Matthew 11:22 - Bible Ni Thothup

²² Ere mu ted fanmediyan riy ni Chirofen nra Pufthinnag Got e girdi’ e ba ga’ boch e runguy nra tay ngak e girdi’ nu Tyre ngu Sidon ngomed!

Matthew 11:22 Referans Kwoze

Matthew 11:24

Ere mu ted fanmediyan riy ni Chirofen nra pufthinnag Got e girdi’ e ba ga’ boch e runguy nra tay ngak yu Sodom ko runguy nra tay ngomed!”

Matthew 10:15

Mu ted fanmediyan ko re bugithin ney! Chirofen nra pufthinnag Got e girdi’ riy e ka ba ga’ e runguy nra tay ngak e girdi’ nu Sodom ngu Gomorrah ko runguy nra tay ngak girdi’en e re binaw nem!”

1 John 4:17

Ba’aray fan ni rogon nib t’uf Got rodad nge girdi’ e nge yan i aw ngarogon u fithik’dad, ni fan e ngari pagan’dad ko Chirofen ni bayi pufthinnag Got e girdi’ riy, ni bochan e gadad be par u roy u fayleng ni bod ir.

Matthew 12:36

“Ya ba’aray ban’en ni nggog ngomed: Chirofen nra pufthinnag Got e girdi’ riy e gubin e girdi’ nra be’ ma urngin bugithin ni yog nthin ndariyfan ma thangri weliy tapgin ni yog.

Luke 10:14

Ka ba ga’ e runguy nra tay Got ngak yu Tyre nge yu Sidon ko runguy nra tay ngomed ko Chirofen nra pufthinnag e girdi’ riy.

Ezekiel 29:18

“Fak e girdi’, Nebukadnezzar ni Pilung nu Babylon e ke m’ag e mael nga Tyre. Ke gafaliy e salthaw rok kar feked e chugom ni rib tomal ni be meligich u daken lolugenrad ke modro’ nagrad ma ke fath e biyach u porad, machane Nebukadnezzar nge salthaw rok e de yag nra koled yu Tyre.

Jeremiah 27:3

Ma aram me yog SOMOL ngog ni nggu pi’ e thin nge yan ko pilung nu Edom, Moab, Ammon, Tyre, ngu Sidon, ni nggog ko pi’in ni mayan ni owchen reb e nam nga reb ni karbad nga Jerusalem ni ngar guyed Zedekiah ni Pilung.

2 Peter 3:7

Machane lanelang nge re fayleng ney ni bay e chiney e ka re bugithin nem rok Got e ir e ke tay ni dabi kireb nge yan i mada’ ko ngiyal’ ni nge yib e nifiy i kirebnag. Ke tay Got ni dabi kireb ni fan ko chirofen ni bay ni pufthinnag e girdi’ nib kireb nge mu’ min kireb nagrad.

2 Peter 2:9

Ere Somol e manang rogon ni nge ayuweg e pi’in yad ma fol rok ko gafgow nma yib ngorad, nge rogon ni nge tay e pi’in kireb u tan e gechig rok nge yan i mada’ ko Chirofen ni bayi pufthin nagrad Got,

Hebrews 2:3

Ere uw rogon ma gadad thay riy ni fa’anra dariyfan u wun’dad e n’en ni ir e th’abi manigil nike rin’ Kristus ni fan ngodad ni bochan e ngad thapgad ngak Got? I Somol e ir e som’on ni weliy murung’agen kanawo’en min thap ngak Got, ma picha’ nrung’aged e re bugithin nem ni yog e kar micheged ngodad nre bugithin nem e ba riyul’.

Joel 3:4

“Gimed yu Tyre, nge yu Sidon, nge yu Filistia ni ga’ngin, mang e gimed be guy rogon ni ngam rin’ed ngog? Mogned, gimed be guy rogon ni ngam fulweged taban ban’en ngog? Fa’anra er rogon ni gimed be leamnag, ma bay gu fulweg taban ngomed ni papey!

Matthew 11:21

“Rib ga’ ba gafgow ni bay mu ted yu Korazin! Rib ga’ ba gafgow ni bay kum ted yu Bethsaida! Ya fapi maang’ang ni kani ngongliy u lan e gali binaw nir e fa’an mang e ni ngongliy u lan yu Tyre nge yu Sidon, ma girdi’ riy e kafram ni ka ron’ed e tutuw ni mad, ma kar thiygad ko awat ni nge mang pow riy ni kar pi’ed keru’rad ko denen ni yad be ngongliy!

Revelation 20:11

Ma aram mu gguy ba tagil’ e pilung nib ga’ ma ba wechwech nge en nike par ngay. Me mil e fayleng nge tharmiy u p’eowchen nga bayang nge da ku ni guy.

Revelation 20:12

Ma aram mu gguy e pi’in ni karm’ad, ni pi’in nib tolang nge pi’in nib sobut’ ni kar sak’iygad u m’on u tagil’ Got. Min pithig e babyor, mu kun pithig ba kaen, ni fare ke babyor ni babyoren e pi’in ni kar fosgad. Ma pi’in ni karm’ad e ni pufthinnagrad ni be yan u rogon e n’en ni ur ngongliyed, ni bod rogon ni kan yoloy ngalan fa yu ke babyor.