Matthew 25:3 - Bible Ni Thothup

³ Fa pi’in nib balyang u fithik’rad e ra feked e magal rorad, machane dar feked boch e gapgep ni talapen ni kem’ay e gapgep u magal rorad,

Matthew 25:3 Referans Kwoze

2 Timothy 3:5

ma bay ur dake yad be liyor ngak Got, machane bay ra pi’ed keru’rad nga gelngin. Mu tem u orel rok e pi girdi’ nem.

Isaiah 58:2

Yad be meybil ngog ni gubin e rran, ma yad be yog ni yad be fol ko pi motochiyel rog ma yad be rin’ e tin nib mat’aw. Kar weniggad ngog ni nggu fal’eg wa’athrad mu gu pi’ e motochiyel nib yal’uw ngorad.”

Revelation 3:1

“Mu yol ngak fa engel ko galesiya nu Sardis ni nge lungum: “Ba’aray e thin nike pi’ fa’anem ni bay fa medlip i kan ku Got rok nge fa medlip i t’uf. Gu manang e n’en ni ga be rin’; gu manang ni be yog e girdi’ ni gab fos, machane ga be par ni gab yam’!

Hebrews 12:15

Mu ayuwgad nge dabi pi’ bigimed keru’ ko runguy rok Got ngodad. Mu ayuwgad nge dabi bod bigimed ba ke pan nib mo’oy ni ilal nge gafgownag bo’or e girdi’ ko yub rok.

Ezekiel 33:3

Nap’an nra guy e to’ogor ni be yib, me thoy e yabul ya nge ginaeng urngin e girdi’ nike yib e to’ogor.

Matthew 25:1

“Chirofen nem e gagiyeg rok Got ni yib u tharmiy e ra bod ragag i rugod nra feked e magal ni gapgep ngranod ni ngar mada’ niged be’ nib mo’on ni ir e nge mabgol.

Matthew 25:2

Lal i yad e bbalyang, ma lal i yad e ba gonop.

Matthew 25:4

ma fa pi’in yad ba gonop e ra feked bogi ban’en ni kan suguy e gapgep ngay ngar chagiyed ko magal rorad.

Proverbs 31:18

Ma manang feni ga’fan e pin’en ni be ngongliy, mma maruwel nge n’uw e nep’.