Matthew 10:5 - Bible Ni Thothup

⁵ Jesus e l’oeg e re ragag nge l’agruw i girdi’ ney, ma ba’aray e pin’en ni yog ni ngar rin’ed ni ga’ar, “Dab marod ngalan e nam ko pi’in gathi yad piyu Israel fa lan e pi binaw ni bay e girdi’ nu Samaria riy.

Matthew 10:5 Referans Kwoze

John 4:9

Me fulweg fare pin nu Samaria ni ga’ar, “I gur e ga be’ u Israel mi gag e gu be’ u Samaria — ere ke di’in ma kam ning e ran ngog ni ngam unum?” (Ya piyu Israel e darir fanayed e ran ko pin’en nma fanay piyu Samaria e ran riy.)

1 Thessalonika 2:16

Ra guyed rogon ni ngar taleged gamad ni nge dab gu machib niged e thin rok Got ngak e pi’in gathi yad piyu Israel, ni ir e ra thapegrad ngak Got. Denen ni yad be ngongliy ni gubin ngiyal’ e ireray e re fol nike yan i mada’ ngay. Ere fini aray e ke taw e damumuw rok Got ngorad!

Luke 17:16

Me yib i paraw nga but’ u to’oben i ay Jesus ni be pining e magaer ngak. Re mo’on nem e be’ u Samaria.

Acts 10:45

Ma piyu Israel nib mich Jesus u wun’rad ni karbad u Joppa ni yad Peter e ra gin gad ngay ni ku errogon e pi’in gathi yad piyu Israel nike pu’og Got e tow’ath rok nga dakenrad, ni aram fare Kan Nthothup.

Luke 9:2

Ma aram me l’oegrad ngranod ni ngar machib niged ngak e girdi’ u murung’agen e gagiyeg rok Got, miyad golnag e pi’in nib m’ar.

Acts 1:8

Machane bay yib gelngimed ko ngiyal’ ni bay yib fare Kan Nthothup riy nga dakenmed, ma aram mi gimed weliy murung’ageg u lan yu Jerusalem, ngu lan yu Judea ni polo’, ngu lan yu Samaria, nge yan i mada’ ko yungi n’en ni yan i mus e fayleng ngay.”

John 20:21

Me ga’ar Jesus ngorad bayay, “Nge yib e gapas ngomed. Rogon nike l’oegeg e en ni Chitamangiy e aram rogon ni nggu l’oegmed.”

John 7:35

Me yog e pi tolang ko Jew u fithik’rad ni lungurad, “U uw e ke chugur ni nge yan ngay ndab kud pir’eged? Gur bay yan ko pi binaw rok yu Greece ko yungi n’en ni be par piyu Israel riy ngi i machibnag piyu Greece?

John 4:5

Me yib nga bbinaw ni bay u lan yu Samaria, nike lunguy yu Sykar, nde mal’af ko fa gi binaw ni fa’ani pi’ Jakob ngak be’ nib mo’on ni fak ni aram Josef.

Luke 10:33

Machane be’ u Samaria ni be sor i yan ko gin’em e yib i pir’eg, ma fa’ani guy fare mo’on me taganan’ ngak.

Matthew 4:15

“Nug nu Zebulun, nge nug nu Naftali, nib migid ko lipath, u baraba’ e Jordan, Galile rok e pi’in gathi yad piyu Israel!

Acts 8:1

Me fel’ u wan’ Saul ni kan li’ Stefen kem’. Ka chirofen nem min tabab i gafgownag girdi’en fare galesiya u lan yu Jerusalem nrib gel e kireb ni un tay ngorad. Ma urngin e pi’in ke mich Jesus u wun’rad e ra weargad u lan yu Judea i yan ngu Samaria, ma kemus ni fapi apostel e dar uned ko mil.

John 8:48

Me ga’ar fapi cha’ nu Israel ngak Jesus, “Gathi ba riyul’ ni ku gogned ni gur be’ u Samaria ni keb i ying ba mo’onyan’ ngom?”

John 4:20

Pi chitamag nu Samaria ni kakrom e ur meybilgad ngak Got u daken e re burey ney, machane gimed piyu Israel e ke lungumed e yu Jerusalem e eram e gin’en ni ir e ngu’ud meybilgad riy ngak Got.”

Luke 10:1

Tomuren e biney me mel’eg Somol yugu boch e girdi’ ni medlip i ragag nge l’agruw i pumo’on me l’oegrad ngranod ni yad lal’agruw, ni ngar m’onod rok ngranod ngalan urngin e binaw nge yungi n’en ni be n’en ni nge yan ngay.

Matthew 22:3

Me l’oeg e pi tapigpig rok ngranod ra pininged e pi’in ke taw e pong ngorad ni ngarbad ko re madnom nem, machane daburad ni ngarbad.

Mark 6:7

Ma aram me ulunguy Jesus fa ragag nge l’agruw i gachalpen me l’oegrad ngranod ni yad lal’agruw. Me pi’ mat’awrad nrayag ni ngar tulufed e mo’onyan’,

Luke 9:1

Ma aram me ulunguy Jesus fa ragag nge l’agruw i gachalpen nge pi’ gelngirad nge mat’awrad ni ngar tulufed urngin e mo’onyan’ nike ying ngak e girdi’ miyad chuweg e liliy.

John 17:18

Ku gol’oegrad ni ngranod nga fithik’ e girdi’ nu fayleng ni bod rogon ni kam l’oegeg ku gub nga fithik’ e girdi’ nu fayleng.