Matthew 5:7 - Bible Ni Thothup

⁷ “Nge felan’ e pi’in yad ma runguy e girdi’, ya ra runguyrad Got!

Matthew 5:7 Referans Kwoze

Efesus 4:32

Machane um golgad ngomed, me bigimed me munguy ngak bigimed, mu um n’iged fan u wun’med e tin nib kireb nike rin’ bigimed ngak bigimed, ni bod rogon Got ni bochan Kristus ma aram fan nike n’ag fan u wan’ e kireb ni kam rin’ed.

2 Samuel 22:26

SOMOL, i gur e ga ma yul’yul’ ngak e pi’in yad ba yul’yul’ ngom, ma ri gab gol ngak e pi’in yad ba yal’uw.

Psalms 18:25

A SOMOL, ga ba yul’yul’ ngak e pi’in yad ba yul’yul’ ngom; polo’ fanam fel’ ko pi’in dariy thibngirad.

James 2:13

Ya ngiyal’ nra pufthinnag Got e en nde runguy be’ e ku dabi runguy Got fa’anem; ya runguy e ra gel ko pufthin.

James 3:17

Machane bin som’on e fare gonop ni yib u tharmiy e bmachalbog; ma ku errogon nma fal’eg thiliy nge aw e gapas riy, ma ma sumunguynigey, ma ma fal’eg owchey nge thin ngak e girdi’, ma ba sug ko runguy ma ma k’uf ni ngongol ni bfel’; ma ma ta’reb rogonnag e girdi’ u wun’uy ma der ma dake modingnigey.

Kolose 3:12

Gimed girdi’en Got; ya gimed ba t’uf rok ma ke duwgiliymed ni ngam manged girdi’en. Aram fan ni runguy, nge gol, nge sobut’an’, nge sumunguy, nge gumaen’ e thingar mon’ed nga dakenmed nge mang mad romed.

Luke 6:35

Aram e danga’! Nge t’uf romed e pi to’ogor romed mi gimed rin’ e tin ni bfel’ ngorad; ra ning be’ ban’en ngomed ni nge maruwel ngay mi gimed pi’ ma dab mu leam niged ban’en ni nge pi’ riy ngomed. Ya bay labgen ni ba ga’ nra fulweg Got ngomed, ma gimed pifak Got nib Th’abi Tolang. Ya Got e ba gol ngak e pi’in ndarir pininged e magaer ngak nge pi’in nib kireb.

Mikah 6:8

Dangay, I SOMOL e keyog ngodad e n’en ni bfel’. Ba’aray e n’en ni be yog ni ngan rin’: mu rin’ed e n’en nib yal’uw, um pired nib t’uf Got romed nge girdi’, mu um folgad rok Got u fithik’ e sobut’an’.

Proverbs 19:17

Ga ra pi’ ban’en ngak e gafgow, ma bod ni SOMOL e ka mu pi’ ngak, ra sulweg SOMOL puluwon ngom.

Hebrews 6:10

Yi Got e gathi ba laniyan’. Gathi bayi pag talin e maruwel ni kam ngongliyed, ara rogon nib t’uf romed ni kam daged ni bochan e ayuw ni kam pi’ed ma kigimed be pi’ ngak e pi’in ni gimed ni girdi’en Kristus.

Daniel 4:27

Pilung rog, ngam fol ko tin ni nggog ngom ngam tal ndab ku um ngongliy e denen, ma ga rin’ e tin nib mat’aw; ma ngam runguy e pi’in gafgow. Ga ra rin’ ni aray rogon me yan nga luwan e kireb ni um rin’ mu’um par ni bfel’ rogom i yan.”

Hebrews 4:16

Ere nge dab kud tamdaggad ngad bad nga tagil’ Got, ko gin ni bay e ayuw riy. Ya ireram e gin ni yira runguydad riy min ayuwegdad ko ngiyal’ ndabisiy ni ngar ni ayuwegdad.

Proverbs 11:17

Bfel’ ngom ni ga ra gol. Ma fa’anra damur runguy be’, ma kemus ni gur e ngam gafgow nigem.

1 Peter 2:10

Immoy ba ngiyal’ ni um pired ni gathi gimed girdi’en Got, machane chiney e kam manged girdi’en; ma bay ba ngiyal’ ni um pired nda mu nanged e runguy rok Got, machane chiney e ke runguymed Got.

