Biblia Todo Logo
Bib sou entènèt

- Piblisite -




Matthew 21:12 - Bible Ni Thothup

12 Me yan Jesus ngalan e Tempel me tuluf urngin e pi’in yad be chuway’ ban’en nge pi’in yad be folchuway’ nga ban’en u lan e Tempel; me thikiy e tebel ko girdi’ ni be thiliyeg e salpiy, nge chiya rok e pi’in yad be chuway’ ko bulogol,

Gade chapit la Kopi




Matthew 21:12
18 Referans Kwoze  

Fa’anra nge pi’ facha’ ngak SOMOL ba arche’ ni mo’oruf, ma thangri mel’eg reb e dove ara reb e arche’ ni blogol nge pi’.


Machane fa’anra dabiyag puluwon ba saf ara ba kaming rok, ma thangri fek l’agruw e arche’ ni dove ara l’agruw i bulogol i yib ngak SOMOL ni puluwon e denen rok. Reb e nge mang maligach ko denen ma reb e nge mang maligach ni mo’oruf.


Ma ku ranow ngar pi’ew ba maligach ni bod rogon nike yog e motochiyel rok Somol nike ga’ar, “L’agruw i dove ara l’agruw i pifak e bulogol e ngan pi’ ni maligach.”


Fa’anra fare pin e dabyag ni pi’ puluwon reb e fak e saf, ma thangri fek i yib l’agruw i bulogol ara l’agruw e dove, ni reb riy e fen e maligach ni mo’oruf ma reb e maligach ko denen, ma fare prist e nge bangbengnag rogon ni nge arow fare pin, ma aram e ke be’ech.


Nge l’agruw i arche’ ni dove ara l’agruw e blogol, reb e ba maligach ni fan ko denen, ma reb e ba maligach ni mo’oruf.


Gubin e girdi’ ni kan the’egrad e thingar ra pi’ed e salpiy ni oren ni kanog, ni bod tomalngin ni kan turguy ni ngan pi’. Gubin e girdi’ nthingar ra pi’ed e salpiy ni aram e kar og niged ngog.


Me yan Jesus ngalan yu Jerusalem, me yan ngalan e Tempel, ma nap’an ni mu’ i yaliy rok urngin ban’en, ma aram mranod fa ragag nge l’agruw i gachalpen nga Bethany, ya ke gonowrug.


Me pi’ reb fa gali arche’ ni dove ara blogol


Ma nap’an nra gaman nap’an ni arme ke arow fare pin, ni demturug ko ba pagel fak fa bpin, ma thingri fek ba fak e saf ni ta’reb e duw rok i yan ko prist nga langan e garog ko fare Tent u p’eowchen SOMOL ni ngan fanay ko maligach ni mo’oruf nge reb e bulogol ara ba dove ni maligach ko denen.


Ma rofen nra gaman e meruk fen ngay e ra fek l’agruw i arche’ ni dove ara l’agruw i blogol i yan ngak fare prist nga langan e mab ko fare Tent u p’eowchen SOMOL.


Ma re rran nra gaman e meruk fen ngay e nge fek l’agruw e arche’ ni dove ara l’agruw e blogol nga langan fare Tent u p’eowchen SOMOL ni nge pi’ ngak fare prist.


Fa’anra dabiyag puluwon l’agruw arche’ ni dove ara l’agruw e bulogol rok be’, ma thangri fek i yib l’agruw e pawn e flour ni ngan ognag ni fan ko denen rok. Dabi tay e gapgep ni olive ara incense ngay, ya ba maligach ni fan ko denen, ma gathi bmaligach ni grain.


Ngiyal’ nem e ke chugur ko madnom ni Paluk’af rok yu Israel, ma aram me yan Jesus nga Jerusalem.


Swiv nou:

Piblisite


Piblisite