Matthew 4:7 - Bible Ni Thothup

⁷ Me fulweg Jesus ni ga’ar, “Machane ki yog e babyor nib thothup ni ga’ar, ‘Ri dab mu sikengnag Somol ni Got rom.’ ”

Matthew 4:7 Referans Kwoze

Deuteronomy 6:16

“Dab mu sikeng niged SOMOL ni Got romed ni bod ni mu rin’ed u Massah.

1 Korinth 10:9

Ere thingar dab da sikeng niged rogon e k’adan’ rok Somol ni bod rogon e n’en ni rin’ boch i yad — me li’rad e porchoyog ngarm’ad.

Psalms 78:18

Nri lanin’rad ni ngar sikeng niged Got ko ggan ni yad ba’adag ni yad be ning.

Psalms 78:41

Ur sikeng niged Got u bayay nge bayay, ngu’ur amith niged lanyan’ fare Got nib Thothup rok yu Israel.

Hebrews 3:9

I yog Got ni ga’ar, Ireram e gin’en ni sikengnag pi chitamangimed e gumaen’ rog nge fenag k’adan’ riy, ni yugu aram rogon ni nga aningeg i ragag e duw ni kar guyed e tin kug rin’.

Exodus 17:7

Min tunguy fithingan e gin’em ni Massah nge Meribah, ni bochan e i togopluw piyu Israel, ni aram e kar sikeng niged SOMOL ko fa ngiyal’ nra fithed ni lungurad, “Gur bay SOMOL rodad fa de moy?”

Exodus 17:2

Miyad welthin nib togopluw ngak Moses ni be lungurad, “Mpi’ e ran ngomad nggu unumed.” Me fulweg Moses ni ga’ar, “Mang ni gimed be togopluw ngog? Mang ni gimed be sikengnag SOMOL?”

Acts 5:9

Me ga’ar Peter ngak, “Mangfan ni mdugliyew figirngim ni ngam sikeng nigew fare Kan Nthothup rok Somol? Fapi pumo’on ni kar k’eyged figirngim e kar tawgad nga langan e mab e chiney, ma ku bay ra feked gur nga waen!”

Psalms 106:14

Ra uyngol gad u lan e ted ni desert miyad sikengnag Got;

Psalms 95:9

U rom e ra sikeng niged e gumaen’ rog riy nge fanag k’adan’, ni yugu aram rogon ni kar guyed e tin gu rin’ ni fan ngorad.

Malaki 3:15

Ya gadad be guy ni pi’in yad ba tolngan’ e yad ba felfelan’. Ma pi’in yad be ngongliy e kireb e gathi kemus ni be yo’or ban’en rorad, machane ku yad be sikengnag e gumaen’ rok Got ko kireb ni yad be ngongliy ma der buch ban’en rorad.’”

Psalms 78:56

Machane kur pired ni yad be togopluw ngak Got ni Gubin ma Rayag Rok ma yad be sikengnag. Tin ni i yog e darir folgad riy,

Numbers 14:22

e aram feni riyul’ ndariy bagayad e pi girdi’ ney nra par nib fos nge yan ngalan e re nam nem. Kar guyed rama’eg nib mluplup’ ni be gal ni aram gag ni gu bay, nge pi maang’ang ni kug ngongliy u Egypt ngu daken e ted, machane yugu yad be togopluw ngog ma daburad ni ngar folgad rog.

Matthew 4:4

Me fulweg Jesus ni ga’ar, “Fare babyor nib thothup e be ga’ar, ‘Girdi’ e gathi go’o flowa era ikay me par nib fos, ya urngin bug e thin ni yib u langan Got e ra taye girdi’ nib fos ni dabi yim’.’ ”

Isaiah 8:20

Thingar mu fulweged ngorad ni nge lungumed, “Mu telmed ko machib rok SOMOL ngomed! Dab mu telmed ko thin ni be yog e pi sothiw — ya n’en ni yad ra weliy ngomed e dabi tay e gafgow u orel.”

Matthew 4:10

Me fulweg Jesus ngak ni ga’ar, “Satan, mman ngam chuw! Ya babyor nib thothup e be ga’ar, Mu tay fan Somol ni Got rom ma yigo ir e ngam pigpig ngak!”

Matthew 21:42

Me ga’ar Jesus ngorad, “Dawor mpoyed e n’en nike yog e babyor nib thothup? Ya ke ga’ar, ‘Fare malang ni dabun e pi’in yad ma toy e naun ya ra fineyed ndariyfan e yan i aw ni aram e re malang ni ir e ba th’abi ga’ fan. Ren’ey e Somol e yodoromnag, rib manigil e n’en ke rin’ Somol!’

Matthew 21:16

Ma aram me lungurad ngak Jesus, “Ga be rung’ag e n’en ni yad be yog fa danga’?” Me fulweg Jesus ni ga’ar, “Gu be rung’ag. Dawor mpoyed fa gin’em u lan e babyor nib thothup? Ya be ga’ar, ‘Kam fil ngak e bitir nge bitir ni kabran ni ngar pininged e sorok ni bfel’ rogon.’ ”

Luke 4:12

Me fulweg Jesus ngak ni ga’ar, “Fare babyor nib thothup e be ga’ar, ‘Ri dab mu sikengnag Somol ni Got rom.’ ”

Acts 15:10

Ere mang ni gimed be finey ni ngam sikeng niged e gumaen’ rok Got e chiney ni fan e kam fineyed ni ngam ted ban’en nib tomal nga daken keru’ e pi’in ke mich Jesus Kristus u wun’rad, ni ban’en ni mus ngak e pi chitamangidad nge gadad ma de taw rodad.