Mark 11:25

Ma ngiyal’ ni gimed ba sak’iy ni gimed be meybil, e fa’anra bay ban’en u laniyan’ bigimed nib togopluw ngak be’ ma nge n’ag fan rok fa’anem, ni bochan e ngki yag ni n’ag e Chitamangimed nu tharmiy fan e denen romed.”

Proverbs 14:21

Fa’anra ga ba’adag ni ngam felfelan’ ma ngam gol ngak be’ ni dariy ban’en rok; ya ba denen ni ngam dabuy be’.

Hosea 2:1

Ere gimed piyu Israel e ngu’um pininged pi walagmed ni girdi’ nu Israel ni nge lungumed, “Girdi’ ku Got,” ma ngki lungumed, “Ke t’ufegrad Somol!”

Psalms 112:9

Ba gol ngak e pi’in ke t’uf e ayuw rorad, ma feni gol e der ma thil; bayi gel gelngin ngu’un tayfan.

Psalms 112:4

Ke yib e tamilang nga fithik’ lumor ni fan ko girdi’ ni bfel’, ni fan ko pi’in nib marnguy, ma ba gol, ma ba yol’uw.

Psalms 37:26

Gubin ngiyal’ nib gol ngak e girdi’, ma yira ning ban’en ngak ni ku yira fulweg me pi’, ma pifak e ma fel’ rogoy u puluwrad.

1 Timothy 1:13

ni yugu aram rogon nib kireb e thin ni ugog nib togopluw ngak kakrom, mu ug gafgownag ma gu be yog e thin nib kireb nga fithingan. Machane me runguyeg Got, ya de mich Kristus u wun’ug e ngiyal’nem, ni aram e dagur nang e n’en ni gu be rin’.

1 Korinth 7:25

Nggu weliy murung’agen e pi’in ndawor ra uned ko mabgol ni nge lungug: dariy bbugithin nike yib rok Somol ngog ni nggu weliy ni murung’agen e pi cha’ney, machane nggog e tin gu be finey, ya gag be’ nike runguyeg Somol mrayag ni ngan pagan’uy ngog.

1 Timothy 1:16

machane er fan nike runguyeg Got, ni bochan e nge yag ni dag Kristus Jesus feni gumaen’ u puluwog, i gag e en nth’abi tadenen u fithik’ e pi tadenen, ni nge dag ngak e pi’in ni bayi mich Jesus u wun’rad nga tomureg me yag e yafos ndariy n’umngin nap’an ngorad.

Hosea 2:23

Ma bay gu tay e tirog e girdi’ u daken e nam rorad ngu’ur pired ni kefel’ rogorad. Ma bay gu dag e t’ufeg ko fa pi’ nem ntunguy “Det’uf” ngorad, ma bay gog ngak fa pin’em ntunguy “Gathigidi’eg” ngorad, ni bayi lungug ngorad, “Gimed e girdi’ rog,” ma bay ra fulweged ni lungurad, “I gur e Got romad.”

Hosea 1:6

Me diyen Gomer bayay nge gargel ni bochi pin. Me ga’ar SOMOL ngak Hosea, “Mu tunguy ‘Det’uf’ ngak ya dabku gu dag e t’ufeg rog ngak e girdi’ nu Israel ara gu n’ag fan e kireb rorad.

Isaiah 57:1

Girdi’ nib mat’aw e ra yim’, ma dariy be’ ni manang fan ara i lem nag. Machane yad ra yim’ ma dakuriy ban’en ni ra buch rorad.

2 Korinth 4:1

Got e ke runguydad ke pi’ e re maruwel ney ngodad, aram fan nder mulan’dad.

Roma 11:30

Ma gimed e pi’in gathi gimed piyu Israel e da um folgad rok Got kakrom; machane chiney e ke runguymed Got, ya dakir fol piyu Israel rok.

2 Samuel 17:28

Rabad ni kar feked e chob, nge yu raba’ i pilet, nge th’ib nni ngongliy ko but’. Ma kur feked e ggan i yib ni nge kay David nge salthaw rok, ni wheat, nge barley, nge flour, nge grain ni kan urfiy, nge mame, nge peas, nge honey nib athib, nge chis, nge kurim nge bogi saf. Ya yad manang ni bayi yib e bilig nge belel ngak David nge salthaw rok, ma bay yib e magaer ngorad ni bochan e yan u daken e ted.

Proverbs 11:25

Nge puf pa’am, me aram e ra fel’ rogom. Mu ayweg boch e girdi’ mi ni aywegem.