Matthew 23:7 - Bible Ni Thothup

⁷ yad ba’adag ni ngan siro’ ngorad min tay farad ko yangi n’en ni bay e market riy me pining e girdi’ e ‘Tamchib’ ngorad.

Matthew 23:7 Referans Kwoze

John 1:38

Me changar Jesus nga keru’, me guyrow ni yow be lek, me fithrow ni ga’ar, “Kam di’iygow?” Miyow fulweg ngak ni lungrow, “Rabbi, u uw e ga be par riy?” (Fan e re bugithin ney ni kan abweg e “Tamchib.”)

John 1:49

Me fulweg Nathanael ni ga’ar, “Tamchib, i gur fa’anem ni Fak Got gur! I gur fare Pilung nu Israel!”

John 20:16

Me ga’ar Jesus, “Maria!” Me changar ngak Jesus me yog nthin ni Hebrew ni ga’ar, “Rabboni!” (Fan e re bugithin ney e “Tamchib.”)

John 6:25

Ma fa’ani pir’eg e girdi’ Jesus u ba’nem fare lipath me lungurad ngak, “Tamchib, mingiyal’ e mub ngaray?”

John 3:26

Ma aram miyad yan ngak John ngrogned ngak ni lungurad, “Tamchib, ka ga manang fare mo’on ni fa’ani mmada’gow u ba’nem e lul’ ni Jordan, ni fa’anem ni mweliy murung’agen? Chiney e aram e be tawfe, ma gubin e girdi’ ni be yan ngak!”

John 3:2

Me reb e neap’ me yib ngak Jesus me ga’ar ngak, “Tamchib, gamad manang ni gur ba tamchib nike l’ugem Got ka mub. Ya dariy be’ nrayag ni nge ngongliy fapi maang’ang ni ga be ngongliy ni fa’an gomanga de moy Got rok.”

Mark 10:51

Me ga’ar Jesus ngak, “Mang e ga ba’adag ni nggu rin’ ngom?” Me ga’ar fare malmit ngak Jesus, “Tamchib, gu ba’adag ni nge yag ni gguy ban’en bayay.”

Mark 9:5

Ma aram me ga’ar Peter ngak Jesus, “Tamchib, rib manigil ni kadbad ngaray. Nggu toyed dalip i tent, nreb e ngam par ngay, ma reb e nge par Moses ngay, ma reb e nge par Elijah ngay.”

Matthew 23:8

Thangri dab ni pining e ‘Tamchib’ ngomed, ya gimed gubin nra bigimed ma walagen bigimed, ma ta’reb e Tamchib romed ni bay.

Matthew 11:16

“Ere susun e mang e ra gu ta’reb rogonnag e girdi’ ko bin daba’ e rran ngay? Yad bod e bitir ni kar pired nga but’ ko gin ni bay e market riy, ni be tolul ba ulung i yad ngak ba ulung i yad ni be lungurad,

Matthew 26:25

Me fith Judas ni ir e yagnag Jesus ni ga’ar, “Tamchib, gathi gag e ga be yogneg fa?” Me fulweg Jesus ni ga’ar, “I gur e kamog.”

Matthew 26:49

Ma nap’an ni taw Judas me yan ngak Jesus me ga’ar, “Tamchib, nge yib e gapas ngom,” me faray owchen.

Mark 11:21

Me yib ngan’ Peter e n’en ni yog Jesus me ga’ar ngak, “Tamchib, a mu guy, fare ke gek’iy ni mkirebnag wa’athan e ke l’ud!”

Mark 12:38

Ma nap’an ni be machib nagrad me ga’ar, “Mu ayuweged gimed rok e pi tamchib ko Motochiyel, ya yad ba’adag ni ngu u ranod ni ka ron’ed e mad nib n’uw, ma yad ba’adag ni ngu’un siro’ ngorad ko gin ni bay e market riy;

Mark 14:45

Ma nap’an ni yigi taw Judas me yan ngak Jesus me ga’ar, “Tamchib!” Me faray Judas owchen.

Luke 11:43

“Kari mu gafgowgad e pi Farise, ya gimed ba’adag e chiya ni kan tay u lan tafen e mu’ulung i yan nib muduwgil e girdi’ ntagil’, ma gimed ba’adag ni ngu’un siro’ ngomed ko yungi n’en ni bay e market riy.

John 4:31

Ma ngiyal’nem e be wenig pi gachalpen Jesus ngak Jesus ni be lungurad, “Tamchib, mu koy ban’en!”

John 9:2

Me fith pi gachalpen ngak ni lungurad, “Tamchib, cha’nem nni gargeleg ma bmalmit e mini’ e puluwon e denen rok e yodoromnag? Denen rok ara denen ko gallibthir rok?”

John 11:8

Me fulweg pi gachalpen ni lungurad, “Tamchib, dawori n’uw nap’an ni finey fa picha’ nu Israel ni ngar malang niged gur; me ere kam finey ni ngam sul ngaram?”