Matthew 5:22 - Bible Ni Thothup

²² Machane gu be yog ngomed e chiney, ni en nra damumuw ngak be’ ni walagen e yira fek i yan nga p’eowchen e en nma puf oloboch; ma en nra ga’ar ngak walagen, ‘Gur e dariy ban’en ni gab fel’ ngay!’ e yira fek ngalan e sobol ko mu’ulung; ma en nra ga’ar ngak walagen, ‘Dariy fam i gur e re balyang nir!’ e rayag ni nge yan nga fithik’ e nifiy ni dabi math bi’id.

Matthew 5:22 Referans Kwoze

1 John 2:9

En nra ga’ar i ir e bay u fithik’ e re tamilang nem, machane ka be fanenikay walagen ni girdi’en Kristus, e kabay u fithik’ e lumor ke mada’ ko re awa ney.

James 3:6

Ma bolowthey e bod ba nifiy. Ya ba fayleng nib sug ko kireb, ni be par ko gin ntagil’ u dowdad ma be wereg e kireb nga fithik’ i dowdad ni polo’! Me ir e ke tay e nifiy nga urngin i pangidad u roy u fayleng nike urfiy ko nifiy ni yib ngak ko fare nifiy ni dabi math bi’id.

Titus 3:2

Mog ngorad ndab ra t’ared e thin nga daken be’, machane ngar pired ni bfel’ thilrad e girdi’ ma bfel’ owcherad nge thin rorad ngak e girdi’, ma gubin ngiyal’ ni ngar sumunguygad ngak urngin e girdi’.

Matthew 10:28

Dab mu tamdaggad ngak e pi’in yad ra li’ e dowef ngem’ machane dabiyag ni ngar li’ed lanin’uy ngem’; mu tamdaggad ngak Got, ya ir e rayag ni nge kirebnag dowey nge lanin’uy u fithik’ e nifiy.

Matthew 18:35

Me museg Jesus ni ga’ar, “Ireram rogon e n’en nra rin’ e Chitamag nu tharmiy ngomed ni fa’anra dabi bigimed me n’ag fan u wan’ e n’en nib kireb nike rin’ reb i walagen ngak.”

1 Peter 3:9

Dab mu puluw niged e tagan, ara mpuluw niged e thin nib kireb; machane ngam fulweged taban nga ban’en ni bfel’, ya ban’en ni bfel’ e ke yog Got ni nge pi’ ngomed ko ngiyal’ ni fa’ani piningmed.

Roma 12:10

Nge bigimed me t’uf bigimed rok nrogon e walag ni girdi’en Kristus, ma nge pasigan’med ngay ni nge bigimed mi i tay fan bigimed.

1 Peter 2:23

Ma fa’an nog e thin nib kireb ngak ma de tay puluwon ni thin nib kireb; ma fa’an nni gafgownag ma de ga’ar e bayi fulweg taban ngak e pi’in yad be gafgownag, machane me pag fan urngin ban’en ngak Got, ni ir fare Tapufthin nib mat’aw.

Matthew 18:21

Me yib Peter ngak Jesus nge fith ni ga’ar, “Somol, uw urngin yay nrayag ni nge denen walageg nib togopluw ngog ma thingar gu n’ag fan u wun’ug? Medlip yay?”

Psalms 109:3

ma yad be yog e thin ni kireb ni murung’ageg, yad be cham ngog ndariy tapgin.

Psalms 37:8

Dab mu pagem nge magafan’um ara mu damumuw; ya kemus ni oloboch e ra yib riy.

Jude 1:9

Ma mus ngak Maikal ni ir pilungen e engel ma de rin’ e biney e pa’. Fa’an ur lu’agew mo’onyan’ e thin ko arorow ni nge fek e dowef rok Moses, ma de math’ magaran rok Maikal ni nge turguy e gechig rok mo’onyan’ u fithik’ e thin nib kireb, machane me ga’ar ngak. “Ra puwan’ Somol ngom!”

1 John 3:10

Ba’aray e ren’en nib gagiyel nib thil u thilin e pi’in ni pifak Got nge pi’in ni pifak mo’onyan’: en nde rin’ e tin nib mat’aw ara de t’uf rok e en ni walagen ni girdi’en Kristus e gathi ir be’ ni fak Got.

