Mikah 6:15 - Bible Ni Thothup

¹⁵ Bay mu yunged e grain, machane dabiyag wom’ngin ngomad. Bay um uduyed e pi olive ngi’i yib e gapgep riy, machane dab mu fanayed e gapgep riy. Bay um ngongliyed e wayin, machane gathi gimed e gimed ra unum.

Mikah 6:15 Referans Kwoze

Zefaniah 1:13

Urngin e tin ke fel’rogorad riy e bay ni fek u fithik’ e yargal min thirif e pi naun rorad u but’. Dabkur pired bi’id ko pi naun ni yad be toy ara ra unumed e wayin ni bay yib u wom’ngin fa yungi woldug ni grape ni yad be yung.”

Amos 5:11

Gimed be gafgownag e pi’in gafgow gimed be fek e grain rorad u yargal. Ere bay dab kum pired u lan e pi naun ni bfel’ ni malang e mu ngongliyed ngay, ara mu unumed e wayin ko yungi milay’ ko grapes ni bfel’ ya’an nim yunged.

Jeremiah 12:13

Girdi’ rog e ka ra yunged e wheat, ma rachangal e yad be kunuy riy; yad be maruwel nib gel, machane dariy ban’en nra yib riy ngorad. Bochan e damumuw rog nib almarin ma ke math mit e woldug rorad.”

Haggai 1:6

Kam yunged e woldug ni grain nrib yo’or, machane wom’ngin ni kam t’ared e ri bochu’uw. Bay e ggan ni ngam ked, machane de gaman ni ngam fosgad ngay. Bay e wayin ni ngam unumed, machane de gaman ni ngam chinggad ngay. Bay e mad romed, machane de gaman ni nge magwal nagmed. Ma pi’in yad be maruwel e dab ra gaman gad u pulworad.

Levitikus 26:20

Gubin e pi maruwel ni kam ted nib gel e da biyib angin ni bfel’ ngomed, ni bochan e dabi pi’ e but’ romed e woldug, ma gek’iy e dabi yib wom’ngin.

John 4:37

Ya fare bugithin ni yima yog e ba riyul’ ni fa’ani ga’ar, “Be’ e yung, me t’ar be’ wom’ngin.

BABYOR NI JOB 31:8

me ere nge yim’ e woldug rog nge kireb, ara yugu boch e girdi’ e nge mang yad e ra ked e woldug ni gu yung.

Habakkuk 3:17

Yugra yan i par ndariy wom’ngin e gek’iy ni fig, ma dariy wom’ngin e grape; Yugra de k’uf e gek’iy ni olive, ma de k’uf e grain; mus nra yim’ urngin e saf, ma yugra par tafen e garbaw ndakuriy e garbaw riy;

Levitikus 26:16

ma gu ra gechig nagmed. Gu ra pag e buch wa’athan nge yib ngomed, nge m’ar ndab mu golgad riy nge gowel u dakenmed nra malmit nagmed me ngochnag e yafos romed. Bay mu yunged e pi woldug romed, machane dabi yib fal’ngin ngomed, ni bochan e bayi gel e pi to’ogor romed ngomed miyad kay e pin’en ni kam yunged.

Judges 6:4

Miyad par u daken e re gi but’ nem ngar gathathoyed e woldug riy nge yan i mada’ ngalan e yimuch u Gaza. Yad ma fek gubin e saf, garbaw, nge dongki, ngar paged yu Israel ni dariy ban’en u pa’rad.