Mikah 6:8 - Bible Ni Thothup

⁸ Dangay, I SOMOL e keyog ngodad e n’en ni bfel’. Ba’aray e n’en ni be yog ni ngan rin’: mu rin’ed e n’en nib yal’uw, um pired nib t’uf Got romed nge girdi’, mu um folgad rok Got u fithik’ e sobut’an’.

Mikah 6:8 Referans Kwoze

Proverbs 21:3

Mu rin’ e tin bmat’aw mab yal’uw, ma kabfel’ u wan’ SOMOL ko bin ngam fek e maligach i yib ngak.

Kolose 3:12

Gimed girdi’en Got; ya gimed ba t’uf rok ma ke duwgiliymed ni ngam manged girdi’en. Aram fan ni runguy, nge gol, nge sobut’an’, nge sumunguy, nge gumaen’ e thingar mon’ed nga dakenmed nge mang mad romed.

Jeremiah 22:3

“I Gag SOMOL e kugog ngomed e n’en ni ngam rin’ed nib yal’uw ma bfel’. Ngan ayweg e cha’ ni kan bannag rok e cha’ nike bannag. Dab mu gafgow niged e milekag, nge pi’in kanim’ rorad, ara pi’in ke yim’ figirngirad, ma dab mu thanged e pogofan rok e girdi’ ni dariy ban’en nike bucheg u lan e gin’ey nib thothup.

Hosea 6:6

T’ufeg ni gubin ngiyal’ e aram e n’en ni gu ba’adag, ma gathi gamanman romed ni maligach. Ku gu ba’adag ni nge nangeg e girdi’ rog ko bin ngu’un urfiy e maligach ngu’un pi’ ngog.

1 Samuel 15:22

Me ga’ar Samuel, “Mang e ba’adag SOMOL? Fol fa tin ni ngan pi’ ngak ara maligach? Kabfel’ ni ngan fol rok ko bin ni nga ni pi’ e bin th’abi fel’ e saf ngak ni maligach.

Isaiah 66:2

I gag e gu sunumiy e fayleng nge lanelang ni ga’ngin! Bfel’ u wun’ug e pi’in nib sobut’an’rad ma kar pi’ed keru’rad ko kireb, ma yad be par ni bay madgug u wun’rad ma yad be fol rog.

1 Peter 3:8

Ere thingari gimed gubin ni nge ta’reb rogon e leam romed mu um runguyed gimed; me bigimed me t’uf rok bigimed nrogon e pi’in ni walag ni girdi’en Kristus, mu um pired ni bfel’ e thin romed ngomed ma ba sobut’ lanin’med ngomed.

Luke 6:36

Ere um runguyed e girdi’, ni bod rogon e Chitamangimed nma runguy e girdi’.”

Luke 11:42

“Kari mu gafgowgad e pi Farise! Ra ragag guruy e n’en nma fal’eg lamen e ggan ni bay romed ni aram e mint nge rue nge urngin e tin ni bay ban’en nma fal’eg lamen e ggan, ma ta’ab guruy riy e gimed be pi’ ngak Got, ma kam paged e tin nib mat’aw nge rogon ni nge t’uf Got nge girdi’ romed. Pin’ey e ngu’um rin’ed machane dab mpaged e gal ne’.

Amos 5:24

Ngam guyed rogon e tin nib yal’uw nge tin nib mat’aw ngi i yan ni bod ba lul’ nder m’ay e ran riy.

Matthew 5:7

“Nge felan’ e pi’in yad ma runguy e girdi’, ya ra runguyrad Got!

Efesus 4:32

Machane um golgad ngomed, me bigimed me munguy ngak bigimed, mu um n’iged fan u wun’med e tin nib kireb nike rin’ bigimed ngak bigimed, ni bod rogon Got ni bochan Kristus ma aram fan nike n’ag fan u wan’ e kireb ni kam rin’ed.

Genesis 18:19

Kug mel’eg ni fan e nge ta’chiylen ngak pifak ni pumo’on nge pi’in owchen ni ngu’ur folgad ko tin kugog, ni aram e ngu’ur rin’ed e tin nib mat’aw nge tin nib yal’uw. Ma aram e ra gu rin’ ngak urngin e tin kugog ni bay gu rin’ ngak.”

Eklesiastes 12:13

U tomuren urngin e pin’ey, ma ka ta’reb e kabay ni nganog: Nge yib madgun Got u wun’um, ma ga fol ko tin ke ta’chiylen, ya kemus fan e girdi’ ni sunmiy.