Acts 17:18

Ma boch e tamchib ni yad girdi’en e Epikurean nge Stoik e ku ra welthingad ni yad be guy e en ni ir e ba sorok ko tin ni be yog. Me ga’ar boch i yad, “Cha’ney nde nang ban’en ma ba ufanthin e mang e be guy rogon ni nge yog?” Me ga’ar boch e girdi’, “Gowa be weliy murung’agen yugu boch e got u boch e nam.” Rogned e re bugithin ney ni bochan e be machibnag Paul murung’agen Jesus nge murung’agen e fos ko yam’ nike tay Jesus.

1 Thessalonika 4:6

Dariy be’ nib mo’on ni nge ngongliy e kireb ngak be’ ni walagen ni girdi’en Kristus ara kirebnag mat’wun fa’anem ko re bugithin ney. Ma kugogned e re bugithin ney ngomed kafram, ma ri gamad be ta’chiylen ngomed nri ra gechignag Somol e pi’in yad be rin’ e pi kireb ney.

Mark 14:55

Ma aram me gay e pi tolang ko prist nge urngin e girdi’ u lan fare ulung e mich rorad ni nge togopluw ngak Jesus, ni bochan e nge yag nli’ ngem’, machane de yag nra pir’eged.

Matthew 26:59

Ma aram me gay e pi tolang ko prist nge urngin e girdi’ u lan fare ulung e mich rorad ni nge togopluw ngak Jesus, ni bochan e nge yag nli’ ngem’;

Deuteronomy 15:11

Gubin ngiyal’ ma dabisiy ni bay boch e girdi’ nu Israel nib gafgow ni bay e tin ba t’uf ni nge yag ngorad, ere gu be taychiylen ngomed ni ngu’um golgad ngorad.

John 11:47

Ma aram me yan fapi Farise nge pi tolang ko prist ngar puruy’gad girdi’en e mu’ulung rorad me lungurad, “Mang e ngad rin’ed? Ya ke yo’or e maang’ang nike ngongliy e re mo’on nem!

Revelation 20:14

Mi nin’ e yam’ nge gin nma par e pi’in ni karm’ad riy ngalan fare lipath i nifiy. (Re lipath i nifiy nem e ireram fa bin l’agruw yay e yam’.)

Acts 7:37

I ir fare Moses ni yog ngak piyu Israel ni ga’ar, I Got e bayi pi’ ba profet nge yib ngomed, ni be’ ni bayi sum romed ni bod rogog ni pi’eg nggub ngomed.

Luke 12:5

Nggu dag ngomed e cha’ ni ir e ngam tamdaggad ngak: mu tamdaggad ngak Got nra li’ e dowef nge yim’, ma bay gelngin nge mat’wun nra yin’ fa’anem nga fithik’ e nifiy. Ere gu be yog ngomed, ni ngam tamdaggad ngak!

Matthew 5:44

Machane chiney e nggog ngomed ni nge lungug, Nge t’uf romed e pi to’ogor romed, mpi’ed e meybil rok e pi’in yad be ngongliy e kireb ngomed,

Matthew 5:34

Machane be lungug ngomed e chiney: dab mmicheged ngak be’ u p’eowchen Got e tin ni kamogned ngak fa’anem ni bay mu rin’ed; ma dab mmicheged ban’en nga fithingan e tharmiy, ya tagil’ Got eram;

Matthew 3:17

Me non ba lam u tharmiy ni ga’ar, “Ireray Fakag nib t’uf rog ni kari felan’ug ngak.”

Obadiah 1:10

“Bochan e mororo’ nge thang pogofan ni um tay ngak pibe’ rom ni pi’in owchen Jakob, bay ni thirfem u but’ me m’ay fam ni manemus.

Proverbs 14:16

Girdi’ nib sul lanyan’ ngak e yad ma guy rogon ni ngar pired u orel ko oloboch, ma girdi’ nib manan’ e yad ba wagagey ni yad ma ngongliy ban’en u fithik’ e gur gur.

Genesis 37:4

Ma fa’ani guy pi walagen Josef ni kab gel feni t’uf Josef rok e chitamangirad, miyad fanenikay Josef ni walagrad ndakur nonod ngak nrogon nma non e girdi’ ni bfel’ thilrad.

