Matthew 11:2 - Bible Ni Thothup

² Mi John nma tawfe e nap’an ni bay u kalbus me rung’ag murung’agen e maruwel ni be tay Kristus, me l’oeg boch i gachalpen ngranod ngak.

Matthew 11:2 Referans Kwoze

Mark 6:17

Herod e ir e yog ni ngan kol John ngan m’ag nga nin’ nga kalbus. I rin’ Herod ni aram rogon ni bochan Herodias nike leengiy, ni leengin walagen ni pumo’on, ni aram Filip.

Matthew 14:3

I Herod e yog ni ngan kol John ngan m’ag nga nin’ nga kalbus. I rin’ ni aram rogon ni bochan Herodias ni i leengiy Filip ni walagen.

Matthew 4:12

Fa’ani rung’ag Jesus ni kanin’ John nga kalbus, me yan nga Galile.

Matthew 9:14

Me yib pi gachalpen John nma tawfe ngak Jesus, miyad fith ngak ni lungurad, “Mangfan ni gamad nge pi Farise e yig gamad be pag e abich, ma der un pi gachalpem i pag e abich?”

John 4:1

Me rung’ag e pi Farise ni bo’or e girdi’ ni be yan ngak Jesus ngi i tawfe nagrad ngar manged gachalpen ko tin ni be yan ngak John. (

Luke 3:19

Machane me welthin John nib togopluw ngak Herod ni am ni bochan e ke le’ay Herodias, ni immoy ni leengin be’ nib mo’on ni walagen, ma bo’or boch ban’en nib kireb nike ngongliy.

Matthew 1:17

Ere ragag nge aningeg e mfen ko ba’ ni matam, ni chitamangiy nge pifakay ni pumo’on ni mus rok Abraham nge yib i mada’ ngak David, ma ragag nge aningeg rok David nge yib i mada’ ko ngiyal’ nni fek e girdi’ riy nga Babylon, ma ragag nge aningeg ko ngiyal’nem nge yib i mada’ ko ngiyal’ nni gargeleg fare Messiah riy.

Luke 9:7

Mi Herod, ni ir e pilung nu Galile e rung’ag murung’agen urngin e pin’en ni be rin’ Jesus; me ri balyangan’ u murung’agen ni bochan e be ga’ar boch e girdi’, “I John ni i tawfe e ke fos ko yam’!”