Matthew 23:12 - Bible Ni Thothup

¹² Ma en nra tolangnag ir e yira sobut’nag nge sobut’an’, ma en nra sobut’nag ir e yira tolangnag.

Matthew 23:12 Referans Kwoze

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”

James 4:6

Ya ayuw nma pi’ Got ngodad e rib gel. Ya be yog e babyor nib thothup ni be ga’ar, “I Got e ma togopluw ngak e pi’in nib tolangan’rad, ma ma ayuweg e pi’in nib sobut’an’rad.”

Luke 14:11

Ya en nra tolangnag ir e yira sobut’nag, ma en nra sobut’nag ir e yira tolangnag.”

Proverbs 29:23

Tolngan’ e ra girngiyem nga but’, ma fa’anra gur be’ ni ga ba sobut’an’, ma bay un ta’fam.

Luke 18:14

Me ga’ar Jesus, “Nggog ngomed, nre tamukun tax nem ma gathi fare Farise e sul nga tafen nike mat’aw ngak Got. Ya en nra tolangnag ir e yira sobut’nag, ma en nra sobut’nag ir e yira tolangnag.”

Matthew 18:4

En nra yan i par ni ir e th’abi tolang ko gagiyeg nu tharmiy e en nra sobut’nag ir nge bod e chi tir ney.

Proverbs 15:33

Madgun SOMOL e ba sukul. Thingar mu sobut’ nigem u m’on ni ngan tolang nagem.

Matthew 5:3

“Nge felan’ e pi’in kar pir’eged u lanin’rad ni kar gafgowgad ndabisiy ni nge yag Got ngorad, ya gagiyeg nu tharmiy e ke thap ngorad!

Daniel 4:37

“I gag Nebukadnezzar e chiney e gu be pining e sorok ngak e en ni Pilung nu Tharmiy, ma gu be tay fan, ma gu be yog ni ir e ba gilbuguwan. Urngin ban’en nma rin’ e bmat’aw. Gubin ngiyal’ nib yal’uw e ngongol rok, mrayag rok ni nge sobut’nag e en nma ngongol u fithik’ e tolngan’ nge ufanthin.”

BABYOR NI JOB 22:29

I Got e ma girengiy nga but’ e pi’in ba tolangan’rad mma ayuweg e pi’in ba sobut’anrad.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Psalms 138:6

Yug aram rogon nri gab tolang ngalang, ma ga ma runguy e pi’in yad ba sobut’, ma pi’in ba tolangan’rad e dabyag ni ngar mithgad rom.

1 Peter 5:6

Ere mu sobut’ niged lanin’med u tan pa’ Got nib gel gelngin, me fal’eg lanin’med ko ngiyal’ ni be finey.