Hosea 12:6

Ere chiney, e pi’in owchen Jakob, mu pagan’med ngak e Got romed migmed sul ngak. Mu yul’yul’gad mi gimed rin’ e tin bmat’aw, migmed sonnag Got u fithik’ e gumaen’ ni nge mang ir e rin’ ban’en.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Matthew 5:3

“Nge felan’ e pi’in kar pir’eged u lanin’rad ni kar gafgowgad ndabisiy ni nge yag Got ngorad, ya gagiyeg nu tharmiy e ke thap ngorad!

Zefaniah 2:3

Mu sulod ngak SOMOL, gimed gubin girdi’en fare binaw nib sobut’an’med, ni gimed ma fol ko tin ni yog. Mu rin’ed e tin bmat’aw, mi gimed sobut’ nagmed u p’eowchen SOMOL. Ma aram e sana gimed ra thay ko gechig ko fare rran ni nge dag SOMOL e damumuw rok.

Daniel 4:37

“I gag Nebukadnezzar e chiney e gu be pining e sorok ngak e en ni Pilung nu Tharmiy, ma gu be tay fan, ma gu be yog ni ir e ba gilbuguwan. Urngin ban’en nma rin’ e bmat’aw. Gubin ngiyal’ nib yal’uw e ngongol rok, mrayag rok ni nge sobut’nag e en nma ngongol u fithik’ e tolngan’ nge ufanthin.”

Psalms 37:26

Gubin ngiyal’ nib gol ngak e girdi’, ma yira ning ban’en ngak ni ku yira fulweg me pi’, ma pifak e ma fel’ rogoy u puluwrad.

Nehemiah 9:13

Mub u lang nga daken e burey ni Sinai ma ga welthin ngak e girdi’ rom u rom; ma ga pi’ ngorad e motochiyel ni bfel’ nge fonow nib yal’uw.

Psalms 112:4

Ke yib e tamilang nga fithik’ lumor ni fan ko girdi’ ni bfel’, ni fan ko pi’in nib marnguy, ma ba gol, ma ba yol’uw.

Lamentations 3:26

Ere rib fel’ ngodad ni ngu’ud son gad u fithik’ e gumaen’, ni ngad son niged ni nge mat’aw nagdad ngak.

Psalms 112:9

Ba gol ngak e pi’in ke t’uf e ayuw rorad, ma feni gol e der ma thil; bayi gel gelngin ngu’un tayfan.

Psalms 73:28

Machane gag e kari felan’ug, ya gu be par u to’oben Got! U charen SOMOL Nib Th’abi Tolang e kug par riy ndabi buch ban’en rog, ma bay ug weliy urngin e tin ke rin’ ngan nang.

2 Kronicles 34:27

ma ga pi’ keru’um ko denen rom ma ga sobut’ nigem u p’eowcheg, ni ga be guchthuy e madrom ma ga be yor, nnap’an ni mu rung’ag rogon ni kugog ni nggu gechignag yu Jerusalem nge girdi’ riy. Ku gu rung’ag e meybil rom,

James 2:20

Ri gab balyang! Gab adag ni ngan dag ngom ni michan’ ngak Got nde cheag e ngongol ngay e bm’ayfan?

Roma 7:16

Fa’anra gu rin’ e n’en ndabug ni nggu rin’, ma aram e ren’ey e ke dag ni kug nang u wun’ug ni fare Motochiyel e bmat’aw.

2 Kronicles 32:26

Chane me tomur riy me sobut’nag Hezekiah nge girdi’ nu Jerusalem yad, aram made gechignag SOMOL fapi girdi’ nge taw ko ngiyal’ nike yim’ Hezekiah.

1 Samuel 12:23

Me gag e ri dab gu tal i pi’ e meybil romed, ya ra dab gu pi’ e meybil romed ma aram e kug denen nib togopluw ngak. Mu gu par ngu’ug fil ngomed e tin bfel’ nge tin nib mat’aw ni ir e ngu’um rin’ed.

Roma 9:20

Machane gur mini’ ni ngam fulweg lungun Got, yi gur e kemus ni gab girdi’? Ba rume’ nni ngongliy ko but’ e der ma ga’ar ngak e en ni ngongliy, “Mangfan ni mu ngongliyeg ni aray rogog?”

Luke 10:42

machane ri ta’reb e ir e dabisiy ni nge yag. Me Maria e ke mel’eg e bin ni ir, ma dab ni fek rok.”

Ezekiel 16:63

Mu gu n’ag fan u wun’ug e kireb ni kam rin’, machane bay i yib ngan’um nge gelnag e tamra’ rom ni mus nga langam ma dakiyag nim pithig.” I SOMOL ni Th’abi Tolang e keyog e pi thin ney.

2 Kronicles 33:23

Machane de bod e chitamngin ni sobut’nag laniyan’ nge sul ngak SOMOL; kabgel feni kireb e tin i rin’ rok chitamngin.

