Matthew 2:9 - Bible Ni Thothup

⁹ Ma aram miyad yan, ma nap’an ni ka yad be yan miyad guy fare t’uf ni ka fare t’uf nra guyed u lan e ngek — me ere i m’on rorad nge yan i taw nga puluwon fa gin’em ni bay fare tir riy, me tal.

Matthew 2:9 Referans Kwoze

Matthew 2:2

“Bu uw fare tir ni kan gargeleg ni ir e nge mang pilung rok piyu Israel? Ya kug guyed t’ufan ko ngiyal’ ni m’ug u lan e ngek, me ere kugbad ni nggu siro’gad ngak.”

2 Peter 1:19

Aram fan ni kari pagan’mad ko thin rok Got ni i weliy fapi profet. Bfel’ ni ngam tiyan’med ko pi thin nem, ya bod ba magal ni be par ram’en u fithik’ e lumor nge yani mada’ ko fare Rran ni nge puf e woch riy me gal ram’en fasiran, ni t’ufen e kadbul, nge tamilangnag lanin’med.

Proverbs 8:17

Ba t’uf rog e pi’in gu bt’uf rorad; en nra gayeg e ra piri’egeg.

Psalms 25:12

Pi’in yad ma fol rok SOMOL e yad ra fil rok e re wo’ ni ngranod riy.

Matthew 2:8

Me l’oegrad ni ngranod nga Bethlehem me ga’ar ngorad, “Marod ngam fal’eged i gayiy e re tir nem, ma fa’an gimed ra pir’eg mi gimed guy rogon nggu nang, nge yag ni ku gu wan gu siro’ boch ngak.”

Matthew 2:10

Ma ngiyal’ nra guyed e re t’uf nem e rib gel e felfelan’ ni yib ngorad!