Matthew 5:24 - Bible Ni Thothup

²⁴ ma ga pag e n’en ni ngam pi’ ngak Got u mit e altar ma ga yan ni kachingiyal’ nem ngam fal’eg thilmew walagem; ma aram e fin mu sul ngam pi’ e n’en ni ngam pi’ ngak Got.

Matthew 5:24 Referans Kwoze

James 5:16

Ere um weliyed ngomed e denen ni kam ngongliyed, me bigimed me pi’ e meybil rok bigimed ngak Got, nge yag ni gol nagmed Got. Meybil rok be’ nib mat’aw e bay angin ni ba ga’.

BABYOR NI JOB 42:8

Ere chiney e ngam feked medlip i garbaw ni pumo’on nge medlip i saf ni pumo’on i yib ngak Job ngan pi’ ni maligach romed. Ma bayi pi’ Job e meybil romed, mu gu fulweg taban e meybil rok, nge dab gu gechig nagmed ni rogon nsusun e nge aw ngomed. Ya da mu weliyed e tin riyul’ ni murung’ageg ni bod ni rin’ Job.”

Proverbs 25:9

Fa’anra gur nge en gimew buguliyoror e der ta’reb lungmew, ma nge mang gimew e mu pithigew u thilmew, ma dab mu pugew murung’agen e tin nib mith ngalang.

1 Timothy 2:8

Gubin yang ni yira mu’ulung ngay ma gub adag ni pumo’on e nge meybil riy, ni pumo’on ni kar pi’ed yad nga pa’ Got mrayag ni ngar puged pa’rad ngalang ngar meybilgad ndarir damumuwgad ara yad be tugthin.

Matthew 23:23

“Kari mu gafgowgad e pi tamchib ko Motochiyel nge gimed e pi Farise! Ya gimed be dake moding niged gimed! Ra ban’en nragag guruy ma gimed be pi’ ta’ab guruy riy ngak Got ni mus ko pin’en nma fal’eg lamen e ggan ni aram e mint, nge dill, nge cummin, ma damur folgad ko tin rib ga’ fan ni be yog e Motochiyel, ni bod e mat’aw nge runguy nge yul’yul’. Bfel’ ni gimed ra pi’ ta’ab guruy u ragag guruy e tin ni bay romed, ma dab mpaged e tin nib mat’aw nge runguy nge yul’yul’.

1 Korinth 11:28

Aram fan nra be’ ma nge fith ir u laniyan’, nge mu’ mfini kay fare flowa me unum e n’en ni bay ko fare kap.

Mark 9:50

“Sol e bfel’. Machane fa’anra chuw e buday riy, ma mang e ga ra rin’ ngay miki sul e buday nga fithik’ bayay? “Thingar um pired ni bay e sol u fithik’med, mu um pired ni bfel’ thilmed.”

Matthew 5:23

Ere fa’anra mman ni ngam pi’ e n’en ni ngampi’ ngak Got u altar me yib ngan’um ni bay ban’en nib togopluw u wan’ walagem ngom,