2 Thessalonika 2:16

Somol rodad i Jesus Kristus nge Got ni ir e Chitamangidad, ni gamad ba t’uf rok e ir e ke runguydad ke ayuwegdad, ya ke pi’ e m’uthan’ ngodad nge reb e pagan’ nib muduwgil ni bay i par ndariy n’umngin nap’an,

Genesis 5:22

Tomuren ni kan gargeleg Methuselah miki par Enok nib fos ni 300 e duw ngi i liyor ngak Got miki fakay boch e bitir.

Levitikus 26:41

mar k’aringed gag ngug cheal ngug togopluw ngorad nggu pi’rad ngar kalbusgad u lan e nam rok e pi to’ogor rorad. Mra tomur nike sobutan’rad ma kar gafgowgad u wenegan e denen rorad nge togopluw ni urted,

2 Kronicles 33:19

Fare meybil rok fare pilung nge fulweg riy ni pi’ Got, nge babyoren e denen ni i rin’ fare pilung u m’on ni pi’ keru’ ko denen rok-kireb ni i rin’, yungi tagil’ e tayfan rok e pi’in ndar nanged Got nge pi pow rok Asherah ni fare got nib bpin ni ngongliy nge pi liyos ni i tayfan — e go’ kan yoloy ngalan e babyor ni Chepin e Profet.

1 Korinth 7:16

I gur e en ni girdi’en Kristus gur ma leengiy gur, ke di’in ma ka mu nang ndabiyag ni ngam thapeg figirngim ngak Kristus? Ara ke di’in ma ka mu nang i gur e cha’ ni kam mang girdi’en Kristus ma figirngiy gur ndabkiyag ni ngam thapeg le’engim ngak Kristus?

2 Kronicles 30:11

Miki immoy boch e girdi’ ko ganong rok Asher, Manasseh, nge Zebulun nib magan’rad ngay i ngarbad nga Jerusalem.

Luke 12:14

Me fulweg Jesus ngak ni ga’ar, “I mini’ e ke pi’ mat’wug ni nggu turguy e tinir, ara nggu f’oth romew e n’en nike pag e chitamangimew romew?”

Deuteronomy 30:15

“Daba’ e kug pagfan ngomed ni nge mang gimed e mu duwgiliyed ko fel’ fa kireb, ara yafos fa yam’.

Isaiah 56:1

I SOMOL e ga’ar ko girdi’ rok, “Mu rin’ed e tin ni bfel’ ma ba mat’aw, ya dab kin’uw nap’an mu gub ni nggu aywegmed; gelngin e ayuw rog e yira guy u ga’ngin yang u fayleng.

Ezekiel 33:14

Fa’anra gu ginaeng be’ nib kireb ni gu be yog ngak nra yim’, machane me tal ndaki denen me pig nge rin’ e tin nib mat’aw ma bfel’ —

Mikah 6:9

En nra i par ni bay madgun SOMOL u wan’ e ba gonop. Be non ngak e girdi’ u lan fare binaw ni be ga’ar, “Mu telmed e pi’in kam mu’ulunggad ngalan binaw!

Zekariah 7:9

“Kakrom e gu pi’ e pi motochiyel ney ko girdi’ rog: ‘Thingar mu ted gimed ngay ni tin nib mat’aw e ngan rin’, ma thingar i m’ug e gol nge t’ufeg nge wurengan’ ni bayu thilmed ngomed.

Deuteronomy 27:10

ere umfolgad rok mu um ayuweged urngin e motochiyel rok ni kug pi’ ngomed e daba’.”

Joshua 24:14

Ma aram me yog Joshua ngak e girdi’ ni ga’ar: “Mu liyorgad ku SOMOL, mi gimed fol rok, mi gimed par ni gimed ba yul’yul’ ngak ni gubin ngiyal’. Mu chuweged e pi got ni i tay pi chitamangimed farad u Mesopotamia ngu Egypt, ya kemus ni go’ SOMOL e ngu’um pigpiggad ngak.

Psalms 101:1

Tang rog e murung’agen e yul’yul’ nge mat’aw, A SOMOL, gu be yin’ e re tangney ngom.

Jeremiah 9:23

Be ga’ar SOMOL, “En nib gonop e dabi uf ko gonop rok, ma en nib yargel e dabi uf nga gelngin, ma en nib pire’ ban’en rok e dabi uf ko fel’ rogon rok.

Jeremiah 22:16

Ba yal’uw rogon ni i pithig e oloboch rok e pi’in gafgow, me par gubin ban’en u puluwon ni bfel’ rogon. Aramrogon ma aram e kannang SOMOL.