Matthew 18:17 - Bible Ni Thothup

¹⁷ Ma fa’anra dabi fol rorad, me ere mog fapi thin ni urngin ngak girdi’en e galesiya. Ma fa’anra dabi fol rok girdi’en e galesiya, ma ga tay ni gowa be’ u yugu reb e nam fa reb e tamukun tax.

Matthew 18:17 Referans Kwoze

2 Thessalonika 3:6

Pi walagmad ni girdi’en Kristus, gamad be ta’chiylen ngomed u fithingan Somol ni Jesus Kristus ni ngam ted gimed u orel rok urngin e pi’in walagey ni girdi’en Kristus ni yad bmalmal ndarir uned nga reb e maruwel, ma darir folgad ko fonow ni gu pi’ed ngorad.

1 Korinth 5:9

U lan fa gi babyor ni kug yoloy ke yib ngomed e kugog ngomed riy ndab um cheaggad ngak e pi’in yad be ngongliy e ngongol ko darngal.

Ezekiel 11:12

Bay mu nanged ni Gag SOMOL ma n’umngin nap’an ni um folgad ko motochiyel ko pinam nib chuchur ngomed, e aram n’umngin nap’an ni um th’abed e motochiyel rog nge tin gog ngomed ni ngam rin’ed.”

Ezra 6:21

Girdi’ ni kay e ggan ko re madnom nem ni Paluk’af e urngin e girdi’ nu Israel ni ur kalbusgad u Babylon ni kar sulod, nge urngin e pi’in ni kar paged e bin ba’aram e ngongol ni yad ma meybil ko liyos nge yugu boch e got, ni bod ni be rin’ girdi’en yugu boch e nam ni be par u lan e nam nu Israel, ma kar tababgad i liyor ngak SOMOL ni Got rok yu Israel ma yad be meybil ngak.

1 Timothy 6:5

nge tugthin ni be yib rok e girdi’ nib kireb lanin’rad ndakuriy e thin rok Got u wun’rad ni ir e tin nib riyul’. Ma yad be finey ni liyor ni yibe tay ngak Got e reb e kanawo’ ni nge yib e salpiy ni pire’ riy.

Luke 15:1

Bay ba ngiyal’ ni bo’or e pi tamukun tax nge pi’in ndabuy dakenrad u lan binaw nrabad ni ngar motoyilgad ko thin ni be yog Jesus.

Matthew 11:19

Me yib e en ni Fak e Girdi’, mi i abich ma be garbod me ga’ar e girdi’ ni gubin, ‘Mu guyed e re mo’on ney! I ir be’ nib ta’abich mma unum e wayin, me ir e fager rok e pi’in tamukun tax nge pi’in ndabuy dakenrad ni yad ba thiyar u lan binaw!’ Machane gonop rok Got e ke gagyal nib riyul’, ko tin ke yib i m’ug riy.”

Luke 18:11

Me sak’iy fare Farise ngalang nge meybil rok ni ga’ar, ‘Gu be pining e magaer ngom, i gur Got, ni bochan e gathi gag be’ ni gub chogow, fa gu ma ban, ara gu ma darngal, ni bod nma rin’ yugu boch e girdi’; gu be pining e magaer ngom ni bochan e gathi gu bod e re tamukun tax nem.

Matthew 5:46

Ere mang ni gimed be finey nra fulweg Got labgen ngomed ni fa’anra kemus ni pi’in gimed ba t’uf rorad e yad ba t’uf romed? Ya mus ngak e pi’in yad ma kunuy e tax ma ireyer e n’en ni yad ma rin’!

Matthew 6:7

“Fa’anra mmeybilgad ma dab um sulod u daken ta’ab bugithin ni pire’ yay ni bod nma rin’ e pi’in yad ma meybil ngak yugu boch e kan, ni yad be finey ni yira rung’ag e tin ni yad be yog ni bochan e ba n’uw e meybil ni yad be pi’.

Matthew 10:3

nge Filip nge Bartholomew; nge Thomas nge Matthew, ni takunuy e tax; nge James ni Alfeus e chitamngin, nge Thaddeus;

1 Korinth 6:1

Fa’anra malu’ag thin bigimed nge be’ ni walagdad ni girdi’en Kristus, ma mangfan ni nge yan i egnag ngak e pi’in ntapuf oloboch ndawor rnanged Got, ma de pag e girdi’ rok Got nge mang yad e ra pithiged?

Joshua 22:15

Rabad ko fare binaw nu Gilead, ko girdi’ rok Ruben, nge Gad, nge ley ni Ngek e Manasseh,