Matthew 23:8 - Bible Ni Thothup

⁸ Thangri dab ni pining e ‘Tamchib’ ngomed, ya gimed gubin nra bigimed ma walagen bigimed, ma ta’reb e Tamchib romed ni bay.

Matthew 23:8 Referans Kwoze

James 3:1

Pi walageg ni girdi’en Kristus! Dabi yo’or i gimed e ngi i machib, ya gimed manang ni gadad e pi tamchib e ba gel e pufthin ni yira tay ngorad ko pufthin ni yira tay ngak e yug girdi’.

1 Peter 5:3

Dab mu guyed rogon ni ngam suweyed e pi’in kan pi’rad ngomed ni ngam gafaliyed yad, machane ngam pired ni bfel’ pangimed ya ngu’ur folwokgad romed.

Luke 22:32

Machane kug yibilayem ngak Got, i gur Simon, ni rogon nib michan’um ngak Got e dabi mul. Ma fa’an ga ra sul ngog, ma thingar mpi’ e gel nga laniyan’ pi walagem.”

Matthew 23:10

Ara ni pining e ‘Tayog e thin’ ngomed, ya ta’abe’ e bay ni ir e be yog e thin romed, ni aram fare Messiah.

Matthew 17:5

Ma nap’an ni be non me yib bangi manileng nib galgal ram’en nga dakenrad, me non ba lam u fithik’ fa gi manileng ni ga’ar, “Ireray Fakag nrib t’uf rog, ni kari felan’ug ngak — ere mu telmed ngak!”

Revelation 1:9

I gag John ni walagmed, ni kad ta’ab girdi’gad Jesus ni gu be un ngomed ko gafgow nge k’adan’ ni bochan, ma gadad bmuun ko gagiyeg rok Jesus. Kan tiyeg nga daken bochi nam ni Patmos fithingan ni bochan e ug weliy e thin rok Got nge tin riyul’ ni weliy Jesus ngan nang.

Revelation 22:9

Machane me ga’ar ngog, “Dab mu rin’! Ya gadow l’agruw ma tapigpig, ma ta’reb rogog ngak pi walagem ni aram fapi profet, nge urngin e pi’in yad be fol ko thin ni bay u lan e re ke babyor ney! Ere mu siro’ ma ga meybil ngak Got!”

Revelation 19:10

Mu gu paraw nga but’ u to’oben rifrifen ay nggu siro’ ngak, machane me ga’ar ngog, “Dab mu rin’ ni errogon! Ya gag reb e tapigpig ni bod gur nge pi walagem, ni urngin fa pi’in yad be fol ko fapi thin nib riyul’ ni fa’ani yib i yog Jesus ngan nang. Ere mu tayfan Got ma ga meybil ngak!” Ya tin nib riyul’ ni yib i yog Jesus ngan nang e ireram fapi thin ni yib i yog e Kan Nthothup rok Got u l’ugun e pi profet.

Efesus 3:15

ni bin riyul’ i fithingan urngin e tabinaw nu tharmiy ngu but’ e ir e yib rok.

2 Korinth 4:5

Gathi murung’agmad e ir e gamad be machibnag ngak e girdi’, ya gamad be machibnag ni Jesus Kristus e ir e Somol, ma gamad e tapigpig romed ni bochan Jesus.

2 Korinth 1:24

Gathi gamad be guy rogon ni nggogned ngomed e n’en ni ir e thangri mich u wun’med, ya ke muduwgil u wun’med e n’en nike michan’med ngay. Machane gamad be ayuwegmed ni fan ko felfelan’ romed.

Matthew 26:49

Ma nap’an ni taw Judas me yan ngak Jesus me ga’ar, “Tamchib, nge yib e gapas ngom,” me faray owchen.

Matthew 10:25

Ere en ni yibe sukulnag e susun e nge fel’ u wan’ ni nge bod e en ni ir e be fil ban’en ngak, ma en nsib e nge fel’ u wan’ ni nge bod e en ni ir e masta rok. Fa’anra kan pining Beelzebul ngak e en ni ir e lolugen e tabinaw, ma urngin e girdi’ ko fare tabinaw ni bay ni pining boch e ngachal ngorad ni kab kireb ko biney!

