Matthew 14:3 - Bible Ni Thothup

³ I Herod e yog ni ngan kol John ngan m’ag nga nin’ nga kalbus. I rin’ ni aram rogon ni bochan Herodias ni i leengiy Filip ni walagen.

Matthew 14:3 Referans Kwoze

Mark 6:17

Herod e ir e yog ni ngan kol John ngan m’ag nga nin’ nga kalbus. I rin’ Herod ni aram rogon ni bochan Herodias nike leengiy, ni leengin walagen ni pumo’on, ni aram Filip.

Matthew 4:12

Fa’ani rung’ag Jesus ni kanin’ John nga kalbus, me yan nga Galile.

Mark 6:22

Ma nap’an ni yib bochi rugod ni fak Herodias nge yib i churu’ me felfelan’ Herod ngak nge pi’in ni piningrad Herod ni ngar uned ngak ko madnom. Me ga’ar Herod ni Pilung ngak fachi pin, “Mang e n’en ni ga ba’adag ni nge yag ngom? Ya demturug e n’en ni ga ba’adag mrayag ni gu ra pi’ ngom.”

Mark 6:19

Me aw John nga laniyan’ Herodias, me finey Herodias ni nge guy rogon ngan li’ John ngem’, ma dabiyag ni nge rin’ ni bochan Herod.

Matthew 11:2

Mi John nma tawfe e nap’an ni bay u kalbus me rung’ag murung’agen e maruwel ni be tay Kristus, me l’oeg boch i gachalpen ngranod ngak.

Luke 13:1

Re ngiyal’ i n’em e immoy boch e girdi’ ko gin’em nrogned ngak Jesus murung’agen fapi girdi’ nu Galile ni thang Pilate e pogofan rorad ko ngiyal’ ni yad be pi’ e maligach riy ngak Got.

Matthew 14:6

Fa’ani taw ko chirofen nni gargeleg Herod riy me churu’ bochi pin ni fak Herodias u p’eowchen e girdi’ ni kar mu’ulunggad. Me felfelan’ Herod ngak,

Mark 6:14

Me rung’ag Herod ni Pilung murung’agen e pin’ey, ya ke wear murung’agen Jesus ni yigo’o kan nang i yan. Me ga’ar boch e girdi’, “I John ni i tawfe e ke fos ko yam’! Aram fan ni bay gelngin ni nge ngongliy e maang’ang.”

Mark 8:15

Me tay Jesus chiylen ngorad ni ga’ar, “Mu ayuweged gimed rok e is ko pi Farise nge is rok Herod.”

Luke 3:1

Re ngiyal’ i n’em e ke yan i gaman ragag nge lal e duw ni par Tiberius ni ir e emperor; ma Pontius Pilate e am u Judea, mi Herod e pilung nu Galile, ma walagen i Filip e ir e pilung nu Iturea ngu Trakonitis; mi Lysanias e pilung u Abilene,

Luke 8:3

nge Joanna, ni ppin rok Kuza ni ir reb e salthaw nib tolang u tafen Herod; nge Susanna, nge ku boch e ppin ni ur ayuweged Jesus nge pi gachalpen ko tin ni nge yag ngorad.

Luke 13:31

Ka re ngiyal’ i n’em me yib boch e Farise ngak Jesus me lungurad ngak, “Thingar mu chuw u roy ngam man ngabang, ya ke finey Herod ni nge thang e pogofan rom.”

Luke 23:7

Ma fa’ani nang ni yib Jesus ko gin ni ba’aram e nug ni Herod e be yog e thin riy, me pi’ Jesus nge yan ngak Herod, ni ku bay u rom u Jerusalem e ngiyal’nem.

Luke 23:11

Me par Herod nge pi salthaw rok ngu’ur moninggad ngak Jesus miyad be darifannag. Miyad yin’ ba mad nib n’uw ma bfel’ nga daken miyad pi’ ngan fulweg ngak Pilate.

Acts 4:27

Ya riyul’ ni Herod nge Pontius Pilate e rabow nga ta’bang u lan e re binaw ney ngar puruy’gad e pi’in Gathi yad piyu Israel nge girdi’ nu Israel nib togopluw ngak Jesus, ni ir fare tapigpig rom nib thothup, ni ir fa’anem ni mu tay ni Messiah.

Acts 12:1

Gonap’an e re ngiyal’ i n’em me tabab Herod ni pilung i gafgownag boch i girdi’en fare galesiya.