Matthew 28:5 - Bible Ni Thothup

⁵ Me ga’ar fare engel ngak fa gali ppin, “Dab mu tamdaggow, gu manang ni kam bow ni ngam guyew Jesus, ni fa’anem nrichibiy ko kuruth.

Matthew 28:5 Referans Kwoze

Hebrews 1:14

Ma pi engel e yad e mang? Yad e pi kan ni yad ma pigpig ngak Got nma l’oegrad ngar ayuweged e pi’in ni ngar thapgad ngak Got.

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Luke 24:5

Me yib e tamdag nib gel ngak fapi ppin, miyad yip’ owcherad nga but’, me ga’ar fa gali pumo’on ngorad, “Mangfan ni gimed be gay be’ nib fos u fithik’ e pi’in karm’ad?

Luke 1:30

Me ga’ar fare engel ngak, “Maria, dab mu tamdag, ya Got e kari tow’ath nigem.

Mark 16:6

Me ga’ar ngorad, “Dab mu tamdaggad. Kambad ni ngam guyed Jesus nu Nazareth, ni fa’anem nrichibiy ko kuruth. Machane daki moy u roy; ya ke fos ko yam’! A mu guyed, ba’aray e gin nra ted ngay.

Matthew 28:10

Me ga’ar Jesus ngorow, “Dab mu tamdaggow, marow nga mognew ngak pi walageg ngranod nga Galile, ya bay ra guyed gag u rom.”

Matthew 14:27

Ma ka chingiyal’ nem me non Jesus ngorad ni ga’ar, “Nge pagan’med, ya gag. Dab kum tamdaggad!”

Daniel 10:19

Me ga’ar ngog, “Gab t’uf rok Got, ere dabi magafan’um ara mu tamdag. Mu par ndab mu rus.” Ma fa’ani yog e re bugithin ney nge mu’, mu gu thamiy rog nike yib gelngig me lungug ngak, “Siro’, mu weliy ngog e tin ngamog ngog. Ya kam ayuwegneg ke yib gelngig.”

Daniel 10:12

Me ga’ar ngog, “Daniel, dab mu rus. Ya Got e ke rung’ag e meybil rom ko fa rofen ni som’on ni mu duwgiliy u wun’um ni ngam sobut’nag lanin’um nge yag ni tamilangan’um. I gag e kagub ni taban e meybil rom.

Isaiah 41:14

Be ga’ar SOMOL, “Israel, ri gab achig ma gab me’waer, machane dab mu rus; ya bay gu ayuwegnem. I Gag fare Got nu Israel ni gu ba thothup e bay gu ayuwegnem u pa’ e to’ogor rom.

Isaiah 35:4

Nganog ko pi’in ke mulan’rad ni ngan ga’ar, “Mu pired ni gimed ba gel ma dab mu rusgad! Got e bayib i ayuwegmed, me gechignag e pi to’ogor romed.”

Matthew 28:4

Me yib e tamdag nib gel ngak fapi cha’ ni yad be matnag ngu’ur t’on gad mranod ra pired ni bod rogon e girdi’ ni kem’.

Acts 2:24

Machane me faseg Got ko yam’ nge chuweg u fithik’ gelngin e yam’, ya dariy e n’en nra rin’ me yag rok e yam’ ni nge kalbusnag.