Matthew 16:4 - Bible Ni Thothup

⁴ Miki ga’ar Jesus, “Kari kireb e girdi’ ma dakir un Got u wun’rad e bin daba’ e rran! Gimed be wenignag ngog ni nggu dag reb e maang’ang ngomed? Dabiyag! Ta’are maang’ang ni bay ndag ngomed e fare maang’ang ni rin’ Got ngak Jonah.” Ma aram me pagrad nge yan.

Matthew 16:4 Referans Kwoze

Jonah 1:17

Me l’oeg SOMOL ba nig ni ba ga’ nge yib i ful’ Jonah; me par Jonah u lan yin fare nig ni dalip e rran nge dalip e nep’.

Mark 8:38

Ere fa’anra tamra’ be’ ni bochag nge n’en ni gu be fil ngak e girdi’ ko ngiyal’ney ndakir mich Got u wan’ e girdi’ ma yad be rin’ urngin mit e kireb, e ku ra tamra’ e en ni Fak e Girdi’ ngak ko ngiyal’ nra yib riy ni yad e pi engel rok Got ni be galgal ram’en ni bod e Chitamngin.”

Mark 8:12

Me ri ga’ar Jesus, “Ah”, nike kireban’, me ga’ar, “Mangfan e girdi’ ko bin daba’ e rran ni yad be mogow maang’ang? Dab ndag ngak e pi girdi’ ney e re pow ni be’er ni gimed be ning!”

Matthew 15:14

“Mpaged yad! Ya yad be pow’iy e girdi’ ma yad bmalmit; ma fa’anra kol reb e malmit pa’ reb e malmit ngi i pow’iy i yan, ma yow l’agruw ni yow ra mul nga wuru’ e kanawo’ ngalan wol’ e ran.”

Genesis 6:3

Me ga’ar SOMOL, “Dab gu tay e girdi’ ngar pired ni yad bfos ndariy n’umngin nap’an, ya dowrad e ra yim’. Chiney i yan nga m’on e dab kur pired ni yad bfos nge pag 120 e duw yangarrad.”

Acts 18:6

Ma fa’anra togopluwgad ngak miyad yog e thin nib kireb ni murung’agen, me rurug e fiyath ko mad rok ni aram e ke togopluw ngorad ma be ga’ar ngorad, “Fa’an gimed ra malog, ma gimed e kireb romed! Me gag e dariy rogon ngog. Chiney i yan ngaram e bay gu wan ngak e pi’in gathi yad piyu Israel.”

Hosea 9:12

Machane fa’an yad ra fakay e bitir, ma bay gu chuweg rorad ni dariy baygad nra fos. Nap’an ni gu ra n’ag e pi girdi’ ney, ma bayi buch bogi ban’en rorad nrib kireb.”

Hosea 4:17

Girdi’ nu Israel e yad be par u tan gelngin e liyos. Ngan pagrad ngranod ko birorad e kanawo’

Acts 2:40

Me wenig Peter ngorad ma bo’or yu bugithin ni yog ngorad ni be tay ir ngorad ni be ga’ar, “Mu lufed gimed ko gechig ni bay yib ngak e girdi’ nib kireb ko biney e mfen!”

Isaiah 57:3

Gimed e pi tadenen mired ngaray ngan pufthin nagmed! Dariy e thilthil romed ngak e pi tapig nge pi’in yad ma tayfan yug boch e got nge pi’in yad ma falchuway’ ngorad.

Jonah 1:1

Reb e rran me non SOMOL ngak Jonah nib mo’on ni fak Amittai.

Matthew 16:5

Ma fa’ani th’ab pi gachalpen fare lipath ngranod nga baraba’ miyad pag talin ni ngar feked e flowa.