Matthew 4:24 - Bible Ni Thothup

²⁴ Me wear murung’agen u daken e nam nu Syria ni ga’ngin, ma aram mi i fek e girdi’ i yib ngak urngin e pi’in bay e liliy rorad ni gubin mit, nge pi’in kar gafgowgad u urngin mit e gafgow; ni girdi’ nike ying e mo’onyan’ ngorad, nge girdi’ ni bay e m’ar rorad ni epilepsy, nge pi’in ndariy gelngin bang u dowrad, ma yigo’ gol nagrad Jesus ko liliy ni yad gubin.

Matthew 4:24 Referans Kwoze

Matthew 17:15

me ga’ar ngak, “Somol, mu runguy fakag! Ya ma yib e m’ar ni epilepsy ngak nib gel nra yib ngak me thay nga mit e nifiy fa nga fithik’ e ran.

Matthew 8:6

“Tapigpig rog e bm’ar ni bay u bet u tabinaw rog ndabkiyag ni nge mithmith ma kari gafgow.”

Luke 5:15

Machane fini aram e wear murung’agen Jesus i yan, mi i yib e girdi’ ni pire’ ni pire’ ngak ngar motoyilgad ngak me gol nagrad ko liliy rorad.

Luke 2:2

Som’on ko re matha’eg girdi’ ney, e aram Kirinius e am nu Syria.

Matthew 17:18

Me non Jesus ngak fare mo’onyan’ ni nge chuw ko fachi pagel nike ying ngak, ma aram me yan nge chuw u fithik’ i downgin, ma ka chingiyal’ nem me gol fachi pagel.

Matthew 15:22

Me yib be’ ni bpin u Kanaan ngak nma par ko gi nug nem. Me pining ni ga’ar, “Fak David, mu runguyeg! Bochi pin ni fakag e ke ying ba mo’onyan’ ngak, ni kari ubchiya’.”

Matthew 12:22

Me fek boch e girdi’ be’ nib mo’on i yib ngak Jesus ni be’ nib malmit ma dabiyag ni non, ya ke ying ba mo’onyan’ ngak. Me golnag Jesus fa’anem, nge yag ni non me guy ban’en.

Acts 10:38

Gimed manang murung’agen Jesus nu Nazareth, ngarogon ni pi’ Got fare Kan Nthothup nge gelngin ngak. Me yan nga gubin yang, ni be rin’ e tin ni bfel’ ma be golnag urngin e pi’in yad bay u tan gelngin e mo’onyan’, ni bochan e bay Got rok.

Acts 15:23

Miyad pi’ e babyor ngorad ngar feked ni ba’aray e thin riy. “Gamad e pi apostel nge pi’in pi’ilal, ni er walagmed, e be lungumad e nge felan’ Got ngak urngin pi walagmad ni pi’in nni gargelegrad ma gathi yad piyu Israel, ni yad be par u lan yu Antiok ngu Syria, ngu Cilicia.

Mark 2:3

me fek aningeg e girdi’ be’ nib mo’on nib mugutgut i yib ngak.

Mark 1:32

Ma nap’an nike aw e lumor me fek e girdi’ urngin e pi’in yad mm’ar nge pi’in ke ying e mo’onyan’ ngorad i yib ngak Jesus:

Matthew 4:23

Me yan Jesus nga gubin yang u Galile, ni be machibnag u lan tafen e mu’ulung rorad e Thin Ni Bfel’ ni murung’agen e gagiyeg rok Got, ma be golnag e girdi’ u urngin mit e liliy nge m’ar.

Exodus 15:26

Me ga’ar, “Fa’an ri gimed ra fol ko thin rog, I gag SOMOL ni Got romed, mi gimed rin’ e tin nib m’agan’ug ngay ni aram e tin nib mat’aw, mi gimed tiyan’med ko tin kugog ni ngam rin’ed, mi gimed tay nga tagil’ urngin e tin kugog ni ngam folgad riy, ma dab gu gechig nagmed nga reb fapi liliy ni gu pag nga daken piyu Egypt. I Gag fare SOMOL, ni gag e ggol nagmed.”

Acts 15:41

Miyow yan u lan yu Syria ngu Cilicia, ni be pi’ Paul e athamgil nga laniyan’ girdi’en e pi galesiya ni bay riy.

Luke 4:14

Me ere sul Jesus nga Galile, ni bay gelngin fare Kan Nthothup rok. Me wear murung’agen u daken e gi nug nem.

Mark 1:28

Ma aram me wear murung’agen Jesus nib machreg nga gubin yang u daken e nug nu Galile.

Matthew 14:1

Ireram e ngiyal’ ni rung’ag Herod ni pilung nu Galile murung’agen Jesus.

