Matthew 9:30 - Bible Ni Thothup

³⁰ ma aram me sul owcherow nge fel’. Me ri tay Jesus chiylen ngorow ni ga’ar, “Dab mweliyew ngak be’ murung’agen e n’en ni kug rin’ ngomew!”

Matthew 9:30 Referans Kwoze

Luke 5:14

Me tay Jesus chiylen ngak ni ga’ar, “Dabmog murung’agen e n’en ni kug rin’ ngom ku be’, machane mman ndab mu tal u bang ngam man mu taw ngak e prist nge guy ko kabay e daraw rom fa dakuriy; me ere mpi’ fare maligach ni bod rogon ni yog Moses, ni ir e nge mang mich ngak urngin e girdi’ ndakuriy e daraw rom e chiney.”

Matthew 8:4

Ma aram me ga’ar Jesus ngak, “Dabmog murung’agen e n’en ni kug rin’ ngom ku be’, machane mman ndab mu tal u bang ngam man mu taw ngak e prist nge guy ko kabay e daraw rom fa dakuriy, ma ga pi’ fare maligach ni fa’ani yog Moses, ni ir e nge mang mich rom ngak urngin e girdi’ ndakuriy e daraw rom e chiney.”

Luke 8:56

Mi ri gin e chitamngin nge chitiningin ko ren’em, machane me tay Jesus chiylen ngorow ndab rognew ku be’ e tin ni kar guyew.

Mark 5:43

Me ri tay Jesus chiylen ngorad ndab rogned ku be’ e tin ni kar guyed nike rin’ ngak fachi pin, me ga’ar ngorad, “Mu pi’ed ban’en ngak nge kay.”

Matthew 17:9

Ma nap’an ni yad be yib u daken fare burey nga but’ me tay Jesus chiylen ngorad ni ga’ar, “Dab mogned ku be’ e tin ni kam guyed nge yan i mada’ ko ngiyal’ ni kan faseg e en ni Fak e Girdi’ ko yam’.”

Matthew 12:16

me motochiyel ngorad ndab rogned murung’agen ku be’;

Isaiah 52:13

Be ga’ar SOMOL, “Tapigpig rog e bayi yan i aw nga rogon e tin be muruwliy; bayi gilbuguwan mu’un tay fan.

Isaiah 42:7

Bay mu bing lan mit e pi malmit, ma ga chuweg u kalbus e pi’in yad be par riy u fithik’ e lumor.

Isaiah 35:5

Pi ma’ew e bay ra guyed ban’en ma pi biling e bay rrung’aged ban’en.

Psalms 146:8

mma bing owchen e pi’in ma’ew ngar guyed ban’en. Ma sak’iynag e pi’in kar dol’gad; ba t’uf rok e girdi’ ni yad ba mat’aw.

Mark 1:43

Me ri tay Jesus chiylen ngak ni ga’ar, “Dabmog murung’agen e n’en ni kug rin’ ngom ku be’. Machane mman ndab mu tal u bang ngam man mu taw ngak e prist nge guy ko kabay e daraw rom fa dakuriy, ma ga pi’ fare maligach ni fa’ani yog Moses, ni nge mang mich rom ngak urngin e girdi’ ndakuriy e daraw rom e chiney.” Ma aram me l’oeg nge yan ni kachingiyal’ nem.

Mark 3:12

Me ri tay Jesus chiylen ngak fapi mo’onyan’ ndab rogned ko ir mini’.