Matthew 21:33 - Bible Ni Thothup

³³ Me ga’ar Jesus, “Kum telmed nga reb e fanathin. Immoy be’ ni bay e binaw ntafen ni yung bangi grape ngay, me yororiy, nge mu’ me ker ba low ni luwan ban’en ni nge uduy wom’ngin e grape riy, me tay tafen e damit riy nib tolang. Me pi’ fa gi woldug ngak e pi’in kar ninged ngak ni ngu’ur ayuweged ma yad be fek boch i wom’ngin, ma yad be pi’ boch ngak e en ni ir e milay’ rok ni puluwon. Ma aram me yan ko milekag.

Matthew 21:33 Referans Kwoze

Jeremiah 2:21

Gu yungem ni bod rogon ba ke grape nib mal’eag, ni yib ko bin th’abi fel’ e awoch. Machane a mu sap ko n’en ni ka mu rin’. Gur e kambod ba kenggin ba ke grapes nike wod ni dabki fel’.

John 15:1

“I gag e bin riyul’ i kenggin e grape, ma Chitamag e ir e be ayuweg e woldug ni grape.

Luke 19:12

Ma aram me ga’ar, “Immoy be’ nib tolang ni yan nga ba nam nib orel ni ngan pilungnag riy nge mu’ me sul nga tafen.

Hosea 4:1

I SOMOL e bay e n’en ni nge yog ni ba togopluw ko girdi’ nu Israel ni be par ko re nam ney. Israel, mu telim ko n’en ni be yog ni be ga’ar, “Dariy e yul’yul’ nge t’ufeg u daken e re nam ney, ma dakriy e girdi’ ni be yog ni Gag Got.

Mark 13:34

Susun e be’ nib mo’on ni digey e tabinaw rok me yan ko milekag, me pag fan urngin ban’en ngak e pi tapigpig rok, nra bagayad ma maruwel rok; me yog ngak e en nma matanagiy e mab ni nge tiyan’ ko matanag.

Matthew 23:2

“Pi tamchib ko Motochiyel nge pi Farise e yad e pi’in kan pi’ mat’awrad ni yad e ngar weliyed fan e Motochiyel rok Moses ngak e girdi’.

Matthew 21:28

“Uw rogon ni gimed be finey e ren’en ni ba’aray ni nggog? Immoy be’ nib mo’on ni bay l’agruw i pagel ni fak. Me yan ngak e bin ba ilal rorow me ga’ar ngak, Fakag, mman ngam maruwel u milay’ ko grape e daba’.

Matthew 13:18

“Ere mmotoyilgad ngam nanged fan fare fanathin ni murung’agen e en nma wereg awochngin e woldug.

Jeremiah 19:3

I SOMOL e yog ngog ni nge lungug, “Mu telmed e pi pilung nu Judah nge girdi’ nu Jerusalem ko tin ngugog, I Gag, fare SOMOL ni Gubin ma Rayag Rok, ni gag e Got rok piyu Israel. Aram e nggu fek i yib ba riya’ nga daken e re gin’ey ni urngin e pi’in yad ra rung’ag murung’agen e ra gin lanin’rad ngay.

Isaiah 1:10

Jerusalem, pi’in yad be yog e thin rom nge girdi’ rom e yad bod e girdi’ nu Sodom ngu Gomorrah. Mu telim ko thin ni be yog SOMOL ngom. Mu tiyan’um ko n’en ni be fil e Got rodad ngom.

1 Kings 22:19

Me ul ul Mikayah ngay nge ga’ar, “Mu telim ko thin keyog SOMOL! Kug guy SOMOL nike par nga tagil’ u tharmiy, ni bay e pi engel rok ni yad ba sak’iy u to’oben.

Deuteronomy 16:18

“Mmel’eged boch e girdi’ ngar manged pi tapuf oloboch nge boch ni nge mang tolang u gubin e binaw nike pi’ SOMOL ni Got romed ngomed. Pi pumo’on ney e ngu’ur pithiged e yu pa’ i oloboch u puluwon e girdi’ ni rogon nib mat’aw.

Matthew 20:1

“Gagiyeg nu tharmiy e bod be’ ni fi’in bangi grape, ni yan nni kakadbul ni be gay e girdi’ ni ngar maruwelgad u fithik’ fa gi grape ni fi’in.