Matthew 4:17 - Bible Ni Thothup

¹⁷ Aram e re ngiyal’ ni tabab Jesus ko machib ni be ga’ar, “Mpi’ed keru’med ko denen ni gimed be rin’! Ya gagiyeg nu tharmiy e ke chugur!”

Matthew 4:17 Referans Kwoze

Matthew 3:2

ni be ga’ar, “Mpi’ed keru’med ko denen ni gimed be rin’, ya gagiyeg nu tharmiy e ke chugur!”

Acts 2:38

Me ga’ar Peter ngorad, “Nge bigimed me pi’ keru’ ko denen ni be rin’, min tawfenag nga fithingan Jesus Kristus, ma aram me n’ag Got fan e denen romed; me yag e tow’ath rok Got ngomed, ni aram fare Kan Nthothup.

Luke 5:32

Gathi ku gub ni nggu pining e pi’in yad ba yal’uw ni ngar kalgad ngan’rad ngar pi’ed keru’rad ko kireb ni yad be rin’, ya ku gub ni nggu pining e pi’in ndabun e girdi’ nu lan binaw dakenrad.”

Luke 24:47

mu fithingan e ngan machibnag riy e thin rok Got ni murung’agen ni ngan kolngan’uy nga ni pi’ keruuy ko denen, me n’ag Got fan, ni thingar ni machibnag ngak urngin e pi nam, ni ngan tabab ngay u lan yu Jerusalem.

Acts 17:30

I Got e ke n’ag fan u wan’ e yu ngiyal’ ni ba’aram nde nang e girdi’ murung’agen riy, machane chiney e be yog ngak e girdi’ u gubin yang ni ngar pi’ed keru’rad ko kireb ni yad be rin’.

Matthew 9:13

Marod ngam guyed fan e re bugithin ni ba’aray u lan e babyor nib thothup ni ga’ar, ‘Dabug ni ngan pi’ e gamanman ni maligach ngog, ya t’ufeg e gub adag. Ya gathi ku gub ni nggu pining e pi’in yad ba yal’uw, ya ku gub ni nggu pining e pi’in ba thiyar ndabun e girdi’ nu lan binaw dakenrad.”

Acts 26:20

Som’on e lan yu Damaskus ngu lan yu Jerusalem, ngu lan e nug nu Judea ni polo’ ngu fithik’ e pi’in gathi yad piyu Israel, e gu machibnag riy nthingar ra kalgad ngan’rad ngar pi’ed keru’rad ko denen ni yad be rin’ ngar pigichealgad ngak Got, ngar ngongliyed e pin’en ni ir e ra m’ug riy ni kar pi’ed keru’rad ko denen ni yad be rin’.

Luke 15:7

Ere nggog ngomed ni ku ireray rogon ni ba ga’ e felfelan’ ni yira tay u tharmiy ni bochan ta’reb e tadenen nike pi’ keru’ ko kireb ni be ngongliy, ko felfelan’ ni yira tay ni bochan mereb i ragag nge mereb e girdi’ ni yad ba yal’uw ni dariy rogon ni ngar pi’ed keru’rad ko denen.”

Acts 3:19

Ere mu kolgad ngan’med mi gimed pi’ keru’med ko denen mi gimed cheal ngak Got, nge yag ni chuweg e denen romed. Fa’anra mu rin’ed ni aray rogon,

Luke 15:10

Ere nggog ngomed ni ku ireray rogon e pi engel rok Got ni yad ra felfelan’, ni bochan ta’reb e tadenen ni pi’ keru’ ko kireb ni be ngongliy.”

Acts 20:21

Ma ri ta’reb rogon piyu Israel nge pi’in gathi yad piyu Israel nri gu ta’chiylen ngorad ni ngar pi’ed keru’rad ko denen ni yad be ngongliy ngar sapgad ngak Got, me mich e Somol rodad ni Jesus u wun’rad.

Hebrews 6:1

Ngad paged nga tomur urngin e tin ni ka’ad weliyed ni murung’agen Kristus ngad tiyan’dad ko tin ni kabay riy ni ngan fil ngad mu’niged, me siy kud sulod bayay ko tin ni ka’ad filed, ni aram e murung’agen ni ngan pi’ keruuy ko tin ndariyfan e ngongol nge mang Got e mich u wun’uy;

Acts 11:18

Fa’an rrung’aged e re bugithin ney, miyad tal ndakur thibthib niged Peter miyad pining e magaer nge sorok ngak Got ni be lungurad, “Ere ku errogon nike bing Got e wo’ ngak e pi’in gathi yad piyu Israel ni ngar kolgad ngan’rad ngar pi’ed keru’rad ko denen miyad fos!”

Matthew 25:1

“Chirofen nem e gagiyeg rok Got ni yib u tharmiy e ra bod ragag i rugod nra feked e magal ni gapgep ngranod ni ngar mada’ niged be’ nib mo’on ni ir e nge mabgol.

Matthew 13:47

“Ma ku errogon ni gagiyeg nu tharmiy e bod ba nug nni yan ni pag u lan e lipath, ni urngin mit e nig mra aw ngay.

Matthew 10:7

Marod ngam machibgad ni nge lungumed, ‘Gagiyeg rok Got e ke chugur!’

Luke 9:2

Ma aram me l’oegrad ngranod ni ngar machib niged ngak e girdi’ u murung’agen e gagiyeg rok Got, miyad golnag e pi’in nib m’ar.

Matthew 11:12

Ka ngiyal’ ni machibnag John e thin rok Got ngeb i mada’ ko bin daba’ e rran ma gagiyeg nu tharmiy e ba gel e pi togopluw ni be yib i gafgownag, ma girdi’ nib tamod yargel e yad be guy rogon ni ngar koled.

Matthew 13:24

Miki yog Jesus reb e fanathin ngorad ni ga’ar: “Gagiyeg nu tharmiy e bod be’ nib mo’on ni wereg awochngin e woldug ni bfel’ u milay’ rok.

Matthew 13:9

Me ga’ar Jesus, “Mu telmed ni fa’anra bay telmed!”

Matthew 13:11

Me fulweg Jesus ngorad ni ga’ar, “Gimed e kan weliy ngomed kam nanged fan e tin nda nnang ni murung’agen e gagiyeg nu tharmiy, machane yad e dawor.

Matthew 6:10

ma ga par ni gur e ga be gagiyeg nagmad, min rin’ e tin nib m’agan’um ngay u roy u but’ ni bod ni yibe rin’ u tharmiy.

Luke 3:23

Gonap’an e guyey e duw yangren Jesus me tabab ko maruwel rok; mi Josef e chitamngin, ni girdi’ e leamnag ni aram rogon, mi Heli e chitamngin Josef,