1 John 5:16

Fa’anra guy be’ walagen ni girdi’en Kristus nike ngongliy reb e denen ni dabi fek fa’anem ko yam’, ma susun e nge meybil ngak Got, ni ir e ra pi’ e yafos ngak fa’anem. Re bugithin ney e bay rogon ngak e pi’in ni kar ngongliyed e denen ni dabi fekrad ko yam’. Machane bay e denen nma fekey ko yam’, ma dagur yog ni ngam meybilgad ngak Got u murung’agen e binem.

James 2:20

Ri gab balyang! Gab adag ni ngan dag ngom ni michan’ ngak Got nde cheag e ngongol ngay e bm’ayfan?

Hebrews 12:25

Ere, mu ayuwgad, ma dab mu dabuyed ni ngam telmed ngak e en ni be non. Ya pi’in ra dabuyed ni ngar motoyilgad ngak e cha’ ni ir e i yog e thin rok Got u roy u fayleng e de yag ni ngar thaygad ko gechig. Ere fa’an gadad ra pi’ keru’dad ngak e cha’ ni ir e be non u tharmiy ngodad, ma ra di’in ma gadad thay ko gechig!

Hebrews 5:9

Ma fa’ani yan i par ni kari fel’ rogon ni bochan e gafgow ni tay, me par ni ir e be thapeg e girdi’ ngak Got ngar pired rok ndariy n’umngin nap’an, ni urngin e pi’in yad be fol rok,

1 Korinth 6:10

ara pi’in yad ma iring ban’en u fithik’ e yargel, ara yad ba chogow, ara yad ma balyang ko rrum, ara yad ma t’ar e thin nga daken boch e girdi’, ara yad ma th’ab e motochiyel — dariy bagayad e mit i girdi’ ney nrayag ngorad e gin nsuwon Got.

1 Korinth 6:6

Machane bayi n’en me yan reb i girdi’en Kristus ni walagey i eg nga tafen e puf oloboch nib togopluw ngak reb i girdi’en Kristus ni walagey, me mang e pi’in nde mich Got u wun’rad e ra pithiged fare pa’ i oloboch!

Acts 5:27

Miyad fek fapi apostel i yib ngalan fare senggil marbad ra sak’iy niged yad nga p’eowchen fare ulung, me fithrad fare Prist ni Th’abi Ga’ ni ga’ar,

John 15:25

Machane thangri aw ni aray rogon, ya nge yib i m’ug nib riyul’ e tin kan yoloy ngalan e Motochiyel rorad ni ga’ar, ‘Kar fanenikayed gag ndariy tapgin.’

John 8:48

Me ga’ar fapi cha’ nu Israel ngak Jesus, “Gathi ba riyul’ ni ku gogned ni gur be’ u Samaria ni keb i ying ba mo’onyan’ ngom?”

John 7:20

Me fulweg fapi girdi’ ni aram urngin ngak ni lungurad, “Ke yib i ying ba mo’onyan’ ngom! Mini’ e be guy rogon ni nge thang e fan rom?”

Mark 15:1

Ma nap’an ni yigi kadbul me mu’ulung nib gur e pi tolang ko prist nge pi’in pi’ilal, nge pi tamchib ko Motochiyel nge urngin girdi’en e mu’ulung ngar puruy’gad. Miyad yin’ e chen ngak Jesus ngar feked i yan ngar pi’ed ngak Pilate.

Matthew 25:41

“Ma bayi ga’ar ko pi’in yad bay u ba’ ni gilay’ rok: ‘Gimed e picha’ ni be’er nike kirebnag Got wa’athmed, mmarod ngam chuwgad rog! Mmarod ko fare nifiy ni dabi math bi’id ni kan ngongliy rogon kan tay ni fan ngak mo’onyan’ nge pi engel rok!

Matthew 23:33

Gimed e porchoyog nge pi’in pifak e porchoyog! Uw rogon ni gimed be finey ni ngam thaygad ko gechig ni bay ntay ngomed u fithik’ e nifiy?

Matthew 23:15

“Kari mu gafgowgad e pi tamchib ko Motochiyel nge gimed e pi Farise! Ya gimed be dake moding niged gimed! Gimed be chur u maday ma gimed be th’ab e pi nam nga baraba’ ni ngam pingeged ta’abe’ nge un ko taliw romed; ma fa’ani yag romed mi gimed ngongliy nge par nike l’agruw yay e mon’og nike tay romed ko yan ni nge tay nga fithik’ e nifiy ni bod gimed!

