Mikah 7:5 - Bible Ni Thothup

⁵ Dabi mich u wun’um e tin be yog e en ni gimew ba buguliyoror ara pagan’um ngak e en ni gimew tafager. Mus ngak le’engim ma ngam ayuw ko tin ga ra weliy ngak.

Mikah 7:5 Referans Kwoze

Jeremiah 9:4

Gubin e girdi’ ni dabisiy ni ngar kol ayuwgad ko pi fager rorad, ma dariy be’ nrayag ni pagan’ ngak pi girdi’en; ya gubin pibe’ rok ni yad ba sasalap, ma gubin e girdi’ nma tunguy e thin nga daken e fager rok nge kirebnag murung’agen.

Matthew 10:16

“Mu telmed ngog! Nggu l’oegmed ngam marod ni bod e saf ni nge yan nga fithik’ ba ran’ i wolf. Thingar mu ayuwgad ni bod rogon e porchoyog mi gimed munguy ni bod rogon e bulogol.

Psalms 41:9

Mus ko en nri gamow bpach, ni en nri ma pagan’ug ngak, ni be’ ni gamow ma abich u ta’bang, nike cheal ke togopluw ngog.

Psalms 141:3

SOMOL, mu tay ba pos nga langag, ni ba matnag ko mab u dap’ilangag.

Lamentations 1:2

N’umngin e nep’ ni i yor; ngi i ser e lu’ u owchen nga but’. Dariy bagyad e pi’in ni ur fagergad ni magey ni nge fal’eg lanyan’. Pi’in yad e yad e karyag niged, go’ kar togopluwgad ngak e chiney.

Judges 14:17

Me par ni be yornag u lan fa medlip i rran ni yibe madnomnag e mabgol rorow. Me chirofen ni gaman e medlip ngay me weliy fan fare salipow ngak, ya yug be me’eriyognag murung’agen ngak. Ma aram me weliy ngak piyu Filistia.

Psalms 38:14

Gu bod be’ ni yira non ngak ma der fulweg lunguy, ni bochan e der rung’ag ban’en.

Jeremiah 9:3

Gubin ngiyal’ ma ka ra fal’eged rograd ni ngar sasalapiyed l’ugunrad, gathi tin rriyul’ ya tin sasalap e be gagiyegnag daken e nam. I SOMOL e be ga’ar, “Girdi’ rog e yad be ngongliy e kireb nib ul ul reb nga reb ma dariy e ngarogned ni gag e Got rorad.”