Mikah 6:2 - Bible Ni Thothup

² Gimed e pi burey, gimed e pi def ni manemus nni toy e fayleng nga kaken, mu telmed ko tin nge yog SOMOL! I SOMOL e bay e aloboch u thilrad e girdi’ rok. Nge weliy e tin ke daliban’ ngay nib togopluw ngak piyu Israel.

Mikah 6:2 Referans Kwoze

Hosea 12:2

Bay e thin ni nge yog SOMOL nib togopluw ngak e girdi’ nu Judah; ma aram e ngki gechignag yu Israel ni bochan e tin be rin’ e girdi’ riy. Bayi fulweg taban ngorad e tin kar rin’ed.

Hosea 4:1

I SOMOL e bay e n’en ni nge yog ni ba togopluw ko girdi’ nu Israel ni be par ko re nam ney. Israel, mu telim ko n’en ni be yog ni be ga’ar, “Dariy e yul’yul’ nge t’ufeg u daken e re nam ney, ma dakriy e girdi’ ni be yog ni Gag Got.

Isaiah 1:18

Be ga’ar SOMOL, “Mired ngad puruy’gad. Kam alitgad ko denen nib row ram’en, machane bay gu maluk nagmed ngam be’echgad ni bod feni be’ech e ayis. Yug aram rogon ni kam alitgad nrib row ra’en, ma bay mu wechwechgad ni bod bunu’en e saf.

Psalms 104:5

Fayleng e kam tay nga daken e def riy nri be par nib mudugil, ni dabiyag ni nge mithmith.

2 Samuel 22:16

Me m’ug t’ay e regur, me chuw e upong u daken e pi def ko fayleng nap’an nra puwan’ SOMOL ngak e pi to’ogor rok me non ngorad ni ba ga’ laman u fithik’ e damumuw.

Deuteronomy 32:22

Damumuw rog e bayi daramram ngalang ni bod e nifiy nge urfiy urngin ban’en u fayleng. Ra yan i taw ko bin nu ar e fayleng me ful’ enggin e pi burey.

Jeremiah 31:37

Fa’an mang e bay reb e rran nrayag ni ngan foleg lanelang, mi ni lekag e pi def u enggin e fayleng, ma aram e rofen nra n’ag e girdi’ nu Israel ni bochan urngin e tin kar rin’ed. I SOMOL e keyog e pi thin ney.

Jeremiah 25:31

ma fare lam e ra kumong lingan u daken e fayleng nge taw nga tungun. Ma SOMOL e bay e n’en ni nge pufthinnag ko pi nam. Ra fek gubin e girdi’ ko pufthin ma thang mit e pi’in kireb. I SOMOL e be non.’”

Jeremiah 2:9

“Ere Gag SOMOL e bay gog bayay e tin gu be togopluwnag ngak e girdi’ rog. Bay gu fek i yib e pin’en ni nggu togopluwnag ngak e pi’in owcharad.

Isaiah 43:26

Darod nga tafen e puf oloboch; mired nga mogned e tin ni gomanga kam dabuyed rog. Mu welthingad ngam micheged ni gimed ba mat’aw!

Isaiah 5:3

Ere chiney e be ga’ar e fager rog, “Gimed e girdi’ ni gimed be par u Jerusalem ngu Judah, mu turguyed ko gag e gub kireb ara fa gi woldug rog ni grapes e ba kireb.

Proverbs 8:29

me yog ngak e day ndabi ga’ e yilu’ nge pag e gin keyog ni ngi i mus riy. Gu bay ko ngiyal’ ni sunumiy e pi def ko fayleng.

2 Samuel 22:8

Ma aram me durru’ e but’ ngi i rur; me rur lanelang ngi i da’da’, ya ke damumuw Got!

Deuteronomy 4:26

Fa’anra dab mu folgad rog, ma gu be pining e tharmiy nge fayleng e daba’ ngar mangew mich nib togopluw ngomed, ni dabi n’uw nap’an min thang owchamed u daken e re nam nem. Ma, re nam nem u ba’ nem e Jordan ni aray e ngam marod mpired ngay e, dabi n’uw napmed riy. Ya bay ni thirifmed u but’.

Isaiah 3:13

I SOMOL e ke fal’eg rogon ni nge yog e tin nge buch, nike fal’eg rogon ni nge pufthinnag e girdi’ rok.

Mikah 6:1

Mu telmed ko tin be togopluwnag SOMOL ngak piyu Israel. SOMOL, mu sak’iy ngam weliy e tin ke daliban’um ngay, nge motoyil e pi burey ngay; me rung’ag e yungi ted e tin ngamog.

Hosea 12:3

En ni ga’ rorad i Jakob e i tagenging ngak walagen i Esau ni kanap’an ni yow bay u yin e chitiningin row; ma nap’an ni ilal Jakob me cham ngak God —