Matthew 8:15 - Bible Ni Thothup

¹⁵ Me math Jesus nga pa’; me chuw e gowel u daken, me suwon ngalang me tabab i ayuweg Jesus ko tin ni nge yag ngak.

Matthew 8:15 Referans Kwoze

2 Kings 13:21

Me bangiyal’ ni ka ni yan ni ngan k’eyag ba yam’ min guy boch fapi girdi’ ni yad ma yib ko cham nga Israel, min garpey fare yam’ ngalan e low ko yam’ ni ginni chubgiliy Elisa ngay, min mil. Ma nap’an ni yigi math fare yam’ ko yil rok Elisa, me fos nge sak’iy ngalang.

Luke 8:54

Me kol Jesus pa’ me ga’ar ngak, “Fachi pin, mu suwon!”

Mark 1:41

Me taganan’ Jesus ngak, me k’iyag pa’ nge math ngak me ga’ar, “Bm’agan’ug ngay, aram e ngam be’ech!”

Matthew 20:34

Me kireban’ Jesus ngorow me math nga owcherow; ma ka chingiyal’ nem me yag ni ngar guyew ban’en, miyow un ngak.

Matthew 14:36

Miyad wenig ngak ni nge pag e pi’in yad mm’ar nga yugu ra mathgad nga taban e thal ni wuru’ e mad rok u but’; ma urngin e pi’in nra mathgad ngay ni yigo’o ra golgad.

Matthew 9:29

Me ere math Jesus ngalan owcherow me ga’ar, “Nge gol owchemew ni bod gelngin e michan’ romew!” —

Matthew 9:20

Me yib be’ ni bpin u keru’ Jesus meb i math nga taban e mad rok u but’, re pin nem e nga ragag nge l’agruw e duw ni be par nib m’ar nib molul.

Matthew 8:3

Me k’iyag Jesus pa’ nge math ngak. Me fulweg ni ga’ar, “Bm’agan’ug ngay, aram e ngam be’ech!” Kachingiyal’ nem me chuw e daraw rok.

Isaiah 6:7

Me yib i matheg fa gi kol ni be yik’ nga dap’il’ugunag me ga’ar, “Re gin’ey e ke math nga dap’il’ugunam, ere chiney e ke chuw e kireb rom, ma denen rom e kann’ag fan.”

Matthew 8:14

Me yan Jesus nga tafen Peter, me guy e en ni chitiningin leengin Peter u bet nib m’ar nib gel e gowel u daken.

Matthew 8:16

Ma fa’ani neap’, min fek i yib ngak Jesus e girdi’ ni pire’ nike ying e mo’onyan’ ngorad. Me tuluf Jesus fapi mo’onyan’ nga ta’ab bugithin ngar chuwgad rok fa pi’in kar yinggad ngorad, me golnag urngin e pi’in yad bm’ar.

Mark 1:29

Me chuw Jesus nge pi gachalpen u tafen e mu’ulung ngranod nga tafen Simon nge Andrew; me un James nge John ngorad.