1 Kronicles 14:17

Me garer bugwan David u gubin yang nib sorok, me pingeg SOMOL gubin e nam ngar rusgad ngak.

1 Kings 10:1

Fare queen nu Sheba e rung’ag feni gilbuguwan Solomon, me milekag nga Jerusalem ni nge fith yu bugithin ngak Solomon nib mo’maw’ e fulweg riy nge nang ko riyul’ e tin ke rung’ag fa danga’.

1 Kings 4:31

I ir e th’abi gonop u fithik’ gubin e girdi’: ba gonop ngak Ethan ni be’ nu Ezrah, nge Heman, Kalkol, nge Darda, ni bogi pumo’on ni pifak Mahol, i garer bugwan u lan urngin e nam nib liyeg.

Joshua 6:27

Ere SOMOL e i par rok Joshua, me gilbuguwan u daken e re nam nem ni ga’ngin.

John 10:21

Ma boch i yad e yad be ga’ar, “Be’ nib mo’on nike yib i ying ba mo’onyan’ ngak e dabiyag ni nge welthin ni aray rogon! Ra di’in me yag rok ba mo’onyan’ ni nge chuweg e malmit rok e girdi’?”

Matthew 9:35

Ma aram me yan Jesus ko pi binaw i yan, ni binaw ni pire’ e girdi’ riy nge binaw nib lich e girdi’ riy, ni i machib nagrad u lan tafen e mu’ulung rorad, ni be machibnag e Thin Ni Bfel’ ni murung’agen e gagiyeg rok Got, me golnag e girdi’ u urngin mit e liliy nge m’ar.

Matthew 9:26

Ma aram me wear thin e ren’ey u gubin yang u daken e gi nug nem.

Matthew 8:28

Me yib Jesus ko nug nu Gadara, ni bay u ba’nem fare lipath, me yib l’agruw i mo’on ngak nra bow u fithik’ bogi yiy ni yima chibgiliy e yam’ riy. Gali cha’nem e ke ying e mo’onyan’ ngorow, ma ri yow ba damumuw nrayag ni ngar kalgow ngak be’, ni aram fan ndariy be’ nrayag rok ni nge yan u daken e re pa’ i kanawo’ nem.

2 Samuel 8:6

Ma aram me n’uf e pi tent ko salthaw u lan taferad, mar pired u tan pa’ ngu’ur pi’ed e tax ngak. Me tay SOMOL i David ngi i gel u gubin yang.

1 Kronicles 29:2

Karimus rogog i t’ar madlin urngin ban’en ni fan ko fare Tempel — gol, silber, bronze, wasey, ren, nge malang nib tolang pulwon nge tin kan th’ab ni nge mang nunuw, nge tin ngan fal’eg ya’an ban’en riy, nge malang ni marble ni yo’or.

Matthew 8:33

Me ere mil fa picha’ ni ur gafaliyed fapi babiy ngranod ngalan binaw, miyad weliy urngin e tin kar guyed nge n’en ke rin’ fa gali mo’on ni ying e mo’onyan’ ngorow.

Mark 2:4

Ma de yag nra chugurgad ngak Jesus ni bochan e girdi’ ni bo’or nike sug u to’oben. Miyad chabliy e chigiy u puluwon Jesus ngalang. Ma nap’an ni m’ay i chabliy rorad, miyad nguchuruy fare wormel nga but’, nike mol fare mugutgut nga daken.

Mark 2:9

Gur mmom ni nge lunguy ko re mugutgut ney, ke m’ayfan e denen rom, fa nge lunguy ngak, mu sak’iy ngam fek e wormel rom ngam man?

Luke 4:38

Me chuw Jesus u tafen e mu’ulung nge yan nga tafen Simon. Ma bay e chitiningin e en nleengin Simon nib m’ar nrib gel e gowel u daken, miyad yog murung’agen ngak Jesus.

Luke 5:24

Ere nggu dag ngomed ni en ni Fak e Girdi’ e bay mat’wun u fayleng ni nge n’ag fan e denen.” Ma aram me ga’ar ngak fa’anem nib mugutgut, “Be lungug ngom, mu sak’iy ngam fek e wormel rom ngam man nga tafnam!”

Acts 8:7

Pi kan nib kireb ni kar yinggad ngak bo’or e girdi’ e ra tolulgad ngar chuwgad u fithik’ fa pi’inem; ma bo’or e girdi’ ni dariy gelngin yu yang u dowrad nge pi’in nib mugutgut ni ki gol nagrad.

Luke 7:17

Me wear e re bugithin ney ni murung’agen Jesus u urngin yang u Judea nge yungi n’en nib liyeg yu Judea.

Acts 28:9

Fa’ani yodorom, ma urngin e tin nib m’ar e girdi’ u daken fare donguch nrabad ngak me gol nagrad.