Matthew 8:3 - Bible Ni Thothup

³ Me k’iyag Jesus pa’ nge math ngak. Me fulweg ni ga’ar, “Bm’agan’ug ngay, aram e ngam be’ech!” Kachingiyal’ nem me chuw e daraw rok.

Matthew 8:3 Referans Kwoze

Luke 5:13

Me k’iyag Jesus pa’ nge math ngak me ga’ar Jesus, “Mm’agan’ug ngay, aram e ngam be’ech!” Ka chingiyal’ nem me chuw e daraw rok fa’anem.

Psalms 33:9

Ya nap’an ni non, me sum e fayleng; miki non, me yib i m’ug urngin ban’en.

2 Kings 5:14

Me yan Naaman ko lul’ ni Jordan me lith ni medlip yay ni bod rogon ni yog Elisa ngak, me chuw e daraw rok nge par downgin ni gowa downgin bochi tir.

Mark 1:41

Me taganan’ Jesus ngak, me k’iyag pa’ nge math ngak me ga’ar, “Bm’agan’ug ngay, aram e ngam be’ech!”

John 5:21

Ya en ni Chitamangiy e ma faseg e yam’, ere ku errogon e en ni Fak nma pi’ e yafos ngak e pi’in ba’adag ni nge pi’ e yafos ngorad.

Mark 4:39

Me suwon Jesus me non ko nifeng ni ga’ar, “Mmocha’!” Me ga’ar ngak e n’ew, “Mu gapas!” Me mocha’ e nifeng, me aw e cho’.

2 Kings 5:11

Me yan Naaman nike damumuw ni be ga’ar, “Gu leamnag ni bay yib ngog nga wean nge meybil ngak SOMOL ni Got rok me rupoy pa’ ko yung ni bay e m’ar riy u dowag nge chuw!

Genesis 1:3

Me non Got ni ga’ar, “Nge tamilang” — me tamilang.

John 11:43

Ma nap’an ni mu’ i yog rok e re bugithin ney me pong ni ba ga’ gaman ni ga’ar, “Lazarus, moy nga waen!”

Luke 7:14

Me yan ngorad nge yan i math ko kahol rok fare yam’, me tal fapi pumo’on ni yad be fek fare yam’. Me ga’ar Jesus, “Fachi cha’! Be lungug ngom, mu suwon!”

Mark 9:25

Me guy Jesus ni be yib e girdi’ ni pire’ ngorad, me non nib gel ngak fare mo’onyan’ ni ga’ar, “I gur e re mo’onyan’ nir ni ga ma ying ko girdi’ ngar bilinggad ma dabkiyag ni ngar nonod, gu be yog ngom ni ngam chuw u fithik’ e cha’nir ma dab kum sul ngak bayay!”

Mark 7:34

Me sap Jesus nga lanelang, me pag e pogofan rok, me ga’ar ngak fare mo’on, “Ephphatha,” ni fan e re bugithin ney e, “Mmab!”

Mark 5:41

Me kol pa’ fachi pin me ga’ar ngak, “Talitha koum,” ni fan e re bugithin ney e, “Fachi pin! Be lungug ngom, mu suwon!”

John 15:24

Fa’an mang e da gu ngongliy e pin’en u fithik’rad ndariy ta’abe’ ni ka’a rin’ ma dabi yan i aw nib kireb e rorad ko denen ni kar ngongliyed; machane rogon nike yan i aw e chiney e kar guyed e n’en ni kug ngongliy ma kar fanenikayed gag nge Chitamag.

Exodus 4:7

Me ga’ar SOMOL ngak, “Mu sulweg pa’am nga tan wuru’ e mad rom bayay.” Me rin’, ma fa’ani chuweg pa’ u tan fare mad e yaney, ma ke sul nga rogon, ke bod urngin yang u downgin.

Matthew 12:13

Me ga’ar ngak fare mo’on, “Mu k’iyag pa’am.” Me k’iyag pa’ ma aram me gol pa’ nge ta’reb rogon ko fa ba’ ni bfel’ i pa’.

Luke 4:27

Ma bo’or e daraw u lan e nam nu Israel e re ngiyal’in’em nnap’an Elijah ni profet; machane dariy ta’a bagayad nchuweg e daraw rok, ya kemus ni yigo’o Naaman ni be’ u Syria e nchuweg e daraw rok.”