Matthew 9:4 - Bible Ni Thothup

⁴ Me nang Jesus e n’en ni yad be leamnag me ga’ar ngorad, “Mang ni gimed be leamnag e pin’en ni be’er nib kireb ni gimed be leamnag?

Matthew 9:4 Referans Kwoze

Luke 6:8

Machane manang Jesus e n’en ni yad be leamnag me ga’ar ngak fa’anem nib marwoth baraba’ i pa’, “Mu sak’iy nga mub aray ngam’on.” Me sak’iy fare mo’on me yan i par nib sak’iy ko fa gin’em.

Matthew 12:25

Me nang Jesus e n’en ni yad be leamnag me ga’ar ngorad, “Re nam nra ruw raba’nag ir ngar chamgow ngorow e dabi par nib n’uw nap’an. Ma re binaw fa re tabinaw nra ruw raba’ ngar chamgow ngorow e ra wear.

Revelation 2:23

Ma bay kug li’ pifak ngarm’ad, ma aram e urngin girdi’en e pi galesiya ma bay ra nanged ni gag fa’anem ni ir e manang laniyan’ e girdi’ nge tin ni be athpeg e girdi’. Ma bayi bigimed mu gu pi’ puluwon nib m’ag nga rogon e ngongol rok.

John 16:30

Kug nanged e chiney ni urngin ban’en ma ga manang; ndakuriy fan ni nge fith be’ ban’en ngom. Ya ireray e ren’en nike micheg u wun’mad ni mub rok Got.”

Luke 11:17

Machane manang Jesus e pin’en ni yad be leamnag, ma aram me ga’ar ngorad, “Re nam nra ruwraba’nag ir nge cham e dabi n’uw nap’an nra par; ra ruw raba’ reb e tabinaw ngar togopluwgow ngorow mra wear fare tabinaw.

Psalms 139:2

Ga manang urngin e tin ni gu ma rin’; ra mpar u urel ma ba tamilangan’um u urngin e tin ni gu be leamnag.

Psalms 44:21

ma rib mich ni gamnang, Ya gamnang e tin bay u lanin’mad nib mith.

Acts 5:9

Me ga’ar Peter ngak, “Mangfan ni mdugliyew figirngim ni ngam sikeng nigew fare Kan Nthothup rok Somol? Fapi pumo’on ni kar k’eyged figirngim e kar tawgad nga langan e mab e chiney, ma ku bay ra feked gur nga waen!”

John 16:19

Me nang Jesus ni yad ba’adag ni ngar fithed, ma aram me ga’ar ngorad, “Ke lungug dabki n’uw nap’an ma dab kum guyed gag, ma aram e bayi n’uw nap’an boch nga tomuren mikigimed guyeg. Ireray e n’en ni gimed be fithmed riy fa?

John 6:64

Machane boch i gimed e ka dawori mich u wan’.” (Ya manang Jesus ko som’on e pi’in dabi mich u wun’rad nge en ni bayi yagnag.)

John 6:61

Da nog ngak Jesus me nang Jesus ni pi gachalpen e yad be gun’gun’ ni fan e re thin nem nike yog; ma aram me ga’ar ngorad, “Kam tafinay niged ni ngam paged gimed ni bochan e re bugithin ney?

John 21:17

Me ga’ar Jesus ngak ko yay ndalip, “Simon, ni fak John gur, gub t’uf rom?” Me taganan’ Peter ni bochan e ke gaman e dalip yay nike fith Jesus ngak e re bugithin ney ni ga’ar, “Gub t’uf rom?” Me ga’ar Peter ngak, “Somol, ga manang urngin ban’en; ga manang ni gab t’uf rog!” Me ga’ar Jesus ngak, “Mu gafaliy e saf rog.

Luke 5:22

Ma manang Jesus e n’en ni yad be leamnag me ga’ar ngorad, “Mangfan ni gimed be leam ni errogon?

Mark 12:15

Me nang Jesus e ban rorad, me fulweg ngorad ni ga’ar, “Mang ni gimed be guy rogon ni nggu aw ko ban romed? Mfeked ba salpiy nib silber i yib ngog ngug guy.”

Mark 2:8

Ka chingiyal’ nem me nang Jesus e n’en ni be leamnag fapi cha’, ma aram me ga’ar ngorad, “Mangfan ni gimed be leam ni errogon?

Luke 7:40

Me ga’ar Jesus ngak, “Simon, bay ban’en ni gub adag ni nggog ngom.” Me ga’ar Simon, “Tamchib, mog ngog.”

Ezekiel 38:10

Irera’ e n’en ni be yog SOMOL ni Th’abi Tolang ngak Gog: “Nap’an nrataw ko ngiyal’ i n’em ma bay mu tabab i tanomnag e kireb.