Matthew 17:5

Ma nap’an ni be non me yib bangi manileng nib galgal ram’en nga dakenrad, me non ba lam u fithik’ fa gi manileng ni ga’ar, “Ireray Fakag nrib t’uf rog, ni kari felan’ug ngak — ere mu telmed ngak!”

Matthew 12:24

Ma fa’ani rung’ag e pi Farise e n’en ni yad be yog miyad fulweg ngorad ni lungurad, “Be tuluf e pi mo’onyan’ rok e girdi’ ni bochan e ke pi’ Beelzebul ni pilung rorad gelngin nrayag ni nge tulufrad.”

Matthew 10:17

Mi gimed ayuw, ya bay e girdi’ ni bay ra koled gimed ngar feked gimed nga tafen e pufthin, ma bay ra toyed gimed u lan e pi tafen e mu’ulung rorad.

Obadiah 1:12

Thangri dab mu girig ngak pibe’ rom nu Judah ko buch wa’athan ni kar ted. Thangri dab mu felfelan’ e rofen nem ni pil nga pa’rad. Thangri dab mu minmin ngorad ko buchbuchan’ ni kar ted.

Daniel 3:19

Mri damumuw Nebukadnezzar me row owchen nike damumuw ngak Shadrak nge Meshak nge Abednego. Me yog ngak e salthaw rok ni ngar gel niged e nifiy u lan fare tafen e nifiy ni medlip yay gelngin e gowel ni nge mun ngay.

Daniel 3:13

Mri damumuw fare pilung me yog ni nga ni fek fa dalip i pumo’on i yib nga p’eowchen.

Lamentations 3:52

“Kug ma’achthal ni bod ba arche’ u pa’ e pi to’ogor ni dariy tapgin ni ngar fananikayed gag.

Jeremiah 17:11

Be’ ni be fek e salpiy u fithik’ e sasalap e bod rogon ba arche ni bilig e tamango ni gathi ir e tay. Ra yan i taw nga falngin e yafos rok me mul e faab rok u pa’, ma tomuren e ir be’ ni dariy rogon kemus ni be’ nib balyang.

Proverbs 18:6

Nap’an nra tababnag be’ nib balyang e tugthin, ma be gay ni ngan pirdi’iy.

Psalms 92:6

Irera’ ban’en ni dabi nang be’ nib balyang; be’ nib minan’ e dabi nangfan:

Psalms 69:4

Pi’in yad be fanenikayeg ndariy tapgin e yad ba pire’ nga piyan lolugeg; pi to’ogor rog e yad be lifith l’ugunrad nib togopluw ngog yad ba gel ma yad ba’adag ni ngar li’edgag nggum’. Kar gel niged yad ngog ni nggu pag ngorad bogi n’en ni gathi gu iring.

Psalms 49:10

Demutrug be’ ma rayag ni nge guy ni mus ko girdi’ nib gonop ma be yim’, ni ta’reb rogon ko girdi’ nib balyang ma ba minan’. Yad gubin ni yad be pag e pin’en ni bay rorad ni pire’ nga pa’ e pi’in owcharad.

Psalms 35:19

Dab mu pag e pi to’ogor rog ni yad bogi sasalap l’ugun, ngar giriggad ni ku gu waer. Dab mu pag e pi’in yad be fananikayeg ni dariy tapgin ngar felan’gad ni ku gu gafgow.

Psalms 25:3

Pi’in yad be toer ngom e dab ra waergad, machane pi’in nib machreg ni yad ma togopluw ngom e yad ma waer.

Psalms 14:1

Pi’in balyang e ma lungurad u lanin’rad, “Dariy e Got!” Yad gubin nrib gel e kireb rorad, ka ra ngongliyed bogi ban’en nrib gel e kireb riy; dariy ta’abe’ ni be rin’ e tin bfel’.

Nehemiah 5:8

me lungug, “Ka aram nap’an i yib ni gadad ma guy rogon ngu’ud chuw’iyed e girdi’ rodad ni Jew nni pi’rad nchu’way nga boch e nam. Ma chiney e gimed be suruy e girdi’ romed ni ngar pi’ed yad ni chuway’ ngomed, ni gimed e ku girdi’ rorad!” Me th’ab fapi tayugang’ gulungrad ni dakuriy ban’en ni kiyag ni ngarogned.

