Mikah 4:13 - Bible Ni Thothup

¹³ Be ga’ar SOMOL, “Mmarod piyu Jerusalem, ngam gechig niged e pi to’ogor romed! Bay gu gel nagmed ni bod ba garbaw ni pumo’on ni bay e gagey rok ni wasey ma rifrif u ay e wasey ni bronze. Pire’ e nam ni bay mu bilged u but’, ma pi fel’ rogon rorad nra feked u fithik’ e yargal e bay mu pi’ed ngog, I Gag Somol ko fayleng ni polo’.”

Mikah 4:13 Referans Kwoze

Daniel 2:44

Ngiyal’ ni bayi gagiyeg e pi pilung nem, e aram e bayi sunumeg Got nu tharmiy reb e gagiyeg ndariy e rofen nra mus. Ma binem e gagiyeg e dariy be’ nra gel ngay bi’id, machane bayi thirif u but’ urngin e pi pilung nem nge gagiyeg ni yad be tay me mang fa birok e gagiyeg e i par ndariy n’umngin nap’an.

Isaiah 23:18

Salpiy ni nge yag ngak ko siyobay e bay ni pi’ ngak SOMOL. Dabi cha’riy ngabang, machane pi’in yad ma liyor ngak SOMOL e bay ra faned fare salpiy rok ni ngar chuw’iyed e ggan nge mad nib t’uf rorad ngay.

Isaiah 18:7

Ra taw nga bangiyal’ ma bay un pi’ e maligach ngak SOMOL ni Gubin ma Rayag Rok ko re nam ney nike th’eth’ab e pi lul’, ni re nam ney nib maduwgil ma ba gel gelngin, ni girdi’ riy e ba n’un’uw ma ba pachpach downgin, ni yima rus ngorad u ga’ngin e fayleng. Bay rabad ko Burey ni Zion, ni aram e gin yima liyor riy ngak SOMOL ni Gubin ma Rayag Rok.

1 Korinth 16:2

Chirofen nsom’on u gubin e wik ni aram e madnom e ra bigimed ma thangri fek boch u puluwon nge tay ngabang ni be yan u rogon e salpiy ni be yag ngak, ya nggu taw ma dakuriy fan ni ngan mukun salpiy.

Zekariah 6:5

Me ga’ar, “Irera’ fa aningeg yang i nifeng; ni kafin ra chuwgad u p’eowchen fare SOMOL ko fayleng ni polo’.”

Zekariah 4:14

Ma aram me ga’ar, “Irera’ fagali pumo’on nike mel’eg row Got ke gapgep nagrow ni ngar pigpiggow ngak, fare SOMOL ko polo’ e fayleng.”

Jeremiah 51:33

Dabki n’uw nap’an ma pi to’ogor e bayi th’abmed nga but’ nge yot’yot’med ni bod e grain u daken e gin yima pirdi’iy riy. I Gag fare SOMOL ni Gubin ma Rayag Rok, ni fare Got nu Israel, e kugog e pi thin ney.”

Psalms 68:29

ko fare Tempel rom u lan yu Jerusalem, ko gin ra fek e pilung e tow’ath rom ngom i yib ngay.

Joshua 6:19

Ma urngin ban’en nni ngongliy ko silber, nge gol, nge bronze, nge wasey e ngan tay ni fan ngak SOMOL, ngan tay ngalan e tamachibgil rok SOMOL.”

Isaiah 5:28

Pi gan e gat’ing rorad e bm’uth, ma pi gat’ing rorad e ka ni fal’eg rogon ke par. Pi sus u ay e os rorad e bod feni el e pache’, ma pi chariot rorad e be cheal ni bod ba nanyor.

Psalms 72:10

Pi pilung nu Spain nge pi donguch e bay ur pi’ed e tow’ath ngak; gal pilung nu Sheba ngu Seba e bay ur pi’ew e maligach ngak.

Deuteronomy 33:25

Ma mab ko pi garog ko pi binaw rok e ngi i par ni wasey, mi i par ndabi buch ban’en rok.”

Isaiah 21:10

Girdi’ rog nu Israel, ka ni pirdi’iymed ni bod e wheat, machane chiney e nggu weliy ngomed ba sabethin ni bfel’ ni ku gu rung’ag rok SOMOL ni Gubin ma Rayag Rok ni Got nu Israel.

Jeremiah 51:20

Be ga’ar SOMOL, “Gimed yu Babylon, e gimed e ama ni fanag, ni talin e cham rog ko mael. Gu ma maruwel ngomed nggu pirdi’iy e pi nam nge pi gil’ilungun e pi pilung,

Hosea 10:11

“Israel e immoy ni bod ba fak e garbaw ni kan llowan’nag, nib magan’ ngay nma gunugunuy e grain. Machane kug turguy ni nggu tay ba m’at nga daken belel’gun ni bfel’usun nggu m’ag mug gelnag boch e maruwel ngak. Kug tay yu Judah ni ngu’ur girngiyed fen e magi’ but’ ma yu Israel e yad e ngu’ur girngiyed fen e pingeg but’ nge une.

Habakkuk 3:12

Ma ga yan u fayleng ni kam damumuw; ma ga yot’yot’ e pi nam nga but’ u fithik’ e damumuw rom nib gel.

Psalms 24:1

Fayleng nge urngin ban’en ni bay riy e fen SOMOL, but’ nge urngin e girdi’ ni be par u daken e suwon.

Mikah 5:7

Girdi’ nu Israel nra magachgad ni dar m’ad e bay ra boded e wa’angachal niki kakling bayay ni SOMOL e ke l’oeg ni fan nga bokum e nam, ni bod e n’uw nga daken e woldug ni be ilal. Bay ra toergad ngak Got ma gathi girdi’.

Zekariah 12:3

Machane ra taw ko rofen nem, ma bay gu tay yu Jerusalem ni bod bmalang nib tomal, nra nam nra guy rogon ni nge chibiy ngalang e ra maad’ad. Gubin e nam nu fayleng e bay i ta’reb lungrad ni ngar cham gad ngay.

Zekariah 12:6

“Rofen nem e bay gu tay e fa yuke girdi’ nu Judah ni bod ba nifiy u loway fa lan bang i flang nike el wom’ngin e grain riy. Bay rthanged mit e girdi’ u gubin e pi nam nib liyegrad. Ma girdi’en yu Jerusalem e bay ur pired ni dabi buch ban’en rorad.