Matthew 7:2 - Bible Ni Thothup

² ya Got e ra turguy e kireb nga dakenmed nrogon nim turguyed e kireb nga daken e girdi’, nge gelngin nge tomalngin nim turguyed.

Matthew 7:2 Referans Kwoze

James 2:13

Ya ngiyal’ nra pufthinnag Got e en nde runguy be’ e ku dabi runguy Got fa’anem; ya runguy e ra gel ko pufthin.

Mark 4:24

Miki ga’ar ngorad, “Mu uthmed telmed ko tin ni gimed be rung’ag! Ya rogon ni gimed ra turguy ban’en nga daken be’ e ku aram rogon nra turguy Got nga dakenmed, nra pag e fol riy.

Luke 6:38

Mu golgad ngak e girdi’ me gol Got ngomed: nra pi’ ngomed nge yan i mus ngarogon e fol riy u wan’, nra map’ nga pa’med ni pire’ — nge sugsug pa’med riy. Ya re fol ni ga ra pi’ ngak be’ e ireram e re fol nra pi’ Got ngom.”

Obadiah 1:15

“Ke chugur ko rofen ni Gag SOMOL e nggu pufthinnag e pi nam. Edom, n’en ni kam rin’ e bay ni rin’ ngom. Ngonglem e bayi sul ngom.

Revelation 18:6

Mu rin’ed ngak ni bod nike rin’ ngomed, mu gechigniged ni l’agruw yay u gelngin e n’en ke rin’ ngomed. Mu suguyed e kap rok ko n’en ni yima unum nl’agruw yay ni kab gel ko n’en nike ngongliy rogon ni ngam unumed.

2 Korinth 9:6

Dab mpaged talin e re bugithin ni ba’aray: cha’ nra yung e awoch nib lich e bochu’uw e n’en nrayag riy ngak; ma en nra yung e awoch ni pire’, e pire’ e n’en nrayag riy ngak.

Judges 1:7

Me ga’ar Adonibezek, “Medlipi ragag e pilung ni kan th’ab e yu bugul ni ga’ u pa’rad nge yu bugul ni ga’ u ayrad ni ur fanged chobngen e ggan u tan e tebel rog. Ere chiney e ke rin’ Got ngog e n’en ni gu rin’ ngorad.” Min fek Adonibezek nga Jerusalem ko gin ni yim’ riy.

Jeremiah 51:24

Be ga’ar SOMOL, “Bay mu guyed gag ni nggu sulweg taban’ ngak yu Babylon nge girdi’ riy gubin fapi kireb nrin’ed nga Jerusalem.

1 Samuel 15:33

Me ga’ar Samuel, “Rogon nike gagiyegnag e saydon rom bo’or e matin karanod ra pired ndakuriy pifakrad, e aram rogon e en ni chitinam e chiney ni nge par ndakuriy fak.” Me th’eth’ab Agag ni nochiyang u m’on ko altar nu Gilgal.

Psalms 109:17

Ri ba’adag nma yibil ni nge buch wa’athan be’ — mang e yigi mang ir e buch wa’athan! Dabun ni nge fal’eg wa’athan be’, mang e yigi dariy be’ ni fal’eg wa’athan!

Isaiah 33:1

Pi to’ogor rodad e kar riya’ gad! Kar moro’ro’gad u fithik’ e yargel ma yad be yagnag e girdi’, ni yug aram rogon ni dariy be’ nike mororo’ ngorad ara yag nagrad nga pa’ e pi to’ogor. Machane re ngiyal’ ni yad be rin’ e pin’em riy e bayi mus, ma aram yad e bay un rin’ e pin’em ngorad.

Jeremiah 34:17

Ere chiney, I Gag SOMOL e gu be yog ni damur folgad rog; dawor mu pi’ed e pufrogon nga Israel ni polo’. Ere kefel’, bay gu pi’ e pufrogon ngomed: nge pufrogmed ngam m’ad, u fithik’ e mael, ko liliy, nge uyngol. Bay gu pag gubin e nam nu fayleng ngar da’da’gad ni marus ko pin’en ni bay gu rin’ ngomed.

Matthew 6:14

“Ya fa’anra mu n’iged fan u wun’med e kireb nike rin’ boch e girdi’ ngomed, ma ku errogon e Chitamangimed nu tharmiy nra n’ag fan u wan’ e kireb ni kam rin’ed.

Exodus 21:24

puluwon reb e lanmit e ku lanmit, ma reb e nguwol e ku reb e nguwol, ma reb e rifrif u pa’ay e ku reb e rifrif u pa’ay, ma reb i rifrifen ey e ku reb i rifrefen ey,

Judges 5:27

Me aw nga but’ nib ragbug, me thig nga charen rifrifen ay fare pin. To’oben i rifrifen ay e aw riy nga but’ nib ragbug me thig; me thig nga but’ nike yim’.

2 Samuel 21:5

Mar fulweged, ni lungurad, “Saul e ba’adag ni nge thang owchamad ni dabki pag bagmad nge par u bang u lan yu Israel.