2 Kronicles 16:10

Ran’ey e ri damumuw Asa riy ngak fare profet me yog ni ngan m’ag e chen ngak. Ma irera’ e ngiyal’ ni tabab Asa i gafgownag boch e girdi’.

1 Kings 21:4

Me sul Ahab nga tafen nike kireban’ ma ke damumuw ko fapi thin nike yog Naboth ngak. Me yan i pag ir nga chob rok nge sap ko rungrung, me par nde abich.

2 Samuel 16:7

Me yog Shimei e thin nib kireb ngak David ni ga’ar, “Mman ngam chuw! Mman ngam chuw! I gur e re tathang e pogofan nir! I gur e re kireb nir!

2 Samuel 6:20

Me sul David nga tabinaw rok nge yan i guy girdi’en e tabinaw rok, me yan Mikal ni be’ ni bpin ni fak Saul nga wuru’ e naun ni nge mada’nag David. Me ga’ar, “En ni pilung nu Israel e ke gilnag buguwan e daba’! Ya ke chuweg madan u daken u p’eowchen e pi’in ni ppin ni tapigpig ko pi tolang ni bay nga tan pa’ ke darifannag ir!”

Genesis 37:8

Me fith pi walagen ngak ni lungurad, “Ga be finey ni gur e bay um gagiyeg nagmad? Ga be finey ni bay mang gur e um tay murung’agmad?” Ma aram e ri gel e fanenikan rorad ngak, ni bochan e tin ni weliy ngorad ni murung’agen e lik’ay rok.

Deuteronomy 16:18

“Mmel’eged boch e girdi’ ngar manged pi tapuf oloboch nge boch ni nge mang tolang u gubin e binaw nike pi’ SOMOL ni Got romed ngomed. Pi pumo’on ney e ngu’ur pithiged e yu pa’ i oloboch u puluwon e girdi’ ni rogon nib mat’aw.

2 Kronicles 19:5

Ra reb fapi binaw nu Judah ni kan yororiy nib gel ni fan ko mael me duwgiliy e pi’in ni ngar manged tapuf oloboch riy

Luke 22:66

Ma fa’ani rran, me mu’ulung e pi’in pi’ilal rok piyu Israel nge pi tolang ko prist, nge pi tamchib ko Motochiyel, min fek Jesus i yib ngalan e mu’ulung rorad.

Acts 4:15

Ma aram miyad yog ngorow ni ngranow ngar chuwgow u lan fare senggil ni tafen e mu’ulung, ma aram me tabab fa pi’inem ko puruy’.

Acts 5:21

Me fol e pi apostel riy, ma nap’an ni be puf e woch miyad yan ngalan e Tempel ngar tababgad ko machib. Ma fare Prist ni Th’abi Ga’ nge pi’in yad nga baraba’ e ra ulunguyed urngin e pi’in pi’ilal rok piyu Israel ni ngar mu’ulunggad ngar puruy’gad; miyad pi’ e thin nge yan nga kalbus ni ngan fek fapi apostel i yib nga p’eowcherad.

Acts 6:12

Ireray kanawo’en miyad k’aring e damumuw ngak e girdi’, nge pi’in pi’ilal, nge pi tamchib ko Motochiyel. Miyad yib ngak Stefen ngar koled, miyad fek i yan nga p’eowchen fare ulung.

Acts 6:15

Ma urngin e pi’in kar pired nga but’ u lan fare ulung nra lik’athgad ngak Stefen, miyad guy owchen nike bod rogon owchen ba engel.

Acts 22:30

Ma ri ba’adag fare pilungen e salthaw ni nge pir’eg e n’en ni be yog piyu Israel ni ir e ke bucheg Paul; ma aram me reb e rran riy me yog ngan luf e chen rok Paul me pi’ e thin ni nge mu’ulung e pi tolang ko prist nge urngin girdi’en fare ulung. Ma aram me fek Paul, nge sak’iynag nga p’eowcherad.

Acts 23:1

Me changar Paul ngak girdi’en fare ulung me ga’ar, “Pi walageg! Rogon e ngongol rog u p’eowchen Got ke mada’ ko bin daba’ e rran e dariy ban’en riy ni be magawonnag lanin’ug.”

Acts 24:20

Ara mog ngak e pi cha’ney ngrogned ko mang e n’en nra pir’eged ni ir e kug bucheg ko ngiyal’ ni ba’aram ni gu wan gu sak’iy nga p’eowchen fare ulung rorad —