Matthew 23:7

yad ba’adag ni ngan siro’ ngorad min tay farad ko yangi n’en ni bay e market riy me pining e girdi’ e ‘Tamchib’ ngorad.

Matthew 26:25

Me fith Judas ni ir e yagnag Jesus ni ga’ar, “Tamchib, gathi gag e ga be yogneg fa?” Me fulweg Jesus ni ga’ar, “I gur e kamog.”

Mark 9:5

Ma aram me ga’ar Peter ngak Jesus, “Tamchib, rib manigil ni kadbad ngaray. Nggu toyed dalip i tent, nreb e ngam par ngay, ma reb e nge par Moses ngay, ma reb e nge par Elijah ngay.”

Mark 10:51

Me ga’ar Jesus ngak, “Mang e ga ba’adag ni nggu rin’ ngom?” Me ga’ar fare malmit ngak Jesus, “Tamchib, gu ba’adag ni nge yag ni gguy ban’en bayay.”

Mark 11:21

Me yib ngan’ Peter e n’en ni yog Jesus me ga’ar ngak, “Tamchib, a mu guy, fare ke gek’iy ni mkirebnag wa’athan e ke l’ud!”

Mark 14:45

Ma nap’an ni yigi taw Judas me yan ngak Jesus me ga’ar, “Tamchib!” Me faray Judas owchen.

John 1:38

Me changar Jesus nga keru’, me guyrow ni yow be lek, me fithrow ni ga’ar, “Kam di’iygow?” Miyow fulweg ngak ni lungrow, “Rabbi, u uw e ga be par riy?” (Fan e re bugithin ney ni kan abweg e “Tamchib.”)

John 1:49

Me fulweg Nathanael ni ga’ar, “Tamchib, i gur fa’anem ni Fak Got gur! I gur fare Pilung nu Israel!”

John 3:2

Me reb e neap’ me yib ngak Jesus me ga’ar ngak, “Tamchib, gamad manang ni gur ba tamchib nike l’ugem Got ka mub. Ya dariy be’ nrayag ni nge ngongliy fapi maang’ang ni ga be ngongliy ni fa’an gomanga de moy Got rok.”

John 3:26

Ma aram miyad yan ngak John ngrogned ngak ni lungurad, “Tamchib, ka ga manang fare mo’on ni fa’ani mmada’gow u ba’nem e lul’ ni Jordan, ni fa’anem ni mweliy murung’agen? Chiney e aram e be tawfe, ma gubin e girdi’ ni be yan ngak!”

John 4:31

Ma ngiyal’nem e be wenig pi gachalpen Jesus ngak Jesus ni be lungurad, “Tamchib, mu koy ban’en!”

John 6:25

Ma fa’ani pir’eg e girdi’ Jesus u ba’nem fare lipath me lungurad ngak, “Tamchib, mingiyal’ e mub ngaray?”

John 9:2

Me fith pi gachalpen ngak ni lungurad, “Tamchib, cha’nem nni gargeleg ma bmalmit e mini’ e puluwon e denen rok e yodoromnag? Denen rok ara denen ko gallibthir rok?”

John 11:8

Me fulweg pi gachalpen ni lungurad, “Tamchib, dawori n’uw nap’an ni finey fa picha’ nu Israel ni ngar malang niged gur; me ere kam finey ni ngam sul ngaram?”

John 20:16

Me ga’ar Jesus, “Maria!” Me changar ngak Jesus me yog nthin ni Hebrew ni ga’ar, “Rabboni!” (Fan e re bugithin ney e “Tamchib.”)

Filemon 1:16

Ya chiney e gathi kemus ni ir reb e sib, ya kabfel’ ngak be’ nib sib, ya kemang reb i walagdow nib t’uf rodow u daken Kristus. Rib t’uf rog! Me gur e ri kab gel fene bayi t’uf rom, ni be’ nib sib ma be’ ni walagem u daken Somol!