Mikah 5:4 - Bible Ni Thothup

⁴ Nap’an nra yib, ma bayi gagiyegnag e girdi’ u ba gelngin ni SOMOL e ra yib rok nge rargon lungun SOMOL ni Got. Ma girdi’ rok e bay ur pired ndabki buch ban’en rorad, ya girdi’ u gubin yang u fayleng e bayi puluw u wan’rad feni sorok,

Mikah 5:4 Referans Kwoze

Mikah 7:14

SOMOL, mu par ni ga bod ba tagafaliy e saf u puluwon e tirom e girdi’, ni fapi girdi’ ni gur e kam mel’egrad. Yug aram rogon ni yad be par u ted, ma bay e but’ nib yong’ol ni ba liyegrad. Mu pagrad ngranod ra abich gad nga Bashan nggu Gilead nib yong’ol, ni bod ni ur rin’ed kakrom.

Luke 1:32

Ma bayi mang be’ nib tolang ma bay nog ni ir Fak Got ni Th’abi Tolang. Mi Somol ni ir Got e bayi pilungnag; ni bod rogon David ni ir e ga’ rok,

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”

1 Peter 1:5

Pi fla’ab nem e gimed e fanmed, ni gimed e pi’in ke thapegmed Got ngak u daken gelngin ngu daken e michan’ romed ngak, ma gimed be sonnag e gin ngam thapgad ngay, ni kan ngongliy rogon kan tay ni ngan dag ko ngiyal’ ni nge mus e rran riy.

Jude 1:1

Re babyor ney e yib rok Jude ni ir reb e tapigpig rok Jesus Kristus, ni be’ nib mo’on ni walagen James — Ngak e pi’in nike piningrad Got, ni yad be par ni yad bt’uf rok Got, ni ir e Chitamangiy, ma be yororiyrad Jesus Kristus:

Efesus 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya ke tow’ath nagdad u daken e ta’ab girdi’ ni kad ted Kristus, ni fan e ke pi’ ngodad urngin mit e tow’ath nu tharmiy.

John 20:17

Me ga’ar Jesus ngak, “Dab mmath ngog, ya dawor gu sul ngak e Chitamag nga tharmiy Machane mman ngak fapi cha’ ni walageg ngamog ngorad ni bay gu sul nga tharmiy ngak fa’anem ni ir e Chitamag me ir e Chitamangimed, ni ir e Got rog me ir e Got romed.”

John 10:38

Ma fa’anra gu be rin’, ma yugu ra dagur mich u wun’med, ma susun e nge mich u wun’med e ngongol ni gu be rin’, nge yag nri mu nanged ni en ni Chitamangiy e bay u fithik’ag, mi gag e gu bay u fithik’ e en ni Chitamangiy.”

Matthew 25:31

“Ngiyal’ nra yib e en ni Fak e Girdi’ riy nike pilung, nike un urngin e pi engel ngak, e bayi par nga tagil’ nib pilung,

Matthew 16:18

Ere be lungug ngom: I gur Peter, ma daken e re war ney e nggu toy e galesiya rog nga daken ni mus ko yam’ ma dabiyag ni nge gel ngay.

Matthew 2:6

‘I gur e binaw nu Bethlehem, ni ga bay u lan e nug nu Judah, gathi gur e th’abi sobut’ u fithik’ e pi binaw ni pilung u lan yu Judah; ya gur e bay yib be’ rom ni ir e nge gagiyegnag e girdi’, ni ir e nge pow’iy e girdi’ rog ni yu Israel.’ ”

Zekariah 9:10

Be ga’ar SOMOL, “Bay gu chuweg e pi chariot ni fan ko mael u Israel, mu gu chuweg e pi os ni bay u Jerusalem; ma pi gat’ing ni yibe fanay ko mael e bay ni kirebnag. Pilung romed e bayi gagiyeg nge aw e gapas u thilin e pi nam; bayi gagiyeg u bang e day nge mada’ nga bang, me tabab ko lul’ ni Eufrates nge yan i mada’ ko yungi n’en ni mus e fayleng riy.”

Isaiah 52:13

Be ga’ar SOMOL, “Tapigpig rog e bayi yan i aw nga rogon e tin be muruwliy; bayi gilbuguwan mu’un tay fan.

Isaiah 49:5

Dawor ni gargel nigeg ma ke mel’egeg SOMOL; ke teg ni nggu mang tapigpig rok ya nggu fulweg e girdi’ rok, ni nggu fulweg e girdi’ nu Israel ni ka ra weargad i yan. I SOMOL e gagiyegnag ngan tayfag; ir e en ni be yib gelngig rok.

Psalms 145:12

ya nge nang urngin e girdi’ feni sorom ko tin kam rin’, nge gagiyeg ni ga be tay.

Psalms 98:3

Ke tay u gil’ e tin ni micheg ko girdi’ nu Israel u fithik’ e yul’yul’ nge fare t’ufeg rok ngorad ni dabimus. Gubin e girdi’ u gubin yang ni ka ra guyed e gel nike tay e Got rodad.

Psalms 93:1

I SOMOL e ir e pilung! Ke yin’ nga daken ni bod e mad feni sorok nge feni gel gelngin. Ke tay e fayleng nga tagil’ be par nib mudugil ndabiyag ni ngan mithmitheg.

Psalms 72:19

Fithingan nib gilbuguwan e ngu’un pining e sorok ngay ndariy n’umngin nap’an! Maluplup rok e mang e yigi suguy e fayleng. Amen! Amen!

Psalms 72:8

Gagiyeg rok e yan u bang e day nga bang e day, me tabab ko lul’ ni Eufrates nge yan i taw nga tungun e fayleng.

Psalms 22:27

Gubin e nam ni bay ra leam niged SOMOL. Gubin yang u roy u fayleng ni bay ra sulod ngak; gubin e girdi’ nu fayleng ni bay ra liyorgad ngak.

Exodus 23:21

Mmotoyilgad ngak mi gimed fol rok. Dab mu togopluwgad ngak, ya dabi kadan’ romed; ma be un ngomed ni aram gag.

Isaiah 52:10

I SOMOL e bayi maruwel nga gelngin nib thothup; bayi ayuweg e girdi’ rok, ma ga’ngin e fayleng ni bay ni guy riy.

Isaiah 45:22

“Gimed e girdi’ nu fayleng ni ga’ngin, mu sulod ngog mu gu ayuwegmed! Ya kemus ni gag e ta’are Got ni bay.

Zekariah 13:7

I SOMOL ni Gubin ma Rayag Rok e ga’ar, “Saydon, mu od ngam cham ngak fare tagafaliy e saf nma maruwel rog! Mu li’ ngem’, nge wagey fapi saf. Bay gu cham ngak pi girdi’eg,

Malaki 1:5

Girdi’ nu Israel e yad ra guy e ran’ey nga owcharad, ma bay ra ga’argad, “I SOMOL e rib gel gelngin ma ku errogon u wuru’ e nam nu Israel!”

Isaiah 8:7

ma aram fan ni gag SOMOL e bay gu fek e emperor nu Assyria nge urngin e salthaw rok i yib ni ngar m’aged e mael nga Judah. Bay rabad ni bod e lul’ nu Eufrates ni sugbur nge tharey e binaw.