Mikah 3:11 - Bible Ni Thothup

¹¹ Pi’in yad be gagiyegnag e girdi’ u lan binaw e yad be fek puluwon e sasaliyeb ni yad be tay, ma pi prist e yad be pithig fan e Motochiyel u wan’ e girdi’ ni bay puluwon, ma pi profet e yad be weliy e yi’iy ni ku bay puluwon ma yad be yog ni bay SOMOL rorad. Bayi n’en me lungurad, “Gathi ba’ SOMOL rodad? Ere dariy ban’en nra buch rodad.”

Mikah 3:11 Referans Kwoze

Jeremiah 6:13

Gubin e girdi’, ni pi’in fel’ rogon nge pi’in gafgow, ni yad ma guy rogon ni nge yag e salpiy ngorad u fithik’ e sasalap; mus ko profet nge prist ni yad ma bannag e girdi’.

Isaiah 1:23

Pi’in yad be yog e thin rom e yad be togopluw ka ra manged tafager rok e pi moro’ro’; gubin ngiyal’ ni yad be fek e pi tow’ath nge puluwon e sasalap. Darir ayuweged e bitir ni kanim’ rorad u tafen e puf oloboch, ara rmotoyilgad ko oloboch rok e ppin nike yim’ figirngirad.

Mikah 3:5

Girdi’ e ke ban nagrad e pi profet ni yad be micheg e gapas ngak e pi’in yad be pi’ e salpiy ngorad, ma yad be yog ni bay yib e mael ngak e pi’in ndarir pi’ed e salpiy ngorad. Pi profet ney e be ga’ar SOMOL ngorad,

Jeremiah 7:4

Nge dabki mich u wun’med e pi thin ni ba’aray nde riyul’ nike lunguy, ‘Irera’ fare Tempel rok SOMOL, irera’ fare Tempel rok SOMOL, irera’ fare Tempel rok SOMOL! Ere dabi buch ban’en rodad!’

1 Peter 5:2

gimed e ngu’um gafaliyed fare ran’ i saf ni Got e ke pi’ ngomed, ngu’um gafaliyed yad nib m’agan’med ngay nrogon nib m’agan’ Got ngay ni ngam rin’ed, ma gathi ngu’um rin’ed nde m’agan’med ngay. Mu ngongliyed e maruwel romed ni gathi kemus ni bochan e salpiy ni yibe pi’ riy ngomed, machane ngam ngongliyed ni fan e ri gimed ba’adag ni ngam pigpiggad ngak Got.

Titus 1:11

Dabi siy ni ngan talegrad ko tin ni yad be weliy, ya yad be yo’ornag laniyan’ girdi’en e tabinaw i yan, ni bochan e yad be machibnag e tin nsusun e dab ra machib niged ni fan e kemus ni nge yag e salpiy ngorad, ni ban’en ni ngan tamra’ ngay.

Mikah 7:3

Ri yad ba salap i ngongliy e kireb. Pi tolang nge pi tapuf oloboch e yad be ning pulworad ni ngu’ur sasalap gad. Pi’in ni ba ga’ lungun e yad ma yog ngorad e tin yad ba’adag, miyad luguy nag u ta’bang.

Isaiah 48:2

Ma kam ufgad ngay gimed be yog ni gimed girdi’en fare binaw nib thothup ni fare Got rok yu Israel e gimed be toer ngak, ni fithingan e SOMOL ni Gubin ma Rayag Rok.

Jeremiah 8:10

Ere bay gu pi’ e yungi flang rorad ngak boch e girdi’ nge milfan ngorad mu gu pi’ pi le’engirad ngak yug boch e pumo’on. Gubin e girdi’ ni tin fel’ rogon nge tin gafgow ni yad be guy rogon ni nge yag e salpiy ngorad u fithik’ e sasalap. Ni mus ko profet nge prist ma yad be bannag e girdi’.

1 Samuel 8:3

Machane da ur folwokgow rok e chitamangirow; ya kemus ni salpiy e ba t’uf rorow, ma aram mu ur fekew puluwon e sasaliyeb ma da ur pithigew e oloboch nge yan i aw nrogon.

Numbers 16:15

Mri damumuw Moses me ga’ar ngak SOMOL, “Dab kum fanay e pi maligach ni be pi’ e pi pumo’on ney ngom. Dawor gu bucheg ban’en rok bagyad; mus nga ta’ab dongki ma dawor gu fek rorad.”

Jude 1:11

Kar gafgowgad! Ya kar leked fare pa’ i kanawo’ ni yan Kain riy; kar folgad ko oloboch ni fan ko salpiy, ni bod e n’en ni rin’ Balaam; makan gechig nagrad ni bochan e togopluw ni kar ted ni bod e togopluw ni tay Korah.

1 Timothy 3:3

me ir be’ nder ma balyang ko rrum ma der ma cham, machane be’ nib munguy ma ba’adag e gapas; ma thangri dabi chogownag e salpiy;

Amos 9:10

Ma pi tadenen ni bay u fithik’ e tirog e girdi’ e bay nli’rad u fithik’ e mael ngarm’ad, ni urngin e pi’in ni be lungrad, ‘I Got e dabi pag e riya’ nge chugur nga to’obdad.’”

