Matthew 12:19 - Bible Ni Thothup

¹⁹ Ma dabi tugthin ngak e girdi’ fe tolul ngorad, fe welthin ni ba ga’ laman u lan e yu pa’ i kanawo’;

Matthew 12:19 Referans Kwoze

Matthew 11:29

Mfeked e mat’ rog ngam ted nga pomed, mi gimed folwok rog, ya gub munguy ma gub sobut’an’; mi gimed pir’eg e toffan.

2 Korinth 10:1

I gag Paul e gu be wenig ngomed — i gag fa’anem ni kanog nib sobut’an’ug ma gub gol ko ngiyal’ ni gu bay romed, machane dagur tamdag ni nggu non ngomed nib gel ko ngiyal’ ni gub mal’af romed. Gu be wenig ngomed ni bod feni munguy nge feni gol Kristus ni be lungug:

Luke 17:20

Me fith boch e pi Farise ngak Jesus ko ngiyal’ nra taw e gagiyeg rok Got. Ma fulweg riy ni pi’ e ga’ar, “Gagiyeg rok Got e dabi yib ni bod rogon ban’en ni yira guy.

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

Isaiah 42:2

Dabi tolul ma dabi ga’nag laman, ara i welthin ni ba ga’ laman u lan e yu pa’ i kanawo’.

Matthew 12:20

ma dabi t’ar ba ley i ro’uy nike m’ing, ma dabi thang ba magal ni be n’en ni nge math. Bay i maruwel i yan nge yan i mada’ ko ngiyal’ nike muruwliy e tin nib mat’aw ke gel;