibe tay u fayleng i yan; be t’ar e gat’ing, ma be kirebnag epi sarey nge dilak, ma be urfiy e pi shield!

2 Kings 19:23

Kam pi’ e pi mol’og rom karbad ngog ni nga rogned e thin rom ngog ni thin ko ufanthin, ya kamog ni urngin e karrow rom ni be girengiy e os e karakoled p’ebugul e pi burey nib th’abi tolang nu Lebanon. Kamog u fithik’ e ufanthin ni kam th’ab e gek’iy u rom ni yu ken nth’abi tolang e cedar nge yu ken ni th’abi felel’ e cypress, ma kam taw ko yungi n’en nth’abi lukngun e loway.

Nahum 3:1

Ke riya’ fare binaw nib sasalap nib tathang e pogofan, nib sug ko fla’ab ni bay ni leag min giliwnag!

Ezekiel 5:8

Ere I Gag SOMOL ni Th’abi Tolang, e gu be yog ngom ni gag e to’ogor rom. Bay gu pag e gechig nge aw ngom ni gubin e nam mra guy.

2 Kings 19:9

Me taw e thin ngak yu Assyria ni barba’ i salthaw nu Egypt ni Tirhakah nu Ethiopia e ir e be gafaliyrad e karbad ni ngar maelgad ngorad. Fa’ani rung’ag e pilung nu Assyria ni aram rogon, me pi’ e babyor nge yan ngak Hezekiah

Joshua 11:9

I rin’ Joshua ngorad e tin ke tay SOMOL chiylen: i th’ab e garaw u ay e os rorad me urfeg fapi chariot rorad.

Nahum 3:12

Urngin e pi yoror rom ko mael e bod e gak’iy ni fig nike lol wom’ngin, mu rurug fapi gek’iy me munugun wom’ngin nib pluw ngalan langam!

Ezekiel 39:1

I SOMOL ni Th’abi Tolang e ga’ar, “Fak e girdi’, mu non nib togopluw ngak Gog, ni ir e ga’ ko gagiyeg ko fagal nam nu Meshek ngu Tubal, ni ngamog ngak ni gag e to’ogor rok.

Ezekiel 38:3

ngamog ngak ni Gag SOMOL ni Th’abi Tolang, e gag e to’ogor rok.

Ezekiel 35:3

Ngam weliy ko girdi’ e pin’en ni Gag, SOMOL ni Th’abi Tolang e gu be yog: “I gag e to’ogor romed, e pi burey nu Edom! Bay gu gagiyegnag e but’ rom nge par ni dakriy ban’en ni bfel’ ngay.

Ezekiel 29:10

ma aram e nggu mang to’ogor rom nge to’ogor ko lul’ rom ni Nile. Bay gu tay ga’ngin yu Egypt nge par ndakuriy ban’en u daken, ni tabab ko binaw nu Migdol u lan e lel’och nge mada’ ko binaw nu Aswan u lan e yimuch, nge yan i taw ko mathil u Sudan.

Ezekiel 29:3

Mog ni irera’ e n’en ni be yog SOMOL ni Th’abi Tolang ngak e pilung nu Egypt: I gag e to’ogor rom, i gur ere gayuch nir, ni ga ma thig u lan e lul’. Ga be yog ni lul’ ni Nile e bmil suwon ngom ma gur e mu sunmiy.

Ezekiel 28:22

Mog ko girdi’ u rom ko mang e gu be yog I Gag SOMOL ni Th’abi Tolang u murung’agrad: Sidon, I gag e to’ogor rom; girdi’ e bay roged e sorok ngog ni bochan e tin kug rin’ ngom. Bay ra nanged ni Gag SOMOL, u nap’an ni gu ra dag fanag thothup ko gechig ni gu ra tay ngak e pi’in yad ma par rom.

Ezekiel 26:3

“Ere chiney, e ba’aray e n’en ni Gag SOMOL ni Th’abi Tolang e gu be yog: I gag e to’ogor rom, gur fare binaw nu Tyre. Bay gu fek bo’or e nam i yib nge cham ngom, ni bay rabad ni bod e n’ew u maday.

Jeremiah 51:25

Gimed yu Babylon e kam boded bburey ni be kirebnag ga’ngin e fayleng, machane I Gag SOMOL e to’ogor romed. Bay gu malle’ ngomed, nggu ta’reb foyen nagmed ko but’, mu gu pagmed u fithik’ e awat.

Jeremiah 50:31

“Gimed yu Babylon, ke puw ufmed, ere Gag SOMOL ni Th’abi Tolang ma Gubin ma Rayag Rok e nggu togopluw ngomed! Ke taw nga nap’an rog ni nggu gechig nagmed.

2 Kronicles 32:19

Ur weliyed murung’agen fare Got nu Jerusalem nri ta’reb rogon nga rogon ni yad ma weliy murung’agen e pi got rok boch e girdi’ ni bogi liyos ni ya’an boch ban’en nni ngongliy nga pa’ay.

2 Kings 18:19

Bagayad fapi pilungen e salthaw nu Assyrian e yog ngorad ni fare pilung e ba’adag ni nge nang ko mang e ke pagan’ i Hezekiah ngay.

2 Kings 18:17

Me l’oeg fare pilung nu Assyria barba’ i salthaw nib ga’ u Lakish ngranod nga Jerusalem ni ngar maelgad ngak Hezekiah, ni be gafaliyrad dalip i pilungen e salthaw nib tolang. Fa’anra tawgad nga Jerusalem, miyad par ko fare pa’ i kanawo’ u to’oben fa gin’en ni yima wechwechnag e mad riy ni yu mbul, nib chugur ko fare wol’ e lul’ ni yib ko fare lipath ni ba’ nga tolang.

Joshua 11:6

I SOMOL e ga’ar ngak Joshua, “Dab mu rus ngorad. Re ngiyal’ i n’ey gabul e bay gu li’rad ngarm’ad ni fan ngak yu Israel. Me gur e ngam th’ab e garaw u ay e pi os rorad ma ga urfiy e pi chariot rorad.

Jeremiah 46:14

“Mu weliy u lan e yochi binaw nu Egypt, ngu lan yu Migdol, ngu Memfis, ngu Tahpanhes: ‘Mu fal’eged rogomed ngam ayuwegned gimed; ya gubin e tiromed ban’en ni bay ni gathay u fithik’ e mael!

Ezekiel 13:8

Ma aram me ga’ar SOMOL ni Th’abi Tolang ngorad, “Thin romed e de riyul’, nge changar romed ni be pig e go’ ban. Gub togopluw ngomed.

Ezekiel 21:3

ni Gag SOMOL, e gu be ga’ar: I gag e to’ogor romed. Bay gu girengiy e saydon rog nggu thang e pogofan romed ngay ni gimed gubin, ni pi’in ni bfel’ nge pi’in kireb ni ta’reb rogon.

Nahum 2:12

Fare layon e li’ k’on nge popof nge yochyang ni fan ngak le’engin nge pifak; me suguy tafen ko ufin nike popof.

Nahum 3:15

Demturug ko mang e ga ra rin’, ma yira’ urfiyem nga mum’ fa ni thangem u fithik’ e mael. Bay ni thirif’em u but’ ni gowa woldug ni languy e asamning! Kam yo’orgad ni bod e asamning!