Hosea 4:18

Tomuren ni ka ra unumed e wayin nib yo’or ma taban lanin’rad e ngar pi’ed yad ni chuway’, kabm’on u wan’rad ni ngan dariyfan nagrad ko bin ngan tay farad.

Isaiah 56:11

Yad bod e pilis ni bfel’ngak ndariy bingyal’ nma gaman. Picha’ ney e dariy ban’en ni yad manang fan. Ra bagyad ma be rin’ e n’en ni ba’adag ma be gaweg e tin nge yagnag ngak.

Matthew 3:9

Dab mfineyed nrayag ni nge yib e tawey romed ni bochan e be lungumed, I Abraham e chitamangidad. Ya nggog ngomed ni Got e rayag ni nge fek e pi malang ney nge ngongliy ngar manged e pi’in owchen Abraham!

Malaki 1:10

I SOMOL ni Gubin ma Rayag Rok e be ga’ar, “Gu be athapeg ni mang e ning bigmed mban e Tempel, ya nge dab kumu k’oreged e nifiy nib mm’ay fan u daken e altar rog. Ya kam kirebgad u wun’ug; dabi fel’ u wun’ug e pi maligach ni gimed be fek i yib ngog.

Zefaniah 3:3

Pi tolang riy e bod bogi layon ni be tolul; pi’in tapuf oloboch riy e yad bod e pi wolves ni kar uyngolgad, ni kari gel farad cholchol ni mada’ nga balay i yil ma dab ra paged nge kadbul ngay.

Ezekiel 22:27

Ma pi tamal’gun e am nu Israel e kar boded e pilis ni malboch ni yad ma popof e gamanman ni kar li’ed. Yad be mathang pogofan ni bochan e nge yo’or ban’en rorad.

Ezekiel 22:12

Boch e girdi’ romed e be fek puluwon ni nge thang e pogofan. Ma boch i yad e be pi’ e salpiy ni ku ran fulweg, me yin’ e pasent ngay nib pag oren nike mangita’ ngorad kefel’ rograd riy. Ma kar paged talig.” I SOMOL ni Th’abi Tolang e be non.

Proverbs 17:23

Pi judge ni kireb e ma fanay puluwon e sasalap nib mith, ma aram e tin ni bfel’ dab nrin’.

Isaiah 5:23

Gimed ma fanay puluwon e sasaliyab ni ngam paged e pi’in nib kireb e rorad ngranod, ma gimed ma tay e pi’in ni bfel’ e rok ni de yag ngorad e tin mat’owrad.

Jeremiah 23:17

Yad be yog ngak e girdi’ ni pi’in ka ra dabuyed ni ngar motoyilgad ngog, ni yad ra par ni bfel’ rogonrad ni dabi buch ban’en rorad. Ma ku yad be yog ngak urngin e pi’in gel lanin’rad ni riya’ e dabi chuchugur nra aw ngorad.”

Jeremiah 26:7

Pi prist, nge pi profet, nge urngin e girdi’ e rrung’aged e pi thin ney ni gu be yog u lan e Tempel.

Ezekiel 34:2

I ga’ar, “Fak e girdi’, mup nga owchen e pi tagagiyeg nu Israel e kireb rorad. Mu yi’iy ngamog ngorad e n’en ni Gag SOMOL ni Th’abi Tolang e gu be yog ngorad: Kam riya’gad gimed e pi tagafal saf nu Israel! Gimed be ayuwegmed, machane damur ayuweged e saf.

Hosea 4:8

Ke yo’or ban’en romed ni bochan e denen ko girdi’ rog, are gimed e gimed ba’adag ni ngu’ur pirednag e denen.

Amos 5:14

Mu nameged ni ngam rin’ed e n’en ni bfel’, ma gathi tin nib kireb, ya ngam fosgad. Ma aram e rriyul’ nra par SOMOL ni Got ni Gubin ma Rayag Rok romed, ni bod ni gimed be yog ni bay romed.

Malaki 2:9

Ere bay gu gagiyegnag nge dabuymed e girdi’ nu Israel, ya damur folgad ko tin lanin’ug, ma fa’an bay mmachib niged e girdi’ rog, ma damur ayuweged yad ni ta’ab rogon.”

Numbers 22:7

Me fek e pi’in yad ma yog e thin rok piyu Moab nge piyu Midian puluwon e buch wa’athan ni nge tay Balaam ngak yu Israel miyad yan ngak Balaam, miyad yog e thin rok Balak ngak.

Jeremiah 5:12

Girdi’ rok SOMOL e ka ra siyegned kar ga’argad, “Gathi ra rin’ ban’en. Dariy ba magawon nra yib ngodad; dabib e mael fa uyngol ngodad.”

Zefaniah 3:4

Fapi profet e dariy ban’en nma m’ag rorad ni yad bogi sasalap; ma fapi prist e kar ta’ay niged e n’en nib thothup, ma yad ma dalib nag e motochiyel rok Got nge mang yad e